Најнови написи, вести, анализи, рецензии и практични совети за Веб. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
„Ирачкиот воен дневник“ на Wikileaks содржи над 391.832 доверливи документи кои ги опишуваат американските операции во Ирак детално опишувајќи ги жртвите, настаните, битките... Ова е втор ваков извештај од Wikileaks по објавувањето на „Авганистанскиот воен дневник“ кој содржеше над 90.000 доверливи документи од американската војска.
Google тестира подруштвени вести, додаде „Споделено од“ текстот покрај секоја вест. На прв поглед оваа информација заедно со бројот на „сличните написи“ ви ја кажува популарноста на веста, често и важноста на тие вести.
Open Web App екосистемот, се уште прототип, на Mozilla треба да биде место каде корисниците ќе можат да прегледуваат апликации, заедно со нова табла вметната во прелистувачот каде може да се инсталираат апликации, и место каде програмерите ќе можат да најдат различни алатки за развивање на апликации.
За само два дена од објавувањето, видео трејлерот на World of Warcraft: Cataclysm е погледнат над 2 милиони пати. Сепак може да се очекува видеото да стане уште поголем хит бидејќи масовната онлајн игра World of Warcraft има над 12 милиони играчи ширум светот.
Зе Франк е комичар кој во 2001 стана познат по своето вирално видео „Како да играте соодветно“, а од тогаш се занимава со онлајн комедија, веб играчки и слични комични и друштвени експерименти, како барање од корисниците да му го напишат неговото шоу користејќи веб алатки.
Скратувачот на линкови Bit.ly додаде опција да може скратен линк да се претвори во QR код само додавајќи .qr на крај на линкот. Пример, http://bit.ly/1ueAof.qr .
Skype конечно ја објави 5.0 верзијата за Windows за симнување. Големата новина е секако можноста за видео чет со 10 луѓе, што го прави Skype еден вид бизнис алатка за конференциски видео разговори. Видео повиците во моментот се бесплатни бидејќи „сакаме да се осигураме дека имаме заинтересирани корисници и дека квалитетот е доволно добра за да наплаќаме за услугата“ вели директорот за продукти на Skype, Мајк Бартлет.
Bing.com сега како резултати од пребарувања ќе покажува „Like" информации од Facebook Instant Personalization. Ова значи дека кога корисникот, кој е претходно логиран на Facebook, ќе пребарува на Bing покрај стандардните резултати ќе се појавуваат и лицата на неговите пријатели кои кликнале Like на тој линк. Најдобар пример е пребарување на филм, музика или слика. Кога ќе пребарувате некој филм интересен за вас ќе видите и на кој од вашите пријатели му се допаднал тој филм, како на сликата погоре.
Mozilla го стартува својот Army of Awesome проектот, кој е обид да се регрутира Mozilla заедницата, експертите и ентузијасти кои ќе помогнат и одговорат на корисничките прашања и технички проблеми.
"Луѓето се тие кои ги поседуваат и треба да ги контролираат сите информации кои ги внесуваат во Facebook, па така 'Download Your Information' ќе им овозможи на луѓето да ги експортираат податоците и да си ги имаат на едно место" објасни основачот на најголемата друштвена мрежа, Марк Зукерберг, на вчерашната прес конференција каде што беа најавени неколку нови проекти, меѓу кои и опцијата наречена Download Your Information која овозможува на лесен начин да ги експортирате сите ваши пораки, слики, видеа, и постови во .zip фајл.
Google тестира опција на страната со резултатите што ќе ви ја прикаже веб страната пред да кликнете на линкот. Доволно е само поставување на глувчето врз линкот и ќе ви се прикаже како изгледа сајтот. Интересно не се прикажуваат рекламите на сајтот.
Според статистиката на StatCounter прелистувачот на Microsoft, Internet Explorer за прв пат падна под 50%, односно сега држи 49.87 отсто од глобалниот пазар на прелистувачи за септември. Мozilla Firefox е втора со 31.5 отсто. Најинтересен раст е тој на Google Chrome кој сега има 11.54% од глобалниот пазар на интернет прелистувачи, што е одличен раст замајќи в предвид дека имаше само 3.6 отсто во септември 2009 година.
BBC објави интересен текст „Зошто компаниите мора да го следат секој ваш чекор на Facebook, YouTube, Twitter“, во кој пишува за денешнава моќ на потрошувачот и како денеска компаниите не можат да си дозволат да бидат дрски, да ги игнорираат корисниците и со тоа да привлечат негативна репутација.
Интернет на нештата и проширената реалност ќе ни помогнат да конзумираме информации со кои нашиот мозок не може да се справи, вели директорот на Google Ерик Шимт зборувајќи за следниот чекор во развој на технологијата.
Зарем ве изненадува што два македонски пребарувачи се изгасија бидејќи 58 отсто од нас, македонските интернет корисници, воопшто не користат локални пребарувачи, туку 97 отсто од пребарувањето го правиме преку Google.com?
Новиот македонски пребарувач Borg.mk доби редизајн, ново лого (што беше една од најчестите критики, види коментари тука) и нов слоган „Maknify your search".
Samsung претстави демо од Home Watcher (домашниот чувар) софтверот за далечинска контрола на сите домашни уреди преку Galaxy Tab, таблет компјутер кој ќе биде објавен во ноември. Демово покажува неколку интересни опции. Пример, ја пренесува телевизијата на вашиот таблет, но уште поинтересно ви прикажува рецепти со состојките кои ги имате во фрижидерот во моментот. Дури и далечински да ја загреете печката за да биде спремна веднаш да готвите.
ЕУ инвестира 14 милиони евра во Webinos проектот чија цел е да направи платформа за креирање универзални апликации за мобилни, PC, телевизија и уреди во автомобили. Проектот го води Институтот Фраунхофер, односно истата група научници кои го развија MP3 форматот.
Google го стартуваше Instant пребарувањето кое ви прикажува резултати во моментот на пишување на термините. Но... иако Google се потруди да ни понуди побрзо пребарување, тие се потрудија да скријат одредени резултати кои можат да навредат некого или да прикажат несоодветна содржина.
