Ова истражување е базирано на анкета во која учество земаа вкупно 2.010 испитаници - ИТ професионалци од земјата. Сите одговори се анонимни и дозволен беше внес на податоци само еднаш. За потребите на анкетата 1.987 одговори беа квалификувани како валидни (1.646 Програмирање / DEV / Систем администрација + 86 Маркетинг + 123 Дизајн + 132 надвор од наведените, а 23 невалидни).

При обработка на податоците беше дефиниран следниот пристап:

• Примања помали од 9 000 ден. и поголеми од 610 000 ден. не влегуваат во калкулациите за месечни нето примања
• Во пресметката за месечните нето примања користиме медијана а не просек поради отстапувањата во податоците
• Во пресметката за месечните нето примања исклучени се испитаниците кои работат во странство

Повиците за анкетата беа на повеќе канали: преку текстови на IT.mk, преку повик на ИТ форумот, преку органски и платени пласмани на друштвените мрежи Facebook, Instagram, LinkedIn и Twitter на официјалните канали на IT.mk како и споделување на релевантни групи (пр. Сојузен комитет на програмери, Women in Tech И сл), преку соопштенија за јавност испратени и објавени во повеќе онлајн медиуми, преку директни е-маил покани за учество до скоро сите релевантни ИТ компании во Македонија, преку директни е-маил покани до членки на здруженија како МАСИТ, АЕТМ, AMCHAM, IAB и сл.

За пријавување на грешка, ве молиме испратете е-маил на [email protected].