Политика за приватност

1. Кој ги контролира вашите податоци?

Контролор на личните податоци е: Друштво за интерактивни веб медиуми ИВМ Нетворк ДООЕЛ ЕМБС: 6341810 ЕДБ: МК4017008502980 бул. Партизански Одреди бр. 14 1000 Скопје, Република Северна Македонија Е-пошта: [email protected] Телефон: 02 3224 582 За прашања поврзани со приватноста, обработката на лични податоци или остварување на вашите права можете да нè контактирате преку [email protected].

2. Кои лични податоци ги собираме?

Во зависност од сервисите што ги користите, може да обработуваме:

Податоци за корисничка сметка

• корисничко име;
• име и презиме, доколку доброволно е внесено;
• е-пошта;
• профилна фотографија и други доброволно внесени профилни информации;
• датум и информации поврзани со регистрација и користење на сметката;
• статус на членство и PRO поволности.

Технички податоци

При користење на IT.mk автоматски може да се обработуваат:

• IP адреса;
• тип на уред;
• интернет прелистувач;
• оперативен систем;
• јазик и временска зона;
• информации за сесијата;
• логови за пристап;
• страници и функционалности што се користат;
• безбедносни и системски логови.

Овие податоци може да се користат за функционирање на сервисите, безбедност, откривање злоупотреби, решавање технички проблеми и, кога е потребна согласност, аналитика.

Содржина што доброволно ја објавувате

IT.mk обработува информации што самите ги внесувате или објавувате, вклучувајќи:

• форумски мислења;
• коментари;
• огласи;
• фотографии и прилози;
• оценки и препораки;
• пораки испратени преку нашите системи;
• комуникација со редакцијата или поддршката.

Имајте предвид дека содржината што ја објавувате јавно може да биде видлива за секого и индексирана од интернет пребарувачи. Не објавувајте лични или чувствителни информации за себе или за други лица доколку не сакате тие информации да станат јавни.

3. Форум

При користење на IT.mk Форум ги обработуваме податоците за вашата сметка, вашите објави, активноста потребна за функционирање на Форумот и техничките и безбедносните логови. Овие податоци ги користиме за:

• овозможување учество во заедницата;
• прикажување и организирање дискусии;
• модерација;
• спречување spam, измами и злоупотреби;
• спроведување на Правилата на Форумот;
• безбедност на корисниците и сервисот.

Јавно објавените форумски мислења може да останат дел од дискусиите и по затворање на корисничката сметка кога тоа е неопходно за зачувување на интегритетот на дискусијата, освен кога законските права на корисникот бараат поинакво постапување. При такви барања IT.mk може, зависно од околностите и законскиот основ, да отстрани, анонимизира или ограничи лични податоци без задолжително отстранување на целата дискусија.

Приватни пораки

Приватните пораки се обработуваат за да се овозможи комуникацијата меѓу корисниците. IT.mk не врши рутинско читање на приватните пораки. До нив може да се пристапи кога тоа е неопходно за истражување пријавена злоупотреба, безбедносен инцидент, технички проблем или кога постои законска обврска.

4. IT.mk/Market

При нарачка преку IT.mk/Market може да обработуваме:

• име и презиме;
• е-пошта;
• телефон;
• адреса за испорака;
• информации за нарачката;
• производи и количини;
• цена и попусти;
• начин и статус на плаќање;
• информации поврзани со испорака, враќање, гаранција и рекламација.

Овие податоци се обработуваат за да се овозможи склучување и реализација на нарачката, испорака, поддршка, гаранција, рекламации, рефундации и исполнување законски и сметководствени обврски.

Споделување со продавач

Поголемиот дел од производите на IT.mk/Market ги продаваат партнерски трговци. Тековни партнери се:

• НЕКСИО КОМПЈУТЕРИ ДОО увоз-извоз Скопје
• Салон 29 ДОО

Кога производот го продава партнер, податоците неопходни за реализација на нарачката се доставуваат до конкретниот продавач. Тоа може да вклучува име, контакт, адреса, производи, вредност на нарачката и други информации неопходни за испорака, гаранција, рекламација или враќање. Продавачот може да дејствува како самостоен контролор на личните податоци за обработките за кои самостојно ги определува целите и средствата и за исполнување на сопствените законски обврски како трговец.

Достава

Податоците неопходни за достава може да бидат доставени до курирска служба или брза пошта што ја реализира испораката. Се споделуваат само податоците потребни за реализација на доставата.

Плаќање

Кога плаќањето се врши преку банка или надворешен платежен оператор, податоците потребни за обработка на плаќањето се обработуваат од тој оператор согласно неговите безбедносни и законски обврски. IT.mk може да добие информација за статусот на трансакцијата, износот и референтни информации потребни за идентификација на плаќањето. IT.mk не ги користи податоците од платежните картички за маркетинг цели.

5. Огласник

При користење на Огласникот ги обработуваме информациите што корисникот доброволно ги внесува во огласот и податоците потребни за управување со корисничката сметка и огласите. Корисникот сам одлучува кои контакт-информации ќе ги направи јавно достапни во својот оглас. IT.mk може да обработува дополнителни технички информации за спречување измами, злоупотреби, лажни профили и прекршување на правилата.

6. IT.mk/Кариера

При користење на IT.mk/Кариера може да обработуваме информации поврзани со:

• корисничка сметка;
• контакт-информации;
• интерес за конкретен оглас;
• CV и други податоци од апликација, доколку аплицирањето се врши преку IT.mk.

Кога апликацијата се доставува преку IT.mk, податоците може да бидат пренесени до работодавачот кај кого корисникот аплицира. Работодавачот понатаму може да ги обработува податоците како самостоен контролор за својата постапка за регрутација. Кога IT.mk само упатува кон надворешна веб-страница или систем за аплицирање, обработката што се врши на тој систем е регулирана со политиката за приватност на неговиот оператор.

7. IT.mk/Индекс и IT.mk/Мапирање

IT.mk/Индекс и IT.mk/Мапирање може да содржат информации за компании, организации, институции и лица поврзани со нив. Информациите може да бидат добиени од:

• самите компании или лица;
• официјални веб-страници;
• јавно достапни деловни регистри;
• јавно достапни профили и извори;
• партнери;
• редакцијата на IT.mk.

Кога информацијата се однесува на физичко лице, обработуваме само податоци кои се релевантни за информативната и деловната функција на сервисот и за кои постои соодветен правен основ. Лице може да побара исправка, дополнување или, кога постои законски основ, отстранување на лични податоци преку [email protected].

8. PRO членство

За IT.mk PRO ги обработуваме податоците потребни за:

• активирање и управување со членството;
• наплата;
• идентификување на PRO статусот;
• користење PRO поволности;
• поддршка;
• исполнување сметководствени и законски обврски.

Историјата на трансакциите и соодветната финансиска документација се чуваат согласно применливите сметководствени, даночни и други законски рокови.

9. Newsletter и маркетинг

IT.mk испраќа маркетинг и newsletter пораки само кога постои соодветна согласност. Со таквата согласност, IT.mk може повремено да испраќа маркетинг и комерцијални понуди од своите партнери. Таквите пораки се испраќаат од IT.mk и се означуваат на соодветен начин. Е-поштата на корисникот не се споделува со партнерот за негови сопствени маркетинг цели, освен ако корисникот не дал посебна согласност за тоа. При претплата може да ја обработуваме:

• вашата е-пошта;
• избраните newsletter категории;
• информацијата кога и како е дадена согласноста;
• информацијата за одјава.

Можете во секое време бесплатно да ја повлечете согласноста преку линкот за одјава во пораката или преку [email protected]. Повлекувањето на согласноста не влијае на законитоста на обработката извршена пред нејзиното повлекување. Сервисни пораки неопходни за функционирање на корисничката сметка, нарачка, безбедност или друг сервис не се сметаат за маркетинг пораки. IT.mk не ги продава и не ги изнајмува вашите лични податоци за маркетинг цели.

10. Колачиња

IT.mk користи колачиња и слични технологии. Колачињата кои се технички неопходни за функционирање на сервисот може да се користат без дополнителна согласност кога тоа е дозволено со закон. Аналитички, рекламни и други колачиња за кои е потребна согласност се активираат само по избор на корисникот. Корисникот може во секое време да го промени или повлече својот избор преку поставките за колачиња. Детални информации за видовите колачиња, нивната намена, оператор и времетраење се достапни во Политиката за колачиња на IT.mk.

11. Зошто ги обработуваме податоците?

Во зависност од конкретната обработка, IT.mk ги обработува личните податоци врз една или повеќе од следните правни основи:

Извршување договор или преземање дејства на барање на корисникот

На пример:

• креирање и управување со сметка;
• PRO членство;
• нарачки преку Market;
• обезбедување сервиси што корисникот ги побарал.

Законска обврска

На пример:

• сметководствени и даночни обврски;
• постапување по законски барања од надлежни органи;
• обврски поврзани со заштита на потрошувачите.

Легитимен интерес на IT.mk

Кога тоа е дозволено со закон, обработка може да се врши за:

• безбедност на IT.mk;
• спречување измами и злоупотреби;
• спречување spam;
• заштита на корисниците;
• модерација;
• откривање технички проблеми;
• заштита и остварување правни барања;
• подобрување и заштита на интегритетот на сервисите.

При користење легитимен интерес ги земаме предвид правата, интересите и разумните очекувања на корисниците.

Согласност

Согласност се користи кога тоа е потребно, особено за:

• директен маркетинг;
• newsletter комуникација;
• аналитички или рекламни колачиња;
• други опционални обработки за кои корисникот е посебно информиран.

Согласноста може да биде повлечена во секое време.

12. Со кого ги споделуваме податоците?

Не ги продаваме личните податоци. Може да споделиме ограничени податоци со:

• Market продавачи;
• курирски и поштенски оператори;
• банки и платежни оператори;
• работодавачи при аплицирање преку Кариера;
• hosting и cloud провајдери;
• сервиси за испраќање е-пошта;
• безбедносни и anti-spam сервиси;
• аналитички сервиси, кога постои соодветен правен основ;
• ИТ и технички партнери кои обработуваат податоци во наше име;
• професионални советници кога тоа е неопходно;
• државни органи кога постои законска обврска или валидно законско барање.

Кога трето лице обработува лични податоци во наше име, бараме податоците да ги користи само за договорената цел и да применува соодветни мерки за нивна заштита.

13. Барања од државни органи

IT.mk може да достави лични податоци до суд, полиција, обвинителство или друг надлежен орган кога за тоа постои законски основ и валидно барање согласно применливите прописи. Во таков случај настојуваме да бидат доставени само податоците што се неопходни за конкретното законско барање. IT.mk нема произволно да споделува кориснички податоци само затоа што трето лице побарало пристап до нив.

14. Пренос на податоци во други држави

Одредени технички провајдери што ги користи IT.mk може да обработуваат податоци надвор од Република Северна Македонија. Кога лични податоци се пренесуваат во друга држава или меѓународна организација, IT.mk применува механизми и заштитни мерки предвидени со прописите за заштита на лични податоци. Кога е применливо, дополнителни информации за конкретни надворешни сервиси и технологии се наведуваат во Политиката за колачиња или во информациите за конкретниот сервис.

15. Колку долго ги чуваме податоците?

Личните податоци ги чуваме само онолку долго колку што се потребни за целта за која се собрани или колку што бара закон. Како општо правило:

• податоците за корисничка сметка се чуваат додека сметката е активна и дополнително кога тоа е неопходно за безбедност, решавање спорови или исполнување законски обврски;
• јавните форумски објави може да останат дел од дискусиите согласно Условите за користење;
• податоците за нарачки, плаќања и финансиски документи се чуваат во периодите пропишани со применливите закони;
• newsletter податоците се обработуваат до повлекување на согласноста, при што може да се зачува минимален запис дека лицето се одјавило за да се почитува изборот;
• податоците од колачиња се чуваат согласно периодите наведени во Политиката за колачиња;
• безбедносните и техничките логови се чуваат ограничен период согласно нивната намена и интерните правила за задржување;
• податоците од промоции и други привремени активности се бришат или анонимизираат откако ќе престане целта за нивна обработка, освен ако постои друга законска обврска за чување.

Кога податоците повеќе не се потребни, тие се бришат, анонимизираат или на друг начин се отстрануваат од активна употреба, освен кога нивното понатамошно чување е законски потребно.

16. Безбедност

IT.mk применува соодветни технички и организациски мерки за заштита на личните податоци од:

• неовластен пристап;
• губење;
• злоупотреба;
• случајно или незаконско уништување;
• промена;
• неовластено откривање.

Мерките може да вклучуваат контрола на пристап, безбедносен мониторинг, резервни копии, заштита на инфраструктурата и други мерки соодветни на ризикот. Ниту еден интернет систем не може да гарантира апсолутна безбедност, но IT.mk има обврска да применува разумни и законски соодветни мерки за заштита. Во случај на нарушување на безбедноста на личните податоци, IT.mk ќе постапи согласно законските обврски за евидентирање, процена и известување на Агенцијата за заштита на личните податоци и, кога е потребно, засегнатите лица.

17. Вашите права

Согласно применливите прописи, можете да имате право:

• да бидете информирани како ги користиме вашите податоци;
• да побарате пристап до вашите лични податоци;
• да побарате исправка на неточни или нецелосни податоци;
• да побарате бришење на податоците кога се исполнети законските услови;
• да побарате ограничување на обработката;
• да добиете одредени податоци во пренослив формат кога се исполнети законските услови;
• да поднесете приговор на одредена обработка;
• во секое време да ја повлечете дадената согласност;
• да поднесете приговор на директен маркетинг;
• да не бидете предмет на одлука заснована исклучиво на автоматизирана обработка, вклучувајќи профилирање, кога таквата одлука произведува правни или слично значајни последици и кога се исполнети законските услови.

Барање можете да испратите на [email protected]. За да спречиме неовластено откривање податоци, можеме да побараме дополнителни информации потребни за потврдување на идентитетот на лицето што го поднесува барањето. На барањата постапуваме во роковите утврдени со Законот за заштита на личните податоци. Правото на бришење не е апсолутно. Одредени информации може да мора да ги задржиме поради законска обврска, остварување или одбрана на правни барања, безбедност или други законски дозволени причини.

18. Автоматизирана обработка и AI

IT.mk може да користи автоматизирани системи и AI технологии за:

• организирање и категоризација на содржина;
• препораки;
• рангирање;
• откривање spam и злоупотреби;
• безбедност;
• анализа и подобрување на сервисите.

Овие системи може автоматски да обработуваат одредени информации за активноста на корисникот. IT.mk не носи одлуки засновани исклучиво на автоматизирана обработка кои произведуваат правни или слично значајни последици за корисникот, освен ако за конкретен сервис корисникот не е посебно информиран и постои соодветен законски основ.

19. Лица под 18 години

IT.mk не е сервис специјално насочен кон деца. Кога обработката на лични податоци се заснова на согласност и се однесува на услуга на информатичкото општество што директно му се нуди на дете, лице на возраст од 14 години или постаро може самостојно да даде согласност согласно применливите прописи. За лица помлади од 14 години, кога обработката се заснова на согласност, потребна е согласност или одобрение од родител или старател согласно закон. За одредени сервиси, особено купување производи, платени услуги или други правни трансакции, може да важат дополнителни ограничувања поврзани со возраста и деловната способност. Доколку сметате дека дете ни доставило лични податоци спротивно на овие правила, контактирајте нè на [email protected].

20. Право на претставка

Ако сметате дека обработката на вашите лични податоци е спротивна на закон, можете најпрво да нè контактирате на [email protected] за да го разгледаме барањето. Исто така имате право да поднесете барање до: Агенција за заштита на личните податоци.

21. Измени на Политиката

IT.mk може периодично да ја менува оваа Политика за приватност поради промени во сервисите, технологијата или законските обврски. Секоја нова верзија ќе биде објавена на IT.mk со датум на последната промена. За значајни промени кои суштински влијаат на начинот на кој ги обработуваме личните податоци, ќе обезбедиме соодветно известување преку IT.mk или друг соодветен канал.