Трето мапирање на ИТ индустријата во Македонија
Анкетата ја спроведовме во периодот од 3-ти март до 8-ми јуни. Повеќе од 2.000 локални ИТ професионалци (поточно 2.010, односно 1.987 валидни) ни се потпишаа во ИТ прашалникот, а исто како и во 2022-ра, првите 1.000 го комплетираа прашалникот во првите 24 часа! Анализата на податоците е направена заедно со нашите партнери Data Masters.
Методологија
Ова истражување е базирано на анкета во која учество земаа вкупно 2.010 испитаници – ИТ професионалци од земјата. Сите одговори се анонимни и дозволен беше внес на податоци само еднаш. За потребите на анкетата 1.987 одговори беа квалификувани како валидни (1.646 Програмирање / DEV / Систем администрација + 86 Маркетинг + 123 Дизајн + 132 надвор од наведените, а 23 невалидни).
При обработка на податоците беше дефиниран следниот пристап:
- Примања помали од 9.000 ден. и поголеми од 610.000 ден. не влегуваат во калкулациите за месечни нето примања.
- Во пресметката за месечните нето примања користиме медијана, а не просек, поради отстапувањата во податоците.
- Во пресметката за месечните нето примања исклучени се испитаниците кои работат во странство.
Повиците за анкетата беа на повеќе канали: преку текстови на IT.mk, преку повик на ИТ форумот, преку органски и платени пласмани на Facebook, Instagram, LinkedIn и Twitter, споделување во релевантни групи, соопштенија за јавност и директни е-пошта покани до релевантни ИТ компании и членки на здруженија како МАСИТ, АЕТМ, AMCHAM и IAB.
За пријавување грешка, испратете е-пошта на [email protected].
