Facebook стартуваше веб страна за објаснување на „инстант персонализацијата“ на други веб сајтови преку друштвената мрежа, најверојатно да објасни како личните Facebook информации завршуваат на надворешни сајтови.
Bing.com сега како резултати од пребарувања ќе покажува „Like" информации од Facebook Instant Personalization. Ова значи дека кога корисникот, кој е претходно логиран на Facebook, ќе пребарува на Bing покрај стандардните резултати ќе се појавуваат и лицата на неговите пријатели кои кликнале Like на тој линк. Најдобар пример е пребарување на филм, музика или слика. Кога ќе пребарувате некој филм интересен за вас ќе видите и на кој од вашите пријатели му се допаднал тој филм, како на сликата погоре.
Марк Зукерберг верува дека луѓето сакаат да споделуваат информации. Без врска дали сте се вие приклучиле на мрежата да комуницирате само со вашите пријатели, Facebook ќе продолжи да ви сугерира да го споделувате вашиот личен живот со сите на интернет. Но според него тоа не значи дека корисниците немаат контрола врз своите информации.
Од кога го воведе „инстант персонализилирањето“ Facebook наиде на доста проблеми и незадоволство од корисниците и организациите. И со право! Од багови со четот и пробивање на Yelp, до комплицирање на опциите и неинформирање на корисниците, Facebook со плагините направи хаос со приватноста.
