Македонските Facebook корисници се мета на таргетирана локална phishing измама. Корисниците преку хакнати профили на нивните пријатели се водат до страна - http://www.jesjes--slike.tk/ која наликува апсолутно на Facebook со порака „логирај се има твои слики тука“. Целиот текст е напишан на македонски, а ако се обидете да четувате со хакнатиот пријател ќе добиете одговор на македонски бидејќи разговарате со локален black hat хакер зад профилот.
И Facebook и Google размислуваат или да го купат Skype или да направат заедно некаква соработка откако Skype го одложи излегувањето на берзата, пишува Reuters повикувајќи се на анонимни извори.
<Надополнето:> Facebook остро реагираше на критиките од основачот на Wikileaks, Џулијан Асанж, кој рече дека дека Facebook може да биде притиснат од законот кој е во корист на американските разузнавачки служби.
Oд неодамна во емисијата „Еден на Еден“, Жарко Димитриоски започна да ги поканува своите гледачи да ги искористат друштвените мрежи да постават прашање до гостите во емисијата. Интерактивноста која ја нудат Twitter и Facebook е како измислена за ваков вид емисии, вели Жарко, бидејќи гледачите се инволвираат не само во директната комуникација туку и во креирање на емисијата. Мреживе се фантастична работа, вели тој. Вистински свет во мало!
Facebook станува огромен. Стана секојдневно место за најновите информации и влијателен фактор дури и за претседателот на САД да ја стартува својата кампања на друштвената мрежа чие Like копче, претставено пред скоро година дена, се наоѓа на 2.5 милиони веб сајтови.
Основачот на Facebook, Марк Закерберг направи интервју со претседателот на САД, Барак Обама кој ја стартува својата кампања за вториот мандат Facebook настанот е да се привлече и ангажираат младите за политичките прашања, всушност самата кампања на г. Обама стартуваше токму со Facebook апликација и сајт со Facebook Connect.
Facebook дојде до добра идеја да ги истакне нотификациите за фан страните на кои сте администратор, истакнувајќи ги од десно на страната, без да мора да се префрлувате.
Додавајќи суптилно зелено знакче покрај името на корисникот Facebook воведе показател што ви кажува дека пријателот ви е онлајн, односно дека можете да си направите чет со него.
Друштвената мрежа го стартува Open Compute Project, споделувајќи ги отворено своите спецификации и дизајни за „38% поефективни и 24% поефтини“ еколошки дата центри кои се ладат со природно движење на воздухот, наместо со скапите клима системи за одржување на температурата.
Најдобриот фудбалски играч во светот стартуваше своја Facebook фан страна, приклучувајќи се на многуте други фудбалери и професионални спортисти кои имаат своја официјална фан страна или имаат профил на друга друштвена мрежа, посебно на Twitter.
Facebook е централната алатка во кампањата за втор мандат на сегашниот претседател на САД. Барам Обама ја стартува својата „Are you in?" кампања на својот сајт поканувајќи ги сите заинтересирани гласачи да се логираат со Facebook профил. Исто како и за првите негови избори, целта е да се искористи виралноста на друштвени мрежи да се сподели пораката.
Android e убедливо омилен мобилен оперативен систем на македонските корисници, со 117 гласови, скоро двојно повеќе од вториот iOS, оперативниот систем за iPhone, кој има 65 гласа, покажува Facebook анкетата на Vip, стартувана во вторникот на нивниот профил.
Flickr, популарната страница за споделување на фотографии, релативно бавно внесува нови промени. Во оваа нивна надградба, конечно овозможија повеќе можности за споделување, кои ќе ви олеснат да ги дистрибуирате вашите слики низ мрежата.
Facebook oбјави алатка со која може да го конвертирате вашиот стандарден профил на Facebook во бизнис страница. Facebook со ова сакаат да им помогнат на оние бизниси кои првично креирале погрешен тип на профил, да мигрираат на по соодветно структурирана страница. Ако е тоа потребно, вашата страница можете да ја мигрирате овде.
По првичниот Twitter профил, новиот факултет за информатичка технологија стартуваше и свој Facebook профил.
Шнајдер е нова .мк апликација за Facebook која ќе биде продавница за маици чиј дизајн е креиран од македонските дизајнери и корисници. Моментално е во тек натпревар за најдобар дизајн, 10 најдобри дизајни ќе влезат во продавницата. Предизвикот трае до 5-ти април, кога е и официјалното отварање.
Cloud Girlfriend e стартап кој ако имате потреба ќе ви овозможи да си најмите виртуелна девојка која ќе биде креирана токму за вас, која ќе го демонстрира нејзиното присуство преку оставање јавни пораки на вашиот Facebook ѕид.
Студиото Warner Bros додаде уште пет наслови кои можат да се изнајмуат преку Facebook. Тие се: Inception, Harry Potter and the Sorcerer’s Stone, Harry Potter and the Chamber of Secrets, Yogi Bear и Life as We Know It.
Facebook неодамна дозволи фан страните да функционираат како лични профили. Користејќи го 'use Facebook as page' администраторите можеа полесно да ги организираат страните, да следат други страни, дури и да споделуваат страни.
Facebook има свои механизми за откривање на „најмалите“ корисници кои лажат за годините на мрежата. Главната идеја на Facebook позади оваа практика е да се заштитат младите од сето негатвно влијание што може да го има нивното рано влетување во светот на друштвените мрежи, пренесува австралискиот Daily Telegraph.
