Најнови написи, вести, анализи, рецензии и практични совети за Свет. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Корејскиот институт за наука и технологија (KIST) и Нипон институтот за технологија (NIT) успешно изработиja и тестираa робот-професор. Хуманоидот е-Nuvo ќе започне да предава во 500 пред-школи и градинки во 2011 година, а во 2012 година ќе биде спремен да започне со официјални предавања во основните и средните училишта, пренесува корејскиот ETNews.
Дваесет годишниот Ахмед Мoстафа, студент по инжинерство, на 7 март ќе се најде пред воен трибунал бидејќи на својот блог ја критикувал војната академија за непотизам. Доказите против блогерот се само еден блог пост напишан пред година дена во кој Мостафа напишал дека син на професор бил тргнат од акадамијата за да на негово место дојде друг син на некој побогат кој го платил местото. Најчудно е што воопшто не е спроведена истрага во тоа што блогерот го напишал. На Мостафа ќе му се суди бидејќи го прекршил египетскиот закон кој забранува објавување на тајни информации поврзани со војската.
Ќе се жалиме на одлуката, вели Google откако италијанскиот суд пресуди 6 месечна затворска казна за двајца (поренешни) извршни директори и советникот за приватност на Google Италија поради видео на Google Video во кое се гледа малтретирање на момче до Даунов синдром.
Тибетантскиот лидер е уште едно добро познато политичко име кое се приклучи на сервисот за микро-блогирање кој иако ограничува само 140 знака сепак се покажа како одличен сервис за комуникација и интеракција меѓу политиката и обичните граѓани. @DalaiLama за само 1 ден има над 50.000 следбеници на сервисот.
http://www.flickr.com/photos/bionicteaching/4309359503/ Училиште од Филаделфија ги шпионирало студентите во домашна атмосфера преку вебкамери на лаптопи кои им биле дадени за да им се помогне при учењето. Шпионирањето е откриeно откако едно дете било казнето „поради недолично однесување дома“, а заменик-директорот покажал фотографија сликана од веб камера како доказ, пишува BoingBoing.
Доколку сакате, а не можете да се возите со воз низ Транс-сибирската железница која поминува низ 2 континенти, 12 руски региони и 87 градови, тогаш не очајувајте. Google заедно со Руската железница стартува веб сајт со виртуелна тура од Москва до Владивосток без да се мрзнете на ниските руски температури. Иако правото патување е многу подобро, сепак виртуелна тура е одлична алтернатива.
Google и Yahoo се придружија на независните организации, корисниците и групите хакери, со цел да ја одвратат австралиската влада од воведување филтри за цензура и блокриање пристап до сајтови за кои властите ќе ги оценат како „сајтови со недолична содржина“.
Непознати луѓе кои го снимија со мобилен убиството на Неда Солтан за време на иранските протести се наградени со американска награда за новинарство.
Во Барселона се собраа над 1.300 компании и околу 50.000 посетители од целиот свет чиј интерес е напредокот и развојот на мобилната технологија. Од самиот старт на Светскиот конгрес за мобилна технологија се најавија интересни партнерства пред се на Intel со Nokia, Vodafone го најави најефтиниот мобилен кој чини само 15 долари, а се формираше алијанса од 24 оператори со цел да му конкурираат на Apple App Store. Интересно, Apple нема да присуствува на овогодинешниот настан.
На годишнината на Иранската револуција од 11 фебруари 1979 година, иранските интернет корисници забележаа масовно блокирање на Gmail, како и прекини на интернет и СМС конекциите. Иранската влада се плаши од дополнителни протести за време на овој празник и ги блокира веб сервисите бидејќи за време на ланските претседателски избори се покажаа како корисна алатка за организирање на протестите и за информирање на светот за настаните во земјата.
Австралиските интернет корисници ги убедија властите да го тргнат контроверзниот закон кој забранува анонимно коментирање на политички теми на интернет. Доколку австралијците сакаат да дискутираат политички теми мора да остават име и адреса или ќе бидат казнети со 1.250 австралиски долари (800 евра).
Augmented (hyper)Reality: Domestic Robocop from Keiichi Matsuda on Vimeo. „Дигитална (хипер)реалност: домашен робокап“ е можеби малку хаотично и застрашувачко видео, но е доста интересно видео кое ги рагледува сите секојдневни аспекти каде можеме да ја вклучиме дигиталната реалност која се почесто и почесто се појавува меѓу нас.
Од страв дека интернетот во Австралија ќе стане регулиран и цензуриран како во Кина, австралиските корисници започнаа бојкот со гасење на интернетот. Австралиските власти сакаат да воведат филтри за содржина на сите интернет провајдери во земјата и со тоа да ја блокираат сета незаконска содржина како детска порнографија, пиратерија, насилничка содржина... но internetblackout.com.au вели дека тие филтри нема да ги заштитат децата и дека ова е опасен преседан.
Здраво Твитерверзум. Сега од живо твитаме од Интернационалната Вселенска Станица - првиот твит од вселената, пишува @Астро_TJ, oдносно астронаутот Тимоти Кремер.
Дали би платиле за да читате весник онлајн? Низ годините се научивме дека се на интернет е бесплатно. Посебно кога се работи за новините и информациите. Но, се чини дека работите започнаа да се менуваат.
Процесот за плаќање преку мобилни е нешто неизбежно, нешто што ќе биде секојдневие, но како да се изведе сето тоа, a при тоа да се овозможи ефикасност и да се спречат кражби? Сигурно ќе видиме многу решенија наредниве години. Едно од тие решенија е и Square проектот на Џек Дорси, ко-основачот на Twitter. Square сè […]
Facebook e огромен на Балканот. Друштвената мрежа за само 1 година доживеа огромен раст со двојно, некаде и тројно зголемување на бројот на Facebook корисници во балканските земји. Од над 350 милиони корисници ширум светот околу 23 милиони се од Балканот. Интересно е што иако Турција има над 17.5 милиони Facebook корисници, Грција има над 2 милиони, Србија има 1.5 милиони, Хрватска и Бугарија скоро 1 милион... сепак aко се спореди бројот на Facebook корисници со бројот на популацијата, бројките велат дека друштвената мрежа е најпопуларна во Македонија.
Популарните ѕвезди, организациите, властите, медиумите... сите се свртија кон друштвените мрежи барајќи помош, донации, совети и споделувајќи информации за жртвите од неверојатниот земјотрес кој го погоди Хаити носејќи хаос и стотици илјади жртви и повредени. Оваа неверојатна трагедија ја истакна моќта на друштвените мрежи, на чело со Тwitter и со хуманоста на луѓето покажаа дека се неверојатно моќна машинерија за мобилизирање и информирање за актуелни настани.
Имам 5.000 пријатели што е максимум на Facebook, а јас имам уште 7.000 кои сакаат да ми станат пријатели, вели новиот хрватски претседател Иво Јосиповиќ кој освои 60% од гласовите во вториот круг на 11 јануари.
Google вели дека ќе го тргне филтерот за цензурирање од својот кинески пребарувач, откако откри информации дека во декември врз нив е извршен „високо софистициран хакерски напад“ кој дошол од Кина. Целта на нападот биле Gmail мејлови на борци за човекови права и слобода на говор. „Многу бргу стана јасно дека тоа што првин изгледаше како безбедносен инцидент, стана нешто комплетно различно.“ пишува Google на својот блог. Во постот Google избегна да ја обвини кинеската влада дека стои зад нападите.
