Одговорот зошто е блокиран Gmail на иранската агенција за телекомуникации e дека се спрема „национален имејл сервис“ што е чекор кон поголема цензура бидејќи целиот интернет сообраќај од 23 милиони ирански интернет корисници мора да помине низ филтрите на оваа агенција. Интересно, технологијата зад филтрите за содржина е изработена од западни компании.
Покрај блокирањето на Gmail, западните медиуми јавуваат дека мобилните телефони на иранските граѓани биле претресувани, а најмалтретирани биле тие што носат нешто зелено – боја која ги симболизираше ланските протести. На странските новинари им е наредено дека можат да снимаат само владини настани, но не смеат да интервјуираат членови на опозицијата.
