Вчера Ев Вилијамс, ко-основачот на Twitter, твитна „Се сретнав со Далеј Лама и му кажав за Twitter. Тој се изнасмеја“. СЕпак многу бргу се појави официјален профил на тибетантскиот лидер.
Профилот на Далеј Лама го води неговиот тим т.е „Канцеларија на неговото светост“ и го користат за да привлечат публика на својот сајт. Оваа практика ја применуваат се поголем број политички лидери, кои преку тимови, а некои и лично, се одлучуваат да се вклучат во друштвените мрежи.
Покрај интеракцијата со луѓето, во случајот на Далеј Лама, и претходно со иранската опозиција и протестанти, сервиси како Twitter и други друштвени мрежи помагаат да се рашири цензурираната идеја. Како и темата за ослободување на Тибет така и Twitter е забранет во Кина. Но, интересно, и таму политичките лидери, пред се претседателот на Кина Ху Јинтао стартуваше профил на локален сервис за микро-блогирање.
