Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
OpenStreetMap е дигитална мапа на светот, но за разлика од мапите на Google или Bing, OpenStreetMap е слободна и бесплатна, налик на Вики концептот, која може да ја едитира кој сака корисник со GPS, воздушна фотографија или други извори на податоци кои ќе можат да придонесат кон мапите. Проектот е стартуван летото 2004 година, а […]
Facebook е сопственик на Fb.com доменот, потврди Domain Name Wire само неколку дена пред најавената за понеделник Facebook прес конференција, на која, според зуењето на интернет, ќе биде претставен нов имејл сервис. Поврзаноста со fb.com е многу логична бидејќи наместо новиот редизајниран сервис за имејл да користи суфикс @facebook.com ќе се користи пократката варијанта @fb.com.
<Надополнето 13.11.10>Иако не успеав да победам, сепак е-pedagog.com е вклучен во 50-те најдобри едукативни веб проекти на европските eLearning Awards 2010, вели Убавка Бутлеска, педагог и основач на проектот. За жал, останатите два .мк проекти (подолу) не влегоа во листата.
На видео сервисот секој час се закачуваат видеа со вкупна должина 2.100 часа, или 50.400 часа видео секој ден. Секако YouTube концептот е кој сака може да објави видео, со што кориснички-генерираната содржина нема кој знае каков квалитет, но од друга, има се поголем избор.
World Teleconnect International е четвртиот телефонски оператор, кој ќе функционира виртуелно, односно нема да гради своја инфраструктура, туку ќе ја користи мрежата на другите оператори за да понуди разни услуги.
Новиот извештај на Европската комисија за напредокот на Македонија, објавен на 9 ноември 2010, го оценува релативно позитивно развојот на информатичката технологија во Македонија. Но, иако Комисијата е позитивна велејќи „подготовките се напредни“ сепак има критики навестувајќи дека е потребно уште многу работа за да се дојде до потребното ниво.
Во првите 24 часа од пуштање во продажба само во САД и Британија се продадени над 5.6 милиони парчиња на Call of Duty: Black Ops со што се генерираа 360 милиони долари, наминувајќи го рекордот oд 250 милиони долари на Modern Warfare 2, што е претходното продолжение на Call of Duty серијалот. Black Ops ноќта на објавувањето е пуштена за продажба во 12.000 продавници ширум светот.
YouTube Remote e апликација за Android која ви овозможува далечински, преку мобилниот телефон, да ги контролирате видеата на екранот, да прејдете на следното, попуштите тон или да ги стопирате видеата, како и нивно пребарување на YouTube Leanback.
Facebook тестира семантички поврзани постови, опција позната како „mentions", или „спомнувања“, пишува Оливер Чианг од Forbes. Пример, кога два и повеќе пријатели споменат некој термин или споделат линк, нивните постови се собираат во еден пост при тоа покажувајќи линк до активноста, а под неа постовите на пријателите.
Форумџиите стартува тема за креирање листа на странски онлајн продавница кои испорачуваат во Македонија, со и без поштарина и слични давачки. Листата не е конечна, туку е направена пред се според искуството на форумџиите, односно поголемиот дел од продавниците на мини-листата се проверени, некој или порачувал од нив или со сигурност знае дека вршат испорака во Македонија.
Мozilla Labs го претставија F1 додатокот со кој можете да постирате содржина на Twitter и Facebook или да праќате мејлови преку Gmail. F1 е се уште во експериментална фаза, но може да биде интересно решение како замена за копчињата за споделување или за неодамна објавениот прелистувач за друштвени мрежи Rockmelt.
Благодарение на заедницата на слободен софтвер Firefox 4.0 бета сега е достапeн на македонски јазик. Firefox 4 е новиот, редизајниран прелистувач од Mozilla кој моментално поминува неколку бети за да се оптимизира истиот преку корисничкото искуство.
Digital Society направи тест за основната безбедност на единаесте популарни веб сервис, давајќи им оцена од А до F, A значи 5, а Ф =1. Најуспешен на тестот се покажа Gmail.com, со чиста петка, додека Google.com доби тројка (C). Интересно Facebook и Twitter ги паднаа тестовите, односно се покажаа како најранливи сервиси.
Squаrе, мал коцкест читач на кредитни картички за мобилни телефони со кој преку апликација се извршува наплата, официјално излезе од бета пред една година, и веќе успева да процесира милиони долари од мобилни трансакции секоја недела, пишува TechCrunch.
Над 80.5 милиони паметни телефони уреди се продадени ширум светот во третиот квартал на 2010, што е 96 отсто пораст oд истиот период лани, вели Gartner.
Rockmelt е нов и е доста интересен прелистувач. Се што сакате од друштвените мрежи, пред се Facebook, го имате на еден клик од вас, пријателите од лево, фидовите од десно, сурфањето на интернет пред вас... Прелистувачот е во затворена бета, но секој корисник кога ќе добие пристап добива неколку покани кои ги праќа кон другите корисници. (tnx Митко за поканата)
Во последно време може да се забележи дека македонската Twitter заедница постојано расне. Бројот на корисници и општо активноста на сервисот за микро-блогирање постепено се зголемува... но и покрај позитивниот раст на овие полиња, навистина интересен е самиот „менталитет" кој се разива во твитосферата каде што во последните неколку месеци најпопуларен е тагот "#mkfail" (тагот со кој се одбележува неуспехот) и тролањето („специјална вештина“ со која се исмејува сé, само заради лична забава).
Покрај инстант пребарувањето, Google додаде и инстант прегледување на веб страни во резултатите. Имено, кога ќе пребарувате некој термин, линковите во резултатите ќе имаат опција (знак на лупа) за визуелен прeглед на веб страните пред да кликнете на линкот.
Google го смени Contact API-то да не дозволува трети, надворешни сајтови да извлекуваат Gmail податоци на сервиси кои не дозволуваат споделување на податоци. Тоа значи дека сега нема да можете да ја користите автоматската опција за додавање пријатели од други сервиси на Facebook. Но, како за инает на Google, Facebook најде начин како да ја заобиколи блокадата користејќи се со Gmail решение.
LG Electronics го претстави Optimus 7, првиот телефон во Македонија кој работи на тазе објавената и комплетно редизајнираната Windows Phone 7 платформа.
