Најнови написи, вести, анализи, рецензии и практични совети за ИТ.МК. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Во последнава недела се објавија над 3.800 твита и над 1.971 ретвитови, од над 572 твитерџии, и тоа без првите два дена откако се случи убиството на #martin. Комуникации.нет објави инфографик во кој ги сумираа вкупниот број на твитови, бројот по ден и час, која апликација е користена… Интересно, над 11.333 твитерџии и Facebook корисници […]
Женската публика е сериознa друштвена публика. Ова го потврдува и Facebook странaта на Unique магазинот за женски интереси: гардероба, љубов, мажи, здравје, дизајн... Unique станува прва .мк Facebook страна на бренд/компанија која надмина над 200.000 фанови. Втора поголема бренд страна, со скоро два пати помала бројка, е таа на K-15 со над 135.00 фанови. Поголема од нив е само страната за Тоше Проевски со над 350.000 фанови, но тука не станува збор за бренд/компанија.
Протестите против полициска бруталност станаа тема на дискусија на катарската Al Jеzeera телевизијата, која е арапски еквивалент на западните модерни телевизии како CNN. „Протестантите веруваа дека дечкото е убиен од озогласената ‘Тигар’ единица. Властите на почеток велеa дека телото е најдено без повреди, а со денови владини медиуми одбиваа да го покријат убиството на Мартин. […]
Фотографии, слики од мобилен, блогови, видеа, Facebook постови и избришани групи, Twitter... се што е друштвено и можно за споделување на Интернет се искористи за да се пренесе информацијата за протестите против полициската бруталност. И покрај традиционалните медиуми, дел од нив инертни, друштвените медиуми и граѓанското новинарство беа изворот за сурови, необработени информации за што се случува по улиците на Скопје и Битола.
Скопската автобуска станица има нов сајт кој што функционира со цела листа на градскиот и меѓуградскиот возен ред. Има и Facebook Like и Digg копче, па и Google Buzz. А дефинитивно нема да најдете .мк сајт со поголем избор на јазици. Има верзија на тајвански, литвански, велшски, баскиски, две верзии на кинески, словенечки, белориску, хаитски, азербејџански, свахили!, индонезиски...
Fancy.mk, сајтот за „зависици од добри парчиња облека“, слави една година од постоењето со инфографик и забава на која се поканети сите фанови. Инфографикот е изработен од Каспаров Благој кој им честита на „правилното користење на социјалните мрежи во аспект на маркетинг“.
МВР со помош од Facebook избришале неколку Facebook групи кои беа на некој начин поврзани со протестите против полициската бруталност, предизвикани од убиството на 22-годишниот Мартин Нешковски, кој беше претепан до смрт од пoлициски специјалец. Друштвените мрежи одиграа, и уште се, движечкиот фактор преку кој се организираат протестите против полициско насилство, па бришењето на ваквите групи токму од страна на МВР се сфаќа како обид протестите да се спречат.
Благодарение на виралното информирање на македонските друштвени мрежи се откри дека 22-годишниот Мартин Нешковски е претепан до смрт од припадник на специјални сили на полицијата во неделата вечер. Гневните граѓани со помош на мрежите организираа протести против полициската бруталност.
Goongula.com е нов сервис, всушност повеќе е дигитална библиотека на дела од македонски веб дизајнери, фотографи и стрит артисти со нивно портфолио, можност да се коментира и фаворизира, да се споделува. Goоngola.com ја слави креативноста, давајќи му шанса на авторот да се истакне и да го претстави своето дело.
Според доверлив дипломатски документ, наводно објавен од Wikileaks, американскиот амбасадор во Македонија, Филип Рикер, пишува дела владата користи државни институции да внесе лојалност и да ги замолчи противниците. Во документот кој датира од декември 2009-та, се вели дека премиерот Груевски го користи судтството и полицијата да внесе партиска дисциплина и да ги замолчи противниците што доведува до „атмосфера на страв“ меѓу политичката елита.
Клиентот е секогаш во право, дури и кога не е во право. Тоа е мантрата на модерниот бизнис, која со друштвените мрежи станува сериозна идеја која брендовите треба да ја размислат поубаво. Не бидејќи клиентот е навистина секогаш во право, туку бидејќи може да го сподели своето искуство со сите други кои ќе му веруваат повеќе нему бидејќи му се пријатели, отколку на некоја непозната „корпорација“ или „бренд“.
Веб алатката Вистиномер.мк на Метаморфозис фондацијата има интересен концепт да ги следи ветувањата на партиите, и преку „тим на стручни лица од соодветните области да ги анализира ветувањата на политичките субјекти и ги презентира во лесно читлива, агрегирана форма, заедно со систематски статистички податоци“. Секое идентификувано ветување добива оценка според степенот на исполнетост: исполнето, делумно исполнето или неисполнето.
Според истражувањето за активност на политичките партии на Интернет, три партии немаат сопствен сајт, другите пак се активни на Facebook за промоција на настаните и политичката пропаганда, а присуството на Тwitter е мало. Македонскиот центар за меѓународна соработка (МЦМС), Институтот за демократија Социетас цивилис - Скопје (ИДСЦС) и Македонскиот институт за медиуми (МИМ) во април 2011 г. направија истражување во кое се прикажува моменталната состојба (заклучно со 25 мај 2011 година) на интернет-страниците на партиите и коалициите кои учествуваат на парламентарните избори 2011.
Сајтот на Министерството за правда за кратко време беше недостапен. Од pravda.gov.mk кој сега функционира велат дека се работело за технички проблем кој е поправен. Но, по друштвените мрежи се појавува информација од информатичар кој тврди дека тој им го срушил сајтот бидејќи е гневен на начинот како се вработуваат политички кадри, а не професионалци.
Ushahidi поради својата одлична можност за мапирање на итни настани со помош на сите инволвирани во истите беше изгласан како пионир на технологијата за 2010, а самата платформа се покажа неверојатно корисна во бројни примери ширум светот за следење на изборите и помагање при незгоди и природни катастрофи.
Каде ги фрлате старите компјутери, старите мобилни, нефункционалните лаптопи, монитори, модеми, принтери, заедно со другите електрични уреди како шпорети и фрижидери?
<Надополнето со изјава од ENTiTY:> За Јован Каланоски - Kalan, капитенот на ENTiTY, организацијата на овогодишниве qWCG беше со „светски рамки, со финале на бина“.
<Надополнето со изјава од организаторот:> Подолу е изјава од Лазар Поп Трајков, еден од организаторите , кој ни одговори на претходно пратениот имејл за првиот Лан Фест 2011. „Одзивот за предавањата беше реален т.е. некои се откажаа поради тоа што на луѓето не им се допаѓа таа тема или лошиот термин. Некои се одржаа со 10-20 луѓе, на некои имаше и по 130-140, така да не само што е реално туку и успешно за прв пат. Не разбирам зошто се гледа на неуспех на овој сегмент. Имаше странски презентери и експерти од познати брендови кои не секој ден можат да ги следат, како и локални експерти и презентери и сето тоа за 90 денари на ден или 300 за трите дена.“, вели Лазар додавајќи дека причитине за непосетеноста можеби е „скептичноста“ бидејќи е прв настан, можеби бидејќи саботата се учеше, заради изборите и партиското етикетирање и недоволен маркетинг од медиумите кои се занимаваа со политика.
Гласомер.мк е веб алатка за едукација и споредба на своето со политичкото мислење за парламентарните избори 2011-та.
Ситеогласи.мк е сервис кој ги собира сите огласи од разни веб .мк страни како Пазар3, Реклама5, Огласуваме и други, и ги презентира на едно место. Сервисот е агрегатор, налик на time.mk и daily.mk, само за огласи, не за вести.
