ФИНКИ oбјави калкулатор да си ги пресметате поените од матура

Новиот Факултет за информатички науки и компјутерско инженерство (ФИНКИ) објави нов портал JOIN каде идните и нови студенти ќе можат да најдат информации за уписни рокови, за квоти и со опција да се пресметаат поени од државните матури со кои кандидатите ќе можат да конкурираат за упис.

На JOIN порталот има шест калкулатори кои ги пресметуваат бодовите зависно од различните положени матури, пример: државна, меѓународна, училишна, и има калкулатор за тие кои завршиле пред 2007/08 и не полагаа матури.

Покрај пресметките за поените, има и детали за првиот уписен рок, за кои „модули“ ќе има уписи колкава е државната квота и колку е квотата со кофинансирање. Има и соопштенија/вести кои преку регистрациија ќе може да ги добивате по имејл.