„Мислењата на корисниците им помагаат на другите корисници во донесувањето информирани одлуки.“, вели Златна книга.
Oва е уште еден знак дека за да бидат успешни на Веб, кое е место каде корисниците споделуваат искуства, бизнисите ќе мора да бидат пофер, потранспарентни или поучтиви спрема своите клиенти.
Оставените коментари ќе бидат прегледани од Златна книга пред да бидат објавени јавно, да нема спамирање, но исто така ќе бидат испратени до компаниите за да ја примат критиката/пофалбата и да можат да одговорат на неа. Ова доколку се поедностави може да биде систем за комуникација, прашања и одговори, меѓу клиентите и компаниите преку сајтот на Златна книга.
Покажете дека ги слушате вашите клиенти и сте проактивни кога адресирате некој предлог или критика, ги советува Златна книга компаниите; дадете едноставен, културен и учтив одговор; дадете точни информации кога некое мислење содржи нешто неточно или неговата содржина е застарена; заблагодарете се на позитивните коментари.
Интересно, Златна Книга вели дека кај нивните колеги од Бугарија, 95 отсто од коментарите за компаниите се позитивни.
