Google во блог пост најави дека ќе ја тргне Chrome поддршката за патентираниот H.264 видео кодек кој е веб стандард, се користи од blu-ray дискови до куп разни веб сервиси и електронски уреди. Сега Google ќе го користи WebM и Theora видео форматите.
Секој студент од 13 до 18 години од било кој дел на светот преку својот интернет прелистувач може да се вклучи на Google-овиот светски саем за наука во партнерство со CERN, LEGO групацијата, National Geographic и Scientific American.
Google објави нова верзија на Goggles апликацијата која сега може да чита баркодови, да чита принтан магазин и да решава судоку.
Откако неодамна го објавија Gingerbread за паметните телефони, Google го претстави и Honeycomb кој е следната генерација на мобилната Android платформа, дизајниран од почеток, за уреди со голем екран, посебно таблет компјутерите. Веќе неколку производители го најавија Honeycomb како оперативен систем за нивните таблет PC-ја.
Google планира дигитален киоск за Android корисниците, пред се тие со таблет компјутери, да можат да си купуваат и читаат дигитални верзии од големите и популарни магазини и весници, конкурирајќи му на Apple кој го има iPad и Amazon со Кindle, пренесува Wall Street Journal.
Facebook стана најпосетуваниот сајт во САД, надминувајќи го Google, се вели во истражувањето на Experian Hitwise. Скоро 8.93% од сите посети во САД од јануари до ноември 2010-та припаѓаат на Facebook, наспроти 7.19% посети за Google.
Новиот оперативен систем на Google, Chrome OS, кој се базира на cloud computing-от, ќе ги натера корисниците кон „невнимателно користење“ на своите податоци, вели основачот на GNU и Слободен софтвер фондацијата, Ричард Сталман за Guardain.
Продавницата за веб апликации Chrome Web Store на Google oд самиот почеток нуди над 500 веб апликации. Некои од нив се доста интересни, други се само копија на веб сајт, трети непотребни. А има и корисни алатки или апликации кои до сега беа достапни само за iPhone и iPad, а сега ги имате на вашиот Chrome прелистувач.
„Ништо освен Веб“, вели Google за својот нов Chrome оперативен систем за ноутбукови, кој секогаш ќе е поврзан на интернет и ќе користи веб aпликации.
Google го претстави Chrome Web Store, продавница за платени и бесплатни веб апликации за Chrome прелистувачот и за Chrome оперативниот систем кој ќе се појави на средина на 2011 година.
Вториот Google телефон Nexus S ќе биде и првиот телефон кој ќе ја има најновата верзија на мобилниот оперативен систем Android Gingerbread, кој ќе биде наскоро достапен за надоградување на Android телефоните.
Марк Закерберг во интервју за „60 минути“ објасни дека низ целата Facebook канцеларија се појавува зборот „хак“ и се одржуваат „хак-маратони“ затоа што, Закерберг вели, „да кажеш некого хакер е комплимент, хакнување за инженерите значи да се промени нешто за многу брзо време, за еден вечер да смениш многу линии код и на крај да добиеш продукт“.
Google тестира нова алатка која е вид на онлајн складиште за фајлови, пишува TechCrunch повикувајќи се на информации од неколку Google форуми.
Google во блог пост најави дека ќе воведе неколку решенија против пиратеријата на своите сервиси. Едно од тие решенија е тргање на пиратските термини од автоматското дополнување при нивно куцање. Пример, ако вкуцате Gorillaz mp3 во Google, пребарувачот ќе ви предложи Gorillaz mp3 torrent пребарување. Сега тоа ќе биде тргнато, Google нема веќе да помогне со авто-комплетирање на термините.
Google објави дека нивниот нов алгоритам ќе ги казнува бизнисите со негативен маркетинг план, најавувајќи дека негативниот маркетинг нема да резултира со поголем ранк на пребарувачот.
Европската Комисија стартува истрага за дали Google Inc. ја злоупотребува својата доминантна позиција во интернет пребарувањето и маркетинг пазарот. Google се огради од обвинението велејќи дека ќе соработуваат со Комисијата за истрагата.
Google објави книга „20 нешта што ги научив за прелистувачите и Вебот“ по повод 20-годишнината од откривањето на Вебот од страна на Тим Бернерс-Ли, што е овој месец. Книгата е соработка на Google Chrome тимот и илустраторот Кристоф Ниман.
Boutiques.com е нов Google пребарувач за облека, додатоци и други модни детали. Google вели дека продуктите поврзани со модата едноставно не можат да се вклопат во стандардниот шопинг, пример купување на камера следејќи рецензии и спецификации, туку „модното купување подразбира откривање нешто што одговара на вашиот вкус и изгледа како што треба.“
Тweetaboogle е забавен и друшвен веб сервис со кој пребарувате низ Google, под резултатите добивате постови од Twitter како објаснување, и сето тоа го правите на Facebook интерфејс.
Facebook вреди повеќе од Ebay и е трет најголем интернет бизнис по Amazon и Google во САД, вели Bloomberg. Оваа проценка е направена според SecondMarket, онлајн пазар за тргување на акции од приватни компании, Facebook вреди неверојатни 41 милијарда долари. Единствено пред Facebook се Amazon кои вредат 74.4 милијарди долари, и се разбира Google кој вреди 192.9 милијарди долари.
