„Колачето од ѓумбир“ или 2.3 е најбрзата верзија на Android мобилниот оперативен систем, која се фокусира на побрз гејминг и подобро мултимедијално искуство. Еве ги новините:
- промени на корисничкиот интерфејс (UI) за побрзо функционирање и да биде поефикасен во однос на батеријата, има и поедноставна навигација;
- нова тастатура за побрзо куцање, со редизајнирани копчиња за поточно кликање;
- копирање и пастирање со еден клик. Стискањето врз збор го стартува модот за слободното селектирање;
- системот сега подобро ги менаџира отворените апликации во позадина што доведува до повеќе траење на батеријата;
- интернет VoIP/SIP повици;
- има NFC читач (near-field communications) за читање на NFC тагови од секојдневни објекти како постери, стикери и реклами;
- претставен е менаџер за симнатите фајлови од прелистувач, имејл или друга апликација;
- има кул опција за истовремено стартување на неколку камери на уредот, вклучувајќи ја и предната камера;
Google ги објави и софтверските алатки Gingerbread SDK/NDK за развивачите на апликации. Деталните новини во Gingerbread важни за развивачите ќе ги најдете тука.
Nexus S
Nexus S е вториот Google-ов мобилен телефон изработен со помош на Samsung, и е првиот телефон со 4 инчен Contour дисплеј со појак контраст. Работи на 1GHz Hummingbird процесор со 16GB внатрешна меморија, има предна камера со VGA квалитет и задна камера од 5 мегапиксели со можност за снимање HD видеа… сите детали за телефонот ќе ги најдете на официјалниот сајт.
Телефонот ќе биде достапен во САД од 16-ти декември, а во Велика Британија од 20-ти.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
