Facebook, исто така, две години по ред е и најпребаруваниот термин меѓу американските корисници. Интересно, три други варијации на Facebook пребарувања, како facebook.com, facebook login и www.facebook.com, се меѓу топ десетте пребарувања во 2010-та година во САД.
Нема воопшто да биде чудно исти резултати според посети и пребарувања да видиме и во Европа, а сигурно ќе ги видиме и во Македонија. Скоро сите интернет корисници во Македонија се и на Facebook, над 800.000 профили на друштвената мрежа значат и огромно споделување на информации.
Секако, Google нема да биде игнориран, бидејќи како интернет пребарувач нуди можност да пребарате конкретна информација во момент и по потреба, наместо да пребарувате споделени информации како на Facebook. Битката за престиж, кој е поголем – Google или Facebook- ќе продолжи и во 2011-та, но факт е дека двата огромни сервиси нудат различни информации кои едноставно придонесуваат до покомплетно онлајн искуство.
