Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
Google забрзано работат на Street View опцијата на Google Maps. Пред само две недели пишував за нивното проширување надвор од улиците и менувањето на возилото кое го користат. Сега, додадени се уште повеќе места, а страницата има нов изглед со кој не води низ процесот на креирање на Street View, а исто така ни овозможува и полесно да се снајдеме во истражувањето на нови места.
Bing на насловната има слика од св. Јован Канео црквата на Охридското езеро. Ова е втора слика, по сликата од дебарското езеро Шпиље, која се појавува на прелистувачот на Microsoft.
Политиката за слободен софтвер ќе треба да воведе правила за набавки, препораки и мотивација да се користи слободниот софтвер низ сите државни и јавни институции. Текстот веќе е спремен од експертите и сега се стартува со јавни расправи, кои ќе се одржат од 14-ти до 22-ри март во Тетово, Штип, Скопје и Битола, со цел да се чујат други препораки и мислења за што треба да се додаде и досреди со цел да се добие национална политика креирана од и користена од самите корисници. По јавните дискусии НПСС ќе биде доставена до Владата со цел истата да се усвои.
Twitter по повод пет години од денот кога е стартуван протипот на сервисот, објави неколку интересни #бројки за растот на сервисот на кој му требаше 3 години 2 месеци и еден ден за да помине од првиот до милијардитиот твит. Сега, потребно е само една недела да се испратат милијарда твитови, односно се праќаат по просечно 140 милиони твитови на ден.
Twitter воведе нови услови за користење за надворешни развивачи кои ги ограничуваат во креирањето на нови клиент апликации и предизвикаа бран на несогласувања во развивачките кругови. Причината за новите високи стандарди за креирањето на апликациите, како и можноста Twitter да ја одбијат секоја апликација која не им се допаѓа, како што наведуваат од Twitter е стандардизацијата на искуството при користењето на Twitter, кое сакаат да е исто за постојано растечкиот број на корисници.
Контроверзните интернет активисти Anonymous објавија преписка меѓу вработени во Bank of America за кои велат дека ја откриваат „корупцијата и измама“ на најголемата американска банка. Во мејловите, кои датираат од ноември 2010, се вели дека банката намерно избришала бројки за следење на заемите со цел да може да заплени недвижности.
Очекуваното е конечно реалност: според најновото истражување на Pew Research Center наречено „Состојбата на медиумите“ 46% отсто од американците читаат вести онлајн во споредба со 40% чиј извор се традиционалните весници.
Иако официјално натпреварувачите кои требаа да ги предизвикаат прелистувачите не се појавија на натпреварот, правилата си се правила, и Google Chrome и Mozilla Firefox се прогласени за непобедени на Pwn2own. Ова е трет пат по ред Google Chrome да не биде компромитиран на Pwn2own, а првпат за Mozilla Firefox.
LinkedIn Today е нова алатка на бизнис мрежата која ви доставува вести, блог постови и други информации кои се најпопуларни меѓу бизнис луѓето кои ги следите и кого тие следат.
Како што досега ги тагнувавте пријателите во вашите статуси користејќи го знакот „@“, а потоа го впишувавте името на пријателот или го одбиравте од паѓачкото мени, така сега можетете да го тагирате пријателот, страници, апликации, групи, настани, и во коментарите.
Закерберг комплетно греши кога мисли дека анонимноста е кукавичка, вели Кристофер Moot Пол, основачот на познатиот и контроверзен форум 4chan за време на South By Southwest конференцијата додека го презентираше својот нов проект Canvas.
Популарниот Winamp објави 1.0 верзија на својата Android апликација која ќе им овозможи на корисниците да безжично ја синхронизираат музиката преку Wi-Fi, да се импортира iTunes библиотеката и да се стримаат илјадници интернет радија со SHOUTcast. Winamp за Android ги поддржува 2.1+ Android OS.
Ако се суди според бројот на верзијата на овој најнов интернет прелистувач од Google може погрешно да се заклучи дека постои многу години (на пример, интернет прелистувачот Opera кој е актуелен со верзија 11, датира од далечната 1996 година). Но сите, па и оние со пократко памтење, знаат дека првата верзија на овој прелистувач јаво беше презентирана на 3 септември 2008 година. Дали навистина за толку кратко време може да се претстават 10 различни стабилни верзии (дополнувањата и бета производите не ги сметам) и секоја од нив да има нешто ново, нешто подобро за да го заслужи епитетот финална? Колку и да звучи чудно, одговорот е да. Google Chrome 10 кој се појави неполн месец после верзијата 9, навистина има што да покаже, и пред неговите претходници, но и пред конкуренцијата од која зема се поголем дел корисници кои се согласуваат Chrome да биде нивен предефиниран прелистувач.
Khan Academy е непрофитна организација која цели кон тоа сите да добијат бесплатно и квалитетно образование каде и да се. На страницата има повеќе од 2.100 видеа со едукативен материјал, кои се сржта на нивната идеја, поткрепени од нивниот аналитички софтвер кој ја оформува целата идеја.
Start faster е додаток за Firefox со кој ќе го стартувате прелистувачот на Windows Vista или 7 за 100% побрзо од досега.
Воопшто не е забавно кога некои нерелевантни страници или реклами постојано го наоѓаат своето место на врвот во резултатите на Google. Сега интеренет пребарувачот во војната против таквите страници ја воведува опцијата да ги блокирате несаканите страници за повеќе да не ви се појавуваат во резултатите од пребарувањата.
Од 12 март Facebook ќе го замени Static FBML, кој се користеше за креирање странични или воведни табови на фан страните, и наместо него ќе користи iFrames. Со iFrame администраторите ќе можат да ги користат HTML, Javascript и CSS технологиите за додавање на содржина на фан страните.
На хакерскиот Pwn2own напревар Safari падна за изнанадувачки 5 секунди, земајќи му го приматот на IE како прелистувач кој си има традиција на најбрзо паѓање. Pwn2own e натпревар за хакерски вештини кој се фокусира на веб прелистувачи и мобилни уреди. Целта е сигурносните експерти успешно да ги компромитираат, и за тоа освојуваат парични награди, а компаниите ги учат своите слабости.
HP ќе инсталираат WebOS на сите персонални компјутери почнувајќи од 2012, најави директорот на HP, Лео Апотекер. Со овој чекор, во исто време ќе привлечат повеќе развивачи за WebOS апликации, а исто така и за да ја направат транзицијата на оперативниот систем од мобилните уреди на десктоп.
Новиот iOS за iPhone, iPad и iPod touch можете да го симнете преку iTunes, откако ќе го конектирате вашиот уред. Има новини во AirPlay, воводувањето на Personal Hotspot, iTunes споделување и забрзување на Safari.
