Најнови написи, вести, анализи, рецензии и практични совети за ИТ.МК. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Семос Едукација од 7 февруари ќе стартува оnline обука за Java, Мicrosoft и Cisco, наменето за луѓе кои не се од Скопје. На слушателот му е потребно веб камера за да го следи предавањето и микрофон доколку сака да постави прашање.
Новиот .мк сервис за групно купување Grouper.mk се пофали дека за ден и половина по стартувањето успеа да продаде 110 купони за фитнес пакети. Дополнително продадени се и 40 купони за аеробик и 50 купони за топло чоколадо, а во моментов и над 70 купони за пица.
(ова е текст на Иван Петрушевски од MK Host, првично објавен на неговиот блог) Денес добив второ известување / изненадување за „новата“ tld наставка .eu.mk и морав да реагирам со овој пост. Не дека имам нешто против компанијата што ја рекламира оваа лажна домен наставка, туку затоа што несакам народот да биде измамен. Сакам да знаат кон што точно се изложуваат лицата кои ќе нарачаат домен (читајте sub-domain) со .eu.mk наставката (читајте домен име eu.mk).
Сите млади, креативни и иновативни луѓе до 35 години ќе можат да приложат свој бизнис план за било каква идеја, вклучувајќи и ИТ идеи за апликации, веб сервиси и стартапи, по што ќе имаат шанса да добијат дел од 21.000 евра вредниот награден фонд, на Националниот натпревар за бизнис план.
Наскоро Марко Чаласан ќе патува во Цирих, кај Google, за да го презентира својот проект за пренесување на HD видео преку послаби мрежи, проект преку кој ќе понуди ИТ лекции за училиштата во Македонија; кога би избирал меѓу Бил Гејтс и Стив Балмер, двата директори на Microsoft, би го одбрал Гејтс, но сепак за Балмер вели „кога дојде тој, се е ново“; направил и крак за Nero, но родителите го спречиле да го објави на интернет бидејќи нели сепак краковите не се легални, а за ИТ наградата за личност на годината на .мк сцената, десетгодишниот Марко вели дека „навистина сум горд и им благодарам на сите“.
Дали се сеќавате на причината поради која ставивте Интернет на домашниот компјутер? Што ве заинтересира од глобалната мрежа, што очекувавте? Ова е интересна тема на форумот каде форумџиите ги споделија својот прв контакт со Интернет. За Hijack Hackеr при првото отварање на страната на Google „бледо го гледав, незнаев од каде да почнам, и што воопшто да правам“.
Се подготвува нов правилник на МАРНет за „управување со врвниот македонски домен .мк и други акти неопходни за функционирањето на МАРНет. Во текот на месец февруари оваа година правилникот ќе стапи во сила со што ќе се овозможи непречено регистрирање на нови домени.“, вели Mинистерството за информатичко општество по седница со Управниот одбор на МАРНет. На седницата за претседател на новиот МАРНет е избрана Маргита Кон-Поповска, професорка на Природно-математичкиoт факултет и досегашен потпретседател на одборот на МАРНет.
Купување преку интернет учествува само со 1% од трансакциите преку електронски картички, кои се 8-10 отсто од вкупниот промет во државата, вели Министерството за информатичко општество повикувајќи се на извештајот на USAID.
Која е најдобрата продавница за хардвер, најдобра според квалитетот на робата, цената и според сервисот и услугата? Форумџиите стартуваа интересна анкета која прерасна во дискусија за продавниците споделувајќи го своето корисничко искуство.
Сите мои слики што ги чувам, на Фејсбук ги редам тагнувам, само најдобрите ги бирам, на профајл пикчр да ги закачам... ова е текст од нова обработка на песна на Ареа, која е пародија на Facebook.
Како низ светот, така и во Скопје се прослави 10-тиот роденден на онлајн енциклопедијата Wikipedia која има над 17 милион текстови на 270 јазици. Википедија на македонски пак има 43.000 текстови по само 5 години постоење, што може да се каже дека е огромен успех земајќи в обзир дека се работи на мала група волонтери кои допринесоа кон слободно ширење на знаењето.
Љубоморна девојка од радовишко село, 25 год., добила кривична пријава за „злоупотреба на лични податоци“ бидејќи отворила лажен Facebook профил на кој користела навреди и лични инфомормации на 27-годишна девојка од струмичко село бидејќи се сомневала дека струмичанката имала врска со нејзиниот маж. Оштетената девојка пријавила во полиција уште во септември, по што деновиве било поднесена пријава, пренесува Канал 5.
(oва е превземен текст од истражувањето на Борис Ристовски од Македонски центар за меѓународна соработка (MCMS)) Иако веројатно сè уште не можеме да се споредуваме со развиениот свет, сепак бројот на корисници на Интернет во Македонија расте секој ден. Расте и бројот на креирани веб-сајтови. Заклучно со 1 декември 2010 година, на глобално ниво се регистрирани 126.036.915 поддомени под врвните домени (.com, .net, .org, .info, .biz, .us), според http://www.dailychanges.com, а во Македонија 17.670 домени.
Правилникот на МАРНет, креиран уште во 1995-та, е неправилен според Уставот, вели Уставниот суд и ја блокира службата за управување на домени се додека Министерството за информатичко општество според нов и неодамна одобрен закон не формира правилна служба за домени. Тоа може да потрае до два месеци, а ако сакате да регистрирате домен или да промените сервер/именски опслужувач, тогаш ќе мора да почекате.
Онлајн енциклопедијата Wikipedia на 15 јануари 2011 година ќе прослави 10 години постоење и „споделување слободно знаење“. Ќе има журки во Скопје, ширум светот и на Веб, за да се прослави овој јубилеј на онлајн енциклопедијата која Џими Велс ја стартуваше во 2001 година.
Министерството за информатичко општество сега ќе ја води и јавната администрација, бидејќи МИО работи на реформирање на администрацијата, односно модернизирање на администрацијата со цел да се поврзе истата преку интернет и да се намали административното малтретирање, во смисла на поефикасна работа и поедноставно завршување на работа со документи, за администрацијата и за граѓаните. „Администрацијата се […]
(ова е гостински текст на Oгнен Плавевски, кој веќе подолго време се занимава со дизајн. Повеќе за Огнен на неговиот LinkedIn профил) Овие денови имав задоволство да пазарам за нов автомобил. Иако новиот автомобил кој го купив беше по моите стандари, онлајн потрагата по него дефинитивно не задоволи кај дел од дистрибутерите. Скоро сите брендови кои ги побарав беа до некој степен застапени со веб сајт, но имање веб сајт не значи и информирање на потрошувачите за понудата и цените на автомобилите. Веб сајтовите се разликуваа по технологии од обични HTML страни, до по џиџе флеш страните (и морам да признаам по нефункционални), од неажурирани, до редовно одржувани, и до оние кои ги имаа ради реда.
За кратко време во Македонија се најавија два сервисa за групно купување, Grouper и Kolektiva кои планираат во текот на јануари да ја стартуваат е-трговијата нудејќи големи попусти и соработувајќи со разни локални бизниси.
Со оглед на тоа дека многупати се повторува истото прашање, во врска со колку се царинските стапки за внесување на електронска (и друг вид на) роба во Македонија, решив да ги поставам тарифните информации достапни од страната на Царината, во еден едноставен формат, вели Krale на форумот постирајќи го релевантниот и скратен дел за компјутерска опрема од 960-те страни на царинскиот водич.
Хакерската заедница направи многу, но предизвиците се сé поголеми, потребно е поголемо и пошироко ангажирање. Вака би го парафразирал Роп Гронгеп – хакер-ветеран и еден од основачите на легендарниот XS4ALL – во еден твит, како сиже на неговиот говор на отворањето на овогодинешниот, дваесет и седми по ред Chaos Communication Congress. Има одредена почит кога […]
