Најнови написи, вести, анализи, рецензии и практични совети за Друштвени мрежи. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
За сите оние кои пробуваат да ја најдат љубовта на својот живот преку интернет, а досега нивните напори не вродија со плод, Virtual Dating Assistants или VIDA го има решението за сите ваши маки.
Facebook ја демистифицираше розeвaта .мк реалноста во која постои соседски соживот и го истакна гневот и етничката омраза. После инцидентот на Кале доволно е да фрлиш швајцарско ножче во апсурдните, параноични и агресивни коментари на Facebook и да си седиш и гледаш како се слеваат реки од крв.
Souncloud е лансиран во 2008-та година, достигнувајќи еден милион корисници 100 дена потоа, за сега да ја достигне и бројката од 3 милиони.
Фан страните на Facebook го добија новиот дизајн кој беше достапен за личните профили веќе некое време. Со новиот дизајн фан страните ги добија петте најнови слики под основните информации, што е можност за креативност, табовите се ставени лево, поистакната е бројката на фановите, а од десно има повеќе место за рекламите... исто како и кај личниот профил.
Layers е нова веб апликација за Chrome која ви ги персонализира и листа најновите информации од Facebook и Twitter, како и од RSS каналите на други веб сајтови. Layers e налик на агрегатор или RSS читач, но стилизирана и елегантна апликација.
HackerBuddy е едноставна апликација која има пријателски намери. HackerBuddy е сосема нова апликација која работи на принципот на „спарување" на двајца програмери/хакери кои можат да си помогнат еден на друг.
Сервисот за микро-блогирање во 140 карактери веќе подолго време ги привлекува големите компании со својот можен потенцијал, популарност и стотина милиони корисници. Сега се појавуваат информации дека Twitter е во „рани разговори со потенцијалните купувачи“, меѓу кои и Facebook и Google.
My6Sense си доби своја екстензија за Google Chrome, која има цел да ни ја донесе „дигиталната интуиција" за да утврдиме кои твитови од постојанот тек на информации се релевантни за нашите интереси. „Моето шесто сетило“ претходно беше достапно за Android и iOS.
Американската Централната разузнавачка агенција (CIA) додаде друштвени елементи на својот веб сајт, додавајќи линк до својот YouTube канал, односно линк до новиот профил на сервисот за споделување фотографии Flickr, претстави верзија за деца со видео турнеја низ својот штаб.
На LinkedIn најбројни се корисниците кои се меѓу 34 до 54 години, а најмногу се од финансиската индустрија и од индустријата на висока технологија, според инфографикот на Gigya. Најбројни се компаниите кои имаат до 1.000 вработени.
Рекламните агенции се уште го користат стариот начин на делење по демографски разлики, кој всушност не функционира во денешно време, вели истражувачот за медиуми, Џоан Блејкли во својот говор на TED Women каде зборува за „крајот на половната разлика", за интересот, не полот, како новите демографски разлики, и за тоа дека жените доминираат со социјалните медиуми.
Наскоро сите апликации на друштвената мрежа ќе започнат да ги користат Facebook Credits како примарна виртуелна валута за продавање виртуелни добра. Facebook подготви две нови Credits програми со кои развивачите на апликации можат да ги искористат виртуелните Credits.
Кога Facebook го славеше својот 6-ти роденден имаше 350 милиони активни корисници, од кои македонци беа 550.000. Сега по само за една година, дополнителни 150-200 милиони корисници се приклучија на мрежата, од нив има нови 271.340 македонци Facebook корисници.
Тоа што Myspace и официјално е ставен на продажба не е и некое големо изненадување. Во изминатата година, News Corp. повеќепати изјавија дека имаат загуби од оваа некогаш толку популарна друштвена мрежа.
Како нов и неискусен твитерџија, пред да си го направам профилот се одлучив да прочитам по некој совет од веќе искусните. Наидов на некои доста добри и корисни совети, било да сте компанија или твитате само за себе, како да ги следите правите луѓе и како да привлечете следбеници. Во суштина, Twitter има смисла само ако има кој да твита, нели?
При логирање на Facebook, мрежата ќе ве пречека со порака дека за вас е достапен новиот систем за пораки односно сега ќе си добиете свој вашеиме@facebook.com имејл со кој ќе може да праќате пораки до луѓето надвор од Facebook, за разлика од затворените Facebook пораки. Доколку сте го одбрале корисничкото име, тогаш тоа ќе ви биде мејлот, нема опција за менување.
Друштвената мрежа тестира Buy With Friends сервис. Кога корисникот ќе купи нешто преку апликација, неговиот продукт ќе се појави на неговиот Facebook ѕид. Кога пријателите ќе го видат тоа тие ќе можат да го купат истиот продукт, но на попуст директно од ѕидот, вид на групно купување, објаснува шефот за комерцијалните продукти во Facebook, Дебора Лиу на Inside Social Apps конференцијата во вторник. Интересно, кога ја тестирале опцијата повеќе од 50% од корисниците го споделиле со пријателите тоа што го купиле.
Facebook претстави две нови опции за безбедност и заштитување на профилот. Се чини никој не ми кажал за опциите на основачот на мрежата Марк Закерберг, чија фан страна беше пробиена истиот ден кога се претставија и новите опции.
Еден во тринаесет луѓе на планетава користи Facebook, Марк Зукерберг е огромен човек кој јаде луѓе, Google го закопа Wave и сите веднаш заборавија на него, Yahoo! го прекинува Delicious но корисниците сеуште го користат, Apple го објави Ping за кој никој не е заинтересиран, Groupon успева да ги возбуди младите луѓе да користат купони... ова и уште неколку комично прикажани стрипови реализирани од популарниот блог The Oatmeal ја појаснуваат моменталната состојба на интернетот.
