Поголема прегледност на статистиките на секоја од страниците која се администрира, јасен приказ на вкупниот збир на фанови на страницата, како и инстантно информирање за активности на страницата, се само некои од придобивките кои ги нуди новата опција за следење на активностите и администрирање на Facebook страниците.
Новиот Facebook интерфејс за прегледување на фотографиите иако најавен поодамна, сега стартува постепено за сите корисници. Промените почнуваат полека, и ќе се појават на сите профили во текот на следните неколку недели.
Дел од корисниците приметија дека сега на Facebook од десната страна се прикажува ново поле со „приказни за паметење“ во кое се истакнати некои кориснички статуси, како што е погоре на сликата. На истото место се појавуваат и „фотографии за паметење“ (photo memories).
