Аpple објави 14 видеа преку кои ги претставува можностите и опциите на новиот iPad 2. Видета очигледно се наменети да привлече повеќе корисници, да го промовира уредот и да ги истакне новините како FaceTime, Airplay, iMovie...
Суперкул уредот на Microsoft кој не користи џоистици, туку камери и сензори и се контролира со тело, се продаде во 10 милиони примероци и постави Гинисов рекорд за најбрза продажба на електронски уред.
Speedtest.net, популарен сервис за мерење на брзината и стабилноста на интернет конекцијата со меѓу 1.5 и 2 милиони тестови дневно, само што направи редизајн на својата страница и воведе неколку нови опции.
Hootsuite, сервис за менаџирање на друштвени сервиси како Twitter и Facebook, ја стартуваше Hootsuite Social Analytics алатката за друштвена анализа.
Foursquare, локалицискиот сервис за кој ви направивме водич стартуваше нова 3.0 верзија донесувајќи неколку новини за скоро 7.5 милиони корисниците кои сакаат да ја споделат локацијата со светот.
@FINKIedu, на македонски јазик, и @CSEedu, на англиски, се двата официјални Twitter профили на новиот Факултет за информатички науки и компјутерско инженерство, или ФИНКИ, кој ќе стартува од септември и е спој од двата досегашни информатички катедри од ПМФ и ФЕИТ.
Microsoft ќе и плати милијарда долари на Nokia за промоција на нивната мобилна платформа, додека Nokia ќе плати за секоја копија на Windows Phone во своите телефони што би требало да ја направи профиталилна инвестицијата на Microsoft во рок од пет години, колку што е замислена соработката. Додатно Nokia ќе ги намали трошоците за истражување и развој, пишува Bloomberg повикувајќи се на извори кои сакаат да останат анонимни бидејќи договорот се уште не е финализиран.
Холивудското студио Warner Bros стартуваше тест апликација преку која за 30 Facebook кредити (3 долари) ќе ви го изнајми The Dark Knight да го гледате директно преку Facebook во рок од 48 часа.
Позната по пријателите, актерката Џенифер Анистон се појави во видео која ги искористи разните вирални YouTube моменти за да креира своја вирална реклама за Smartwater.
Хакери користејќи phishing техники успеале да пробијат 150 компјутери од француското Министерство за финансии и да украдат документи поврзани со Г-20 организацијата чиј овогодишен собир ќе се одржи во Париз. Слични напади беа видени и против канадското Министерство за финансии во јануари. Канада беше гостин на минатогодишниот собир на Г-20.
New York Times стартуваше интересна веб игра каде вие сте соочени против компјутер во детската игра „листкаменножички“. Целта е да се покаже како компјутерот размислува, односно како ги проучува и бара шемите во човечкото однесување.
Хакери од XDA-Developers форумот користејќи рутирани Android телефони успеаја да го стартуваат се-уште- необјавениот Google-ов музички сервис за синхронизирање на музиката со облакот.
Opera стартуваше веб базирана продавница за бесплатни и платени мобилни апликации за разни платформи и уреди, пример Java, Symbian, Android, Blackberry, Windows Mobile и Palm. Апликациите од Mobile Store се наменети за популарниот мобилен прелистувач Opera Mini кој ќе си има копче за пристап до продавницата која е Chrome App Store за декстоп прелистувачот.
Skype ќе започне да прикажува реклами во Windows клиентот, кои ќе се појавуваат на Home табот. Skype сака да ја искористи се повеќе растечката популарност на сервисот, неодамна се забележаа рекордни 29 милиони корисници во еден момент, за да дојде до поголем профит. Покрај популарноста Skype е и добра алатка за таргетирање на корисниците според локација, пол и години што може да ги заинтересира брендовите.
Google тргна над 50 злонамерни апликации од Android пазарот, но проблемот остана бидејќи тие апликации беа симнати над 260.000 пати.
Еве една интересна информација. Македонскиот забавен портал Tocka.com.mk достигна 1.8 милиони посети во февруари, вкупно 314.886 уникатни посетители, според нивните Google Analytics.
Според Вол Стрит аналитичарите, побрзиот, потенок и полесен втора генерација iPad таблет е повеќе „еволуциски“ од „револуциски“, но сепак ќе биде уште еден хит од Apple кој ќе донесе пари.
Веб прелистувачот Opera се појави во Mac продавницата за апликации и беше одбележана од Apple како апликација за која треба да имате најмалку 17 години за да ја користите.
Бредли Менинг, 23-годишниот поранешен аналитичар во американската армија, се соочува со 22 нови обвинувања дека како извор на Wikileaks доставил стотици илјади доверливи документи. Едно од обвинувањата е „помагање на непријателот“ за што се одредува смртна казна. Обвинителите велат дека нема да ја бараат екстремната казна, но ако Менинг се прогласи виновен по сите обвиненија може да се соочи со доживотна затворска казна.
Професор од скопска гимназија е суспендиран поради екстремни религиозни Facebook постови. Според учениците, тие немале проблем со професорот бидејќи се однесувал пристојно на часовите, но според директорката на училиштето, која доставила копии од 8 страни од неговиот Facebook профил до полицијата, професорот од „скромен религиозен човек се претворил во фанатик.“
