Бредли Менинг во моментов е во самица во која, до сега, помина 10 месеци откако беше уапсен со обвинение дека доставил доверливи документи до Wikileaks кои подоцна ги објавија истите. Материјалот за кој Манинг е обвинет се видеото од „колатералното убиство“, документи за војната во Авганистан и Ирак, како и дипломатските документи.
Според адвокатот на Менинг, Дејвид Комбс, обвинувањето за „помагање на непријателот“ значи и предавање информации на непријателот кој може да биде непријателска војска или цивил, во овој случај Wikileaks.
Другите нови обвинувања се: една спецификација за дозволување да се објават доверливи документи без сознание на војската, пет обвинување за кражба на јавни документи, осум за споделување војни информации, две за измама и поврзана компјутерска активност… со што против Манинг има вкупно 34 обвинувања.
Судењето кога на Манинг ќе му се одреди казната е закажано за крај на мај/почеток на јуни.
Во меѓувреме има протести и истрага од Обединетите нации за начинот на кој се држи Манинг во самица 23 часа на ден. Американските власти велат дека го чуваат во самица и го набљудуваат постојано бидејќи мислат дека може да се повреди или самоубие.
