Facebook и Skype преговараат за да го продлабочат своето партнерство. Иако од двете страни нема никакви официјални информации, „интернетот“ вели дека после интегрирањето на Facebook статусите во Skype и контактите, ваквиот чекор како следен е очигледен.
iBoobs, апликација за играње со женски гради, пред две години беше тргната од Apple, кој, секогаш играјќи по строгите правила, рече дека не сакаат апликации со ваква тематика во нивната продавница. Но, затоа пак креаторите на iBoobs најдоа излез во Android платформата и Google кои очигледно се поотворени на таа тема.
365psd.com е веб сајт наменет за дизајнерите, кој секој ден нуди по еден високо квалитетен .psd фајл (Photoshop) кој можете да го симнете бесплатно од нивниот сајт или пак да добиете линк во вашето сандаче ако се приклучите на нивниот newsletter.
OmmWriter е интересна алатка за пишување која сега ќе е достапна и за Windows корисници, не само за Mac. Од компанијата велат дека во текот на овие неколку недели што следат, верзијата за Windows конечно ќе биде достапна.
Отсега во Google Docs за мобилни уреди доби надополнување од уште 44 јазици на кои можете да уредувате текст, за жал македонскиот уште не е вклучен. Исто така сега има и повеќе големи за печатење на Google spreadheet.
Quick Response код е специфичен вид на матричен (дводимензионален) баркод кој може да го читаат QR читачи или пак телефони кои имаат камера. Во него може да енкодираме текст, URL, слика или други податоци. Примената на QR кодот е огромна, а можностите безгранични. За разлика од нивната иницијална употреба, QR кодовите станаа доста популарно нешто со безброј примени. QR кодовите се одлични заради брзината со која може да се прочитаат, точноста и функционалноста. Иако сличноста со баркодовите е очигледна и можеби се прашувате зошто ни се потребни QR кодовите, одговорот е дека потребата за повеќе карактери и повеќе видови на податоци се наметнува во светот со цел да се направат повеќе податоци подостапни. Развивачите пробаа да ја прошират употребата на баркодовите, но откако тоа се покажа како неуспешно, QR кодот го замени.
Новиот торент клиент Chrysalis на BitTorrent e клиент кој е наменет за почетници, со интерфејс кој е многу поедноставен од клиенти како uTorrent.
Отстранети се повеќе од 50 апликации на Android пазарот во кое најден малициозен софтвер. Малициозниот софтвер е „вметнуван" во легитимни апликации како игри кои претходно веќе биле на пазарот. За жал на корисниците, овие апликации биле симнати повеќе од 200.000 пати, но Google брзо реагираа и сега апликациите се отстранети.
„За најбрзо време до 1 милион следачи". Ова е Гинисовиот рекорд кој го заслужи познатиот актер Чарли Шин. Тој број го достигна за 25 часови и 17 минути, а во моментов таа бројка на @charliesheen е повеќе од 1.23 милиони. Направете refresh на страната и веднаш ќе видите дека бројката постојано се зголемува. Инаку, тој отвори свој Twitter профил на 1-ви март, само пред 3 дена. Неговата прва слика на TwitPic со чоколадно млеко и порно глумица е прегледана 1.2 милиони пати за само 24 часа.
Old Spice објавија „зад сцените“ видео за како се снимаше дел од феноменалната The Man Your Man Could Smell Like маркетинг кампања. Од видеото може да се види дека централниот лик, Исаиа Мустафа а.к.а Old Spice Guy всушност стои на висок столб додека ги кажува секогаш забавните монолози, и дека голем дел од сцената е всушност физички направен, што е доста забавно кога се менуваат цели сценографии во 30 секунди видео.
Google ги редизајнираше Google Profiles така што сега може да вклучите повеќе информации за себе. Може и да се каже дека дизајнот потсетува малку на оној на Facebook.
BitMate е BitTorrent клиент е наменет за да ја ги зголеми перформансите на хостови со конекции со слаб проток. Тоа не го прави на штета на другите клиенти и може да ја зголеми моќта за симнување до 70%, а на качување до 100 отсто. Иако битторент технологијата најчесто се врзува со пиратеријата, тоа што е интересно со овој проект го финансира владата на САД, за да им помогне на земјите од третиот свет кои имаат слаб интернет. Проектот го работат истражувачи од MIT.
Ericsson работи на креирањето на API кој ќе овозможи peer-to-peer видео конверзација. Ова API е дел од нивната серија на нови технологии кои ги користат можностите на HTML5.
Аshleymadison.com e веб сервис кој им помага на луѓето во брак да имаат афери. Звучи интересно за многумина, но... уште поинтересно неодамна сите поголеми мрежи за рекламирање вклучувајќи ги Facebook, Google, Bing и YouTube, му забранија на сопственикот да ја рекламира страницата и некои од неговите слични проекти, најверојатно врзувајќи го со сексуални услуги.
Facebook го надградија својот Comments Box Plugin кој го користат останатите страници за да се поврзат со Facebook. Новини се што отсега ќе гледате повеќе информации и слика до коментарот на корисникот логиран со Facebook, има подобрени опции за модераторите и, како главната промена, отсега можете да одберете тоа што сте го искоментирале на надворешен сајт да се појави на вашиот профил и во фидот на вашите пријатели.
Tobii и Lenovo го открија прототипот на првиот лаптоп компјутер кој може да се контролира со очите на овогодинешниот CeBIT.
Street View мапирањето на Google ќе се прошири и подалеку од улиците, благодарејќи на новите возилa кои ќе ги заменат колите кои досега ја вршеа работата. Првата мета на Google се туристичките атракции ширум светот, први додадени локации се во Франција (Château de Chenonceaux во Civray-de-Touraine), Ирска (Националните ботанички градини во Даблин) и САД (разни локации во Сан Диего).
Waiting room e апликација за Facebook која во овозможува наместо да седите мирно и тивко и да чекате вашиот избраник или избраничка да си го вратат статусот слободни, да им објавите дека вие всушност сте таму некаде и чекате знак да ги одведете во подобар живот. А како ќе знаат дека сте таму? Па, вие ќе бидете во „чекалната".
Google лани го вклучија оптичко препознавање на знаци (OCR) во своите Google Docs, а отсега тоа е достапно на 34 јазици, меѓу кои и неколку балкански јазика, но за жал македонскиот јазик се уште не е вклучен.
<Надополнето> Google ги поврати податоците од сите оштетени мејлови велејќи дека покрај онлајн складиштата за податоци, тие истите ги чуваат и на лента.
