Еvernote е доста корисна алатка со која можете да си додавате белешки додека сурфате. Можете да закачите фајл, слики, видео, да снимите аудио, текст, линкови... како и да пребарувате низ интернет при тоа одбележувајќи го тоа што ве интересира од сајтовите.
LG Electronics го претстави Optimus 7, првиот телефон во Македонија кој работи на тазе објавената и комплетно редизајнираната Windows Phone 7 платформа.
Како една од водечките иновативни компании на Google му е важно да ги вработи само најспособните и креативни умови. Токму затоа интернет гигантот при интервјуата за работа поставува едни од најлудите и најоткачените прашања. Логичките проблеми на прв поглед се откачени, но тоа што вработува е секако креативниот одговор.
„Мобил Фестивал“ e првиот фестивал на филмови снимани на мобилен во Македонија. Фестивалот ќе се промовира во рамките на „Cinedays“ од 11 до 18 ноември, а официјалната селекција на филмови ќе се прикаже на 19 ноември, во Младинскиот културен центар.
Install Fest e инсталационен фестивал организиран од Слободен софтвер Македонија, каде сите заинтересирани ќе можат да се вклучат работилница за развој на веб апликации со слободни веб платформи, локализација на слободен софтвер и запознавање со работата на македонскиот тим на Википедија, најпознатата слободна енциклопедија.
Symbeose или Symbian - вметнатиот оперативен систем на Европа е конзорциум од 24 организации од 8 ЕУ земји чија цел е да се развијат модерни проекти кои ќе го зголемат глобалниот дофат на Symbian, односно овој мобилен оперативен систем да стане поконкурентен со Google-овиот Android и Apple-овиот iOS. Инвестицијата од 22 милиони евра во непрофитната Symbian фондација доаѓа од ARTEMIS иницијативата на ЕУ за истражувања и развој.
Инстант пребарувањето на Google, кога пребарувачот ви дава резултати додека го куцате терминот, сега е достапно и за мобилните верзии, односно за Apple уредите и мобилните телефони што работат на Google-oвиот Android оперативен систем.
<Надополнето 5.11.10> Вкупно 65 невработени лица денеска ги потпишаа договорите за обука за ИТ-програми дефицитарни во ИТ-секторот, вели МИО.
Екипа студенти од ФЕИТ го освои четвртото место на неодамнешниот IEEEXtreme натреварот за програмирање меѓу 970 екипи со преку 2.700 учесници од целиот светот. На натпреварот, кој е организиран од интернационалниот Институт за електрични и електронски инженеринг (IEEE), учествуваше и втора екипа студенти од ФЕИТ која го освои 84 место, што ги пласира македонските студенти во горните 10 отсто од учесниците.
„Мобилните ни станаа нашите персонални компјутери, секогаш со нас и секогаш спремни за да се блогира нешто со нив.“ вели Исак Кејет од Wordpress во блог пост кој го слави 1 милионитиот мобилен корисник од сите платформи.
Сега кога ќе пребарувате страни или луѓе на мрежата ќе добиете малку покорисни и покултурно прикажани резултати. Facebook го тргна делењето на лица и страни како што беше до сега, и ги смести сите на куп. Сега без врска на резултатот, дали е личен профил, група или фан страна ќе ги добиете сите излистани и ќе добиете од десно опции за да понудите пријателство, да кликнете Like на страна или да се вклучите во некоја од групите.
Hewlett-Packard го претстави своето ePrint & Share решение, наменето за архитектите, инженерите и градежниците кои ќе можат да го искористат облакот во споделување, соработка и принтање на проекти во голем формат.
Според Google OS блогот и линија текст во кодот на Google Docs, се открива дека е можно наскоро веб сервисот за документи да добие принтање преку облак, односно пристапување документи кои се на интернет и нивно принтање од било кој компјутер.
8pen на 3qubits ги заменува класичните, конвенционалните QWERTY тастатури на мобилните уреди на допир, и нуди нов начин на вметнување текст само со движење на прстите.
(ова е гостински совет на Димитар Чукалиев, студент на ФЕИТ, блогер, корисник на Ubuntu, iPhone addict, dev-иант... повеќе за Димитар ќе најдете на неговиот блог.)
Oracle ја купи софтверската компанија за е-бизнис ATG за 1 милијарда долари. „Комбинацијата [ATG и Oracle] ќе ја подобри можноста да ја споиме целата активност околу трговијата - креирајќи попостојан и порелевантно искуство за нивните клиенти преку сите канали за интеракција, вклучувајќи онлајн, во продавници, преку мобилни уреди и преку центри за повици.“ вели Боб Бурк, директорот на ATG.
BBC пишува за 46 годишниот Мика Терхо кој како целосно слеп се вклучил во пилот-проект на германскиот универзитет Тиминген по што му било вградени чип во окото. Откако прогледал, г. Терхо вели дека на почеток луѓето му изгледале како духови.
LinkedIn им даде на брендовите нови опции за да се промовираат себе си и своите продукти. Брендовите сега ќе можат да додаваат препораки за продукти и сервиси, да си ги излистаат продуктите, за закачат мултимедија за продуктите и има модул за мрежа од препораки. Компаниите кои ќе дозволат рецензија на нивен продукт, ќе можат да додадат во своите реклами на мрежата дека се препорачани од корисник.
Google ќе им плати на хакерите доколку откријата ранливости на различни веб сервиси. Наградите ќе се движат од 500 до 3.133 долари зависно од ранливоста кои можат да бидат на Google.com, YouTube.com, Blogger.com или Orkut.com.
Mandroid.mk е нов .мк портал со информации за мобилниот оперативен систем Android. Освен вести, Android ентузијастите ќе можат да најдат детали за мобилните телефони кои работат на овој оперативен систем, како и разни Android апликации.
