„На два милиона и шеесет и шест илјади жители, Македонија има околу 2 милиони и седумстотини илјади мобилни телефони и исто толку потенцијални “филмаџии”. Доволен предизвик за да стартуваме со ваков фестивал.“ велат од MobileFestival.net
„Мобил Фестивал“ нуди можност на сите кои го користат мобилниот телефон и како средство за креативна и документаристичка експресија, преку овој фестивал да ги претстават своите творби на пошироката публика. Рок за пријавувањето е 15.11.2010, нема лимит на должината на филмот кој, нели, мора дас е снимен со мобилен телефон. Повеќе детали ќе најдете на сајтот.
На фестивалот, на 19-ти ноември, ќе бидат прикажани сите пријавени филмови од македонски автори, ќе бидат наградени најдобрите, а ќе се прикажат и филмови снимени со мобилен од други европски и светски фестивали.
Организаторите на фестивалот се продуцентскатa компанија КТ Филм & Медиа и Младински културен центар.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
