Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
По контроверзното откритие дека iOS уредите складираат огромни количества информации за корисничката локација, соберени преку мобилните репетитори и Wi-Fi мрежите, Apple објави закрпа за сите iOS уреди.
Новиот бесплатен .мк сервис Donesi.com е наменет за интернет нарачување на храна од рестораните без потреба да се врти телефон. Сервисот за почеток има само четири ресторани од Скопје, но најверојатно наскоро ќе се додадат уште ресторани и сендвичари како од Скопје така и од другите .мк градови.
Наместо физички копии, новиот, закажан за летово, оперативен систем за Mac - Lion ќе се дистрибуира преку Mac App Store продавницата за десктоп апликации. Apple ќе понуди и физички дискови за луѓе со послаба конекција, како што велат изворите на AppleInsider.
И Facebook и Google размислуваат или да го купат Skype или да направат заедно некаква соработка откако Skype го одложи излегувањето на берзата, пишува Reuters повикувајќи се на анонимни извори.
Македонски телеком постави Hotspot безжичен интернет пристап низ 300 локација ширум македонија како дел од проектот „Интернет насекаде“.
Од Џастин Бибер, Џим Кери, Angry Birds и Лего до Old Spice, Onion, NewYorker, Dropbox и Funny or Die... на 15-тите по ред престижни интернационални Webby Awards се прогласија победници според жирито од Интернационалната академија за дигитална уметност и наука, и според публика во скоро 70 категории.
Се очекува со Windows 8 да се стартува и Windows Store, продавницата за апликации која според италијанскиот Windows8Italia блог ќе има неколку интересни можности.
Blackberry уредите на Research in Motion (RIM) ќе користат Bing како избран интернет пребарувач во прелистувачот и Bing ќе биде зададен (default) пребарувач и апликација за мапи за новите уреди. Bing ќе биде и избран пребарувач и апликација за мапи со нормалното место и промоција на BlackBerry App World.
<Надополнето:> Facebook остро реагираше на критиките од основачот на Wikileaks, Џулијан Асанж, кој рече дека дека Facebook може да биде притиснат од законот кој е во корист на американските разузнавачки служби.
Ако подолго време сте играч на MMORPG - масивни онлајн мултиплеер игри, сигурно сте се сретнале со поголем број наслови, од кои некои се бесплатни, а некои имаат еднократно плаќање или месечни претплати. Се разбира и едните и другите имаат свој начин за остварување профит и со оглед на тоа колку пари се потребни за тековни трошоци ретко кој би можел да им забележи. Бесплатните MMORPG игри имаат неколку начини на зработка: микротрансакции, купување на работи кој ги користите во играта за пари (Pefect World, Rohan:Blood Feud, Battle of Immortals), неограничен „trial” ограничување на делови од играта за претплатници (Warhammer Online, Lord of the Rings Online, Dungeons and Dragons Online) или метод кој се поретко го приметувам реклами на корисничкиот интерфејс за играчите кои не плаќаат. Игрите кои се плаќаат имаат месечна претплата(Eve Online), треба да го купите оргиналот на играта (Guild Wars, Guild Wars 2) или комбинација од двете (World of Warcraft, Aion, Age of Conan).
Според TechCrunch, Тwitter го купи популарниот клиент за твитање TweetDeck за меѓу 40 и 50 милиони долари. TweetDeck е Аdobe Air апликација со која може да се организира следењето на стримот со твитови, како и креирање листи со следбеници за полесно следење на што се случува на сервисот за микро-блогирање во 140 карактери.
Darko156, Sead93, Natalija, Kuzevski, Ribaro, Moondowner, Zuberot, Twibi, Kapsarovb, Martinmarkovski, Lacialec и Jofemk се највлијателните македонски твитерџии според анализата на влијателниот српски блогер и онлајн стратегист Драган Варагиќ.
Соопштение од Викимедиа Македонија: Во “Отчетот за работење на Владата предводена од ВМРО-ДПМНЕ 2006-2011” , во делот што се однесува на проектите кои оваа Влада ги спровела во рамките на информатичкото општество се наведува и проектот “Зголемување на македонските содржини на Википедија” (стр. 171). Иако го поздравуваме овој проект, по извесни реакции и недоумици во јавноста во врска со изнесените податоци, би сакале да укажеме на некои, се надеваме, ненамерни пропусти и недоречености.
Sony призна дека покрај нападите на 16-17-ти aприл кога беше пробиена Playstation Network, имало уште еден напад на Sony Online Entertainment (SEO) корисниците. Sony вели дека се украдени податоци од 24.6 милиони профили, како и податоци од постара дата база од 2007-ма. Украдените податоци биле12.700 броеви со не-американски кредитни картички и нивен датум на истекување, но не и нивните безбедносни кодови, додека имало 10.700 дебитни картички од корисници од Австрија, Германија, Холандија и Шпанија.
Како Norton корисник решив да ја пробам новата верзија на Internet Security 2012, пишува Александар а.к.а. Pipelin на форумот објавувајќи кратка рецензија за новиот антивирус. Norton е еден од најпопуларните и најфалените антивируси како на форумот на It.com.mk така и според разни тестови.
Озогласениот Осама бин Ладен е мртов! Убиен e од американските сили кои трагаа по него уште од 2001-ва година кога терористичката организација Ал-Каеда ги сруши кулите во Њу Јорк. Тогаш немаше друштвени мрежи кои денес, десет години подоцна, се алатки за споделување на клучните информации, дури и за блогирање во живо на акцијата која доведе до смртта на терористот.
На 28-29 мај за прв пат во Охрид ќе се одржи „Ништо нема да се случи“ собирот на кој се поканети сите ИТ ентузијасти и хакери, како од Македонија така и од регионот со цел да се запознаат ИТ заедниците и можеби да соработуваат на разни проекти.
Комуникации блогот во својот петти подкаст ги најави локалните Skopje Startup Weekend и Mobile Monday настани кои ќе се случуваат во Скопје во мај и јуни.
Новата верзија на Ubuntu оперативниот систем со име „Natty Narwhal" е достапна за слободно симнување.
Според извор на GigaOM, Apple најверојатно го купил iCloud.com доменот за својот долгоочекуван музички сервис во облакот.
