Тој подоцна ќе каже дека ја добил веста од телевизиски продуцент на вести и затоа „колку и да верува во граѓанското новинарство, сепак ова не е доказ за тоа“. Но, г. Урбан иако е прв кој јавно ја откри веста, сепак најавата за убиството на Осама дојде од Сохиб Атар, пакистански ИТ консултант, кој за време на случувањата на акцијата твитна дека има хеликоптер над Аботабад, гратчето каде е убиен Осама, велејќи дека ова „е ретка случка“ бидејќи, нели, талибанците немаат хеликоптери. За многу бргу тој потоа додава во неколку твита дека има експлозии, наводни вести за паднат хеликоптер и авиони над Аботабад. Тој всушност ја блогира акцијата во живо, за време на случувањата, иако во самиот момент ни тој самиот не е свесен какво значење носат неговите твитови.