Најнови написи, вести, анализи, рецензии и практични совети за ИТ.МК. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Како може огромен интернет провајдер да не може да поправи проблем 12 часа? Интернет конекцијата ја снема сабајлето во 3, барем кај мене, а се појави во 15 часот. 12 часа македонските корисници беа без поим што се случува. Би сакал да си го сменам провајдерот. Но сите ние сме обврзани со договор на година-две.
Од пред неколку дена почна да кружи информацијата дека новиот таблет на Apple, наречен iPad, е достапен да се купи и во Македонија преку лаптоп центарот КупиЛаптоп и тоа само 7 дена по официјалното претставување на американскиот пазар.
IBM го презентираше својот Lotus Software, што е колаборативна бизнис платформа која содржи разни бизнис решенија како белешки, календари, мејлови, веб состаноци за поефективна работа на една компанија.
СДСМ најави видео чат со Бранко Црвенковски за да се „интензивира директната комуникација со граѓаните“ со потенцијал да стане неделна веб рубрика.
Upload е нов бесплатен македонски on-line магазин за технологија и гаџети кој ги користи мултимедијалните ефекти да прикаже поинтерактивна содржина.
Министерството за внатрешни работи стартува нова услуга за граѓаните кои аплицираат за вадење патни исправи и возачки дозволи. Плаќањето на задолжителните таксени марки ќе може да се изврши преку СМС порака на телефонскиот број 144166 (со префикс на кој било од трите мобилни оператори –VIP, Т-mobile, ONE). При тоа е важно по испратената кодна порака, граѓаните да го задржат повратно добиениот трансакциски код кој што ќе треба да го сочуваат и презентираат пред шалтерскиот работник.
LG Electronic ги престави новите LED монитори и новата Zero Pixel Guarantee програма со која нуди бесплатна замена на новиот монитор за 72 часа од купувањето, во случај има и само еден „мртов пиксел“.
IT.com.mk во соработка со Zero Science Lab направи експеримент за безбедноста на десетина .mk сајтови и откривме дека многу сајтови на значајни институции, како customs.gov.mk, sobranie.mk или ukim.edu.mk, имаат ранливост на XSS напад.
Денеска на Машинскиот факултет се одржа „Информативна средба: Интернет трговија - предности и можности“, настан на кој TC.mk и НЛБ Тутунска Банка ги преставија своите системски решенија и платформи за е-трговија.
Ако пред само година-две беше реткост да се забележат паметни телефони (smartphones) кај македонските корисници и се чувствуваше степен на ексклузивност кога некој имаше iPhone или последен модел на Nokia или BlackBerry, денеска сликата на македонскиот пазар е сосема различна. Благодарение на достапноста на уредите и се по-„смарт“ корисници, овој вид на телефони се во многу џебови и очигледно според сите очекувања и самата побарувачка бројката само ќе расне и понатаму со забрзано темпо.
Ограбена Комерцијалан во Кисела Вода!! пред 5 минути!!! - твита @anjaethno. Твитот беше ретвитан од неколку твитерџии со што информацијата за многу бргу време дојде до многу луѓе.
Деветнаесет медиуми и портали се договорија на принципи и стандарди за меѓусобно превземање и споделување содржина. Иницијативата, објавена во Утрински весник, e последица од незадоволството на медиумите како нивната содржина се превзема од одредени портали и агрегатори на вести. Првичната иницијатива од јануари не беше соодветно направена и беше критикувана бидејќи пред се ги заштитуваше медиумите, без да ги заштити и веб сајтовите, но... се чини дека оваа иницијатива е поконкретна со поспецифицирани правила.
Со цел да го промовира и објасни начинот како функционира онлајн шопингот, а со тоа и да го промовира истиот, TC.mk стартуваше кампања - 1 брендирана шоља за 1 денар со бесплатна испорака.
Анкетата е мотивирана од текстот на BBC каде 79% од луѓето ширум светот веруваат дека интернетот е основно човеково право. Во нивната анкета беа изоставени македонските корисници па затоа поставивме наш прашалник - „Дали интернетот е основното човеково право?“ Резултатите се дека 81.1 отсто од 238 посетители (или 193 посетители) веруваат дека интернетот е основно човеково право. Од нив 8 отсто веруваат дека секој човек мора да има можност да чита и да споделува информации. Можеби најголемиот аргумент е што интернетот дозволува глас на луѓето, секој да може да си го каже тоа што го мисли.
0.mk, македонски сервис за кратење линкови, објави нова верзија од сервисот. Покрај новиот дизајн, додаден е блог за новостите, изменета е опцијата за прегледување на линкови, а додадена е можност да се пријави линк доколку е погрешен или ги прекршува правила.
Mojakariera.com.mk го стартуваше вториот саем за кариера „E-Career Fair" кој трае целава недела. На онлајн саемот студентите и сите заинтересирани можат да учестуваат во чатови во живо со преставници од македонските компании и симулации за интервјуа, со тоа нудејќи им можност да започнат да си ја градат кариерата.
Отворениот пристап претставува слободна достапност на дигитални содржини на интернет, пишува фондацијата Метаморфозис која започна да промовира презентации на македонските факултети за како да се воспостави отворен систем на институционално ниво.
Сигурно чувте за интернет во автобуси, звучи како интересен проект, но реалноста бара многу попрактични решенија кога се работи за јавниот превоз. Нарекувајќи го „ЈСП/Таxi Мобиле“, Горјан Јовановски направи ефикасна мобилна верзија на страната на ЈСП. Преку мобилните страни кои се направени да не трошат многу интернет можат да се најдат термините кога и каде пристигаат скопските автобуси. Доколку не ви се чека, тогаш преку истиот сајт разгледувате броеви на такси служби.
Нервозни сте, лути на некој, нешто ве мaчи? Тогаш Испразни се! Овој сајт е интересна идеја. Не само што можете слободно да се испукате на интернет, без некој да ви се налути или да има последици, туку преставува и интересен сајт за забава. Има навистина интересни коментари од секојдневието.
На Twitter се појавија лавина критики за МАРНет, македонскиот регистар за интернет поддомени како .mk, .com.mk, .org.mk домен...Критиките од корисниците се многу и разновидни. Се чини проблеми со МАРНет има многу и се чини дека сега за сега нема да се решат.
