Целта на средбата е да се најдат решенија за „воведување правни, организациски и технички мерки за имплементација на системот Е-документи“.
Идеално, со дигитализација и поврзување на администрацијата граѓаните при поднесување/барање на услуга наместо да се шетаат меѓу институциите собирајќи фотокопии на разно-разни документи, сега администрацијата ќе може самата да ги добие сите документи што и требаат.
Исто така се најави и воведување на е-Даноци, што е систем преку кој ќе се овозможи граѓаните од дома да поднесуваат даночни пријави.. Ќе биде поставена и апликација за анонимно пријавување на даночни неправилности.
Најавено е дека прoектите „Е-Документи“ и „е-Даноци“ ќе се имплементираат до крајот на годината.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Морам да го кажам и ова, бидејќи се надоврзува на оригиналниот текст во кој се кажува како нашиве министри се фалат со еДокументи.
Тите велат дека допрво ќе ги прават овие проекти (значи, поврзување на државните институции), а паралелно и *претходно* на ова, веќе прават проекти за државната администрација (УЈП, здравство, итн.).
Се прашувам, колку пари ќе требаат потоа – кога еДокументи ќе биде завршен и ќе имаме каков-таков воспоставен стандард – овие апликации да се прилагодат на тој стандард.
Ова неколку пати сум го укажувал и со писма (од ИКТ комората), но и лично на некои министри, дека куќата ја градат од покривот.
vordan се што кажа е вистина, но нашите новинари имат поинтерсни теми и поголеми експерти за консултација
Интересни аргументи во секој случај. Мислам дека ИТ решенијата на било кое поле за подобрување на институциите ќе излезат на површина откако ќе започнат да се користат т.е кога ќе ИТ решенијата, пример е-документи и дигитални здравствени картички, ќе станат неопходни. Некако проектите се лабави сами по себе поради некористењето, но нема кај да се бега – дигитализацијата доаѓа во полна пареа.
„one-time стратегијата за купување на апликација, без план за оддржливост и создавање на локално обезбеден развоен план, е еднакво на краткорочност и импотентност на проектот.“ – дефинитивно :).
… продолжеток …
* Четврто, нема шанса никој на светов да ме убеди дека приказната со инсталација, одржување и обука за клиентските апликации ќе заврши добро. Хрватите се во Хрватска, ние сме овде, 700 километри од нив. И сега, кога на дежурната медицинска сестра од трета смена во Свирипичино ќе ѝ се заглави апликацијата и ќе нема кому да се јави за да ѝ помогне, па пациентот ќе мора да плати од џеб.
Бајката дека ќе отвореле овде претставништво за локален help-desk, знаеме како ќе заврши: тоа ќе биде revolving-door фирма без вистинска експертиза, во која ќе се преметнуваат програмерчиња во нивната потрага по 50 евра поголема плата, а за неколку години, кога хрватите ќе ги потрошат добиените милиони на нови Поршеа, едноставно ќе ја затворат. И ние (мислам цела држава) ќе останеме насукани.
Не ме терајте да ви набројам неколку примери на вакви случувања кај нас (на пример, во банкарската бранша).
* Петто, one-time стратегијата за купување на апликација, без план за оддржливост и создавање на локално обезбеден развоен план, е еднакво на краткорочност и импотентност на проектот. Министерството за здравство *мора* да создаде сопствен тим и стратегија за одржување и развој на заднинската апликација во следниве 20 години.
Ова не е сѐ, но барем ја загребав површината на ова следно фијаско во информатизацијата на македонската држава. Какви грци! Доволни сме си самите на себе.
… продолжеток …
Како што знаеме, логично е да се подели работата на back-end и клиент (или front-end). Тоа е и направено, но протоколот за размена на податоци останува proprietary, т.е. го знае само хрватскиот изведувач. Со ова се исклучени надворешни добавувачи на клиентски софтвер. Што сме добиле?
* Прво, зависиме од странска компанија и од нејзиниот протокол за комуникации.
* Второ, нема конкурентност за подобрување на квалитетот на клиентските апликации.
* Трето (поврзано со претходното), со овој потег директно се „закопуваат“ најмалку пет-шест домашни компании кои вложувале години труд и знаење во развој на клиентски апликации.
… продолжува во следниот коментар …
Со својот „маќејски“ однос (во недостаток на подобар збор) кон сопствените граѓани и домашните ИТ компании, оваа влада направи уште еден престап со изборот на компанијата која ќе го изведува системот за „здравствената електронска картичка“ (можеби овој израз не е баш точен, но мислам дека знаете на што мислам).
Избрана е некаква хрватска фирма која наводно ќе го изведе проектот. Македонските компании, со самите услови на тендерот, однапред беа исклучени. Ај, да речеме дека до тука и можам да разберам – имале хрвативе искуство (иако не знаеме колкаво, ама белким провериле овие нашиве). За тоа подоцна.
Но, најголемиот престап е во тоа што за додатни 3-4 милиони евра хрватската фирма треба да ги испорача и *клиентските апликации* – оние кои ќе ги користат здравствените организации и сите други кои ќе бидат поврзани на централниот систем.
Ова има неколку **огромни** неоправдани дупки, како што ќе ви објасни секој аналитичар на податоци и познавач на enterprise начинот на работење во информатиката (во кои скромно се вбројувам).
… продолжува во следниот коментар …
„дека МВР не може да ги поврзе личните карти и возачките дозволи со самите себе“ – тоа ме чудеше одсекогаш како една институција не може да склопи два три документи заедно.
btw одамна не сум чул за здраствените картички, па сподели инфо плс :)
„е-Даноци“ тешко дека ќе се имплементира до крајот на годината.
Треба прво да се објави (намести?) тендер, па да помине рокот за жалби/молби, па на крај Сеа… упс, извинете, „изведувачот“ да ја направи апликацијата, да ја воведе, да ја истестира (?) и да се пушти во продукција …
„е-Документи“, уште еден килаво изведуван проект, ќе ја реши (ако воопшто ја реши) комуникацијата помеѓу државните институции, а не помеѓу државата и граѓаните/фирмите. Прашање е и дали воопшто ќе бидат опфатени сите државни министерства, земајќи предвид дека МВР не може да ги поврзе личните карти и возачките дозволи со самите себе, а камо ли со некои други, „подолни“ министерстав, или, не дај боже, локална самоуправа. (читај: немаат IBM mainframe, не чинат).
Заборавивте да го споменете и Министерството за здравство со „здравствената електронска картичка“, кое е посебна папазјанија и конзерва со црви. (прашајте ме зошто, ако ве интересира).