Најнови написи, вести, анализи, рецензии и практични совети за ИТ.МК. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Македонскиот скратувач на линкови 0.mk наполни една година, а за тоа време скрати над 25.000 линкови кои се прегледани неверојатни 1.3 милион пати. Сервисот се појави откако Twitter стана популарна мрежа во Македонија, а откако воведе профили и други опции стана доста корисна алатка за споделување кратки персонализирани линкови и по другите мрежи.
Од хоби до интересна идеја за заработувачка, Никола Војновски a.k.a ExtremeBT стартува „нарачај си свој аватар“ проект каде откако ќе му пратите ваша слика ќе добиете цртана карикатура или аватар кој ќе ви биде слика на друштвените мрежи или форумите...
Македонско-германската фирма Sam97 сака да објави бесплатен дигитален лексикон на македонскиот јазик, кој ќе содржи илјадници зборови и нивно објаснување.
Еден брз факт: Во Македонија има околу 900.000 интернет корисници. На Facebook 708.000 профили се од Македонија. Oва е доста импресивна и потенцијална бројка на заинтересирани корисници за една држава каде ИТ сцената се уште е зад кулисите, далеку од мејнстримот. Но дали македонскиот Веб нуди нешто повеќе за овие корисници да се ориентираат кон локални made-in-Macedonia веб производи? Како да им понудиме квалитетно искуство на македонскиот Веб?
Идеи кои вредат да се споделат е мотото на инспиративната TED конференција, настан кој наскоро може да го видиме и во Скопје. Иницијативата за локален TED настан стартуваше пред некој месец, а неодамна беше одобрена и лиценцата за TEDxSkopje со што идеја се приближи поблиску кон реализиран настан каде истакнати личности од Македонија ќе го споделат своето искуство и знаење.
Фото клубот Козјак од Куманово вели дека е првиот фото клуб во Македонија кој стрима изложба во живо на интернет. Стримање во живо на културните случувања е одличен начин на една галерија, фото клуб, музичари или театар да допрат до ентузијастите и љубителите на уметноста кои не можат да присуствуваат на самиот настан.
Заврши првата фаза од Vip Android предизвикот на кој се пријавија 212 апликации. Се чини добрата награда беше мотивација за македонските програмери да креираат локални апликации. Освен најдобрите програмери и апликации, тие што ќе добијат највеќе се македонските корисници на Android платформата кои ќе можат да избираат од стотината апликации на македонски јазик.
Македонија има околу 850.000 интернет корисници, велат графиконите на Google кои земаат податоци од Светска банка. Споредено со другите балкански земји Македонија има повеќе корисници само од Албанија и Црна Гора, но секако мора да се земе в обзир и бројот на жителите на една земја.
Еuropeana.eu e европската дигитална библиотека која се уште е во бета фаза, се чека да се достигнат 10 милиони објекти и до крајот на 2010 година да биде официјално стартувана. Но иако е во бета фаза сепак е на интернет и корисниците имаат пристап до неа.
BrownFolder е сајт каде можете да најдете еден куп бесплатен софтвер. Иако вакви сајтови има многу, сепак oва е важен сајт бидејќи е „made in Macedonia" . BrownFolder e креација на Филип Николовски (познат како Pinky на форумот).
На сајтот на Утрински весник се појави текст „Лувр има виртуелен кустос“ во кој се пишува за интернет страницата на познатиот француски музеј Лувр и како музејот ги збогатил своите страници на интернет, со иновативна интерактивна програма.
Со 209 гласа Android е омилениот мобилниот оперативен систем на читателите на It.com.mk. Од 586 гласови Android доби 36 отсто или 209 гласа, и се најде пред iPhone ОС (сега iOS) кој доби 142 гласа односно 24 отсто, односно пред Symbian кој доби 114 гласа односно 19 отсто.
Нема потреба да имаме неорганизирани болници, да се лута од еден до друг доктор, и најмрачното нешто во целата таа авантура - бесцелното чекање бесконечни редици... каде и да отидеш се чека ред за нешто, ред кој може да потрае со часови или минутки. И тоа исчекување нервира! Нервира и „кој е на ред?“ дискусијата.
Тwitter е толку популарен во Македонија што сега сите три мобилни оператори воведоа услуга за праќање твитови преку SMS пораки.
Microsoft Македонија го претстави Office 2010, последната верзија на популарниот софтвер користен за канцелариско работење. Од воведување на нови пакети за продажба до подобрување на функционалностите и перформансите, новата верзија на Office делува доста интересно и пред сé продуктивно.
Целта на mobile.komunikacii.net блогот е да ги олесни изборот на оние кои сакаат да купат нов телефон, да ја најдат соодветната апликација за својот мобилен телефон и да се информираат за тоа до каде е стасана во развојот мобилната технологија кај нас, но и во светот, вели Мите Кузевски, кој заедно со Виктор Стојановски го стартуваа блогот.
Едно од најинтересните аспекти на Светското првенство ќе бидат дискусиите меѓу навивачите и неутралните гледачи, имало фаул, немало пенал, добар гол, изненадувања на теренот, разочарувања итн... Благодарение на Twitter кој е јавна мрежа, сега можете да ја следите дискусијата.
Т-Home и T-Mobile објавиja 3 Screen понуда со која им нуди на корисниците избор да ги следат натпреварите во Светското првенство во фудбал преку MaxTV, но уште поинтересно преку интернет и мобилен телефон.
Образовниот портал Skoool.mk нуди едукативен и интерактивен материјал за ученици од прво до деветто одделение, а има и содржина за средношколци.
Драган Тренчевски е дизајнер на интересната е-ролна, или eRoll. Идејата е да се извлекува екранот на допир и со него да се читаат книги и списанија, во секој случај полесен уред за носење од таблет PC-jaта. Сега за сега е само идеја, но Драган се надева дека eRoll ќе може да се реализира. Еве што вели 22-годишниот студент по индустриски дизајн за својата идеја:
