„Бидејќи изложбата е за цела Македонија, а и за многу странци кои не можат да присуствуваат на отварањето, се одлучивме да ја стримаме изложбата.“ вели Предраг Тасевски од фото клубот кој додаде дека стримањето во живо ќе продолжи и со идните настани. Следниот настан кој ќе се одржи во кумановската галерија е во октомври и ќе биде интернационален, па видеото ќе оди и со превод на англиски.
Отварањето на изложбата на македонски фотографии – Фото Фокус 2010 – започнува во 20 часот и доколку не сте во Куманово и не можете да дојдете во галеријата да ја следите изложбата, можете да го погледнете стримот подоле или да го посетите сајтот на фото клубот Козјак каде има и друга камера со друга перспектива од настанот. На нивниот сајт подоцна ќе се објави и снимка од отварањето.
Инаку преносот се стрима преку LiveStream.com платформата која овозможува на секој со камера и интернет врска да стрима видео во живо.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
