Најнови написи, вести, анализи, рецензии и практични совети за ИТ.МК. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Друштвените мрежи се за интеракција меѓу корисниците, меѓу брендот и клиентите. Но за да комуницирате со нив ќе мора да ги убедите дека сте вредни за нивното внимание.
За или против? На форумот е поставена анкета за пиратеријата, секогаш актуелна и контроверзна тема за што е кражба, што е легално, дали може да се функционира без неа.
Сподели знаење, сподели информација. Ова беше мотото првин на форумот, а сега и на целиот нов портал fakulteti.mk.
365.com.mk го надградија својот инстант речник додавајќи три нови јазици - руски, српски и турски, додадоа над 500.000 нови зборови во постоечките бази и додадоа англиско-македонски Поимник на зборови од информатичката технологија.
(ова е превземен текст од List.mk, блог за веб и графички дизајн, фотографија, инспирација, креативност... Го реобјавуваме текстот бидејќи ја поддржуваме идејата да се претстави .мк креативноста, како на фотографите така и на List.mk. Автор на текстот е Благој Капсаров.) Мала галерија од вредни фотографии што може да ги најдете низ галериите на deviantArt.com каде што инспирацијата е наметната сама по себе.
Стартува новиот сајт - finki.ukim.mk - на новиот Факултет за информатички науки и компјутерско инжинерствo.
Android e убедливо омилен мобилен оперативен систем на македонските корисници, со 117 гласови, скоро двојно повеќе од вториот iOS, оперативниот систем за iPhone, кој има 65 гласа, покажува Facebook анкетата на Vip, стартувана во вторникот на нивниот профил.
По првичниот Twitter профил, новиот факултет за информатичка технологија стартуваше и свој Facebook профил.
Шнајдер е нова .мк апликација за Facebook која ќе биде продавница за маици чиј дизајн е креиран од македонските дизајнери и корисници. Моментално е во тек натпревар за најдобар дизајн, 10 најдобри дизајни ќе влезат во продавницата. Предизвикот трае до 5-ти април, кога е и официјалното отварање.
Наспроти промовирањето на Македонија како информатичко општество, воведувањето биометриски систем на идентификација и постоењето на стотици сајтови на министерствата, владините агенции и на низа други државни институции, обичниот граѓанин сé уште не може на едноставен начин онлајн да добие информација од нив, пишува Бисерка Велковска-Блажева.
Наместо да се стартува веб сајт, како што направија конкурентите, Купуваме.мк стартуваше Facebook апликација преку која се нудат дневни зделки и попусти за групно купување.
За 24 часа Firefox 4 е симнат 7.1 милиони пати. Ова е скоро три пати повеќе од симнувањата на неодамна објавениот Internet Explorer 9 со 2.3 мил. за 24 часа, но и за 1 милиони покусо од претходниот рекорд од 2008-ма кога Firefox 3 се симна околу 8 милиони пати за 24 часа.
Креативната работа во нашето време е единство на технологијата и хуманоста. - Кензо Танге, јапонски архитект. Инспирирани од „Срце за Јапонија“, Кензо Танге и потребата да се даде оригинална поддршка за Јапонија која беше зафатена катастрофален земјотрес и цунами, Калина Зографска, Кристијан Ивановски и Ива Дујак стартуваа своја QR кампања низ Скопје.
Сајтот на скопската автобуска станица - sas.com.mk - е еден од ретките сајтови кои можеа да ве остават без зборови кога ќе го отворите... прво си мислите дека лошо е вчитан, за потоа да прснете во смеење кога ќе ги видите двата автобуси кои поминуваат.
Црвениот Крст на Македонија заедно со мобилните оператори отвори неколку телефонски броеви на кои може да се донира за помош на Јапонија која ја зафати земјотрес и цунами кои ги уништија приморските градови, загинаа над 21.000 луѓе, се направи огромна материјална штета, по што следеа застрашувачки проблеми со три нуклеарни реактори.
Првиот подкаст на Комуникации.нет е достапен за слушање на нивниот блог. Во подкастот ќе ги чуете @darko156, @kuzevski и @sead93 кои ќе дискутираат, во оваа прва епизода, за што е подкаст, за друштвените медиуми и за други актуелни ИТ општествени теми и комуникациски теории.
Алатката за споделување локација Facebook Places сега е активирана и за македонските корисници да можат да се чекираат, односно да тагираат места на Facebook кои ќе си добијат своја страна која ќе може да се едитира со слики и информации.
Foursqaure станува се поатрактивен за македонските бизниси. Се почесто кога корисниците споделуваат локација можат да ги приметат сугерираните „специјалните понуди близу вас“ од локални .мк бизниси.
Доколку компаниите не пријават имејл адреса во Централниот регистар на Македонија ќе бидат казети со од 500 до 1.000 евра казна. Обавезното пријавување на имејл адреса е потребно заради податоците во електронска форма кои се споделуваат во едношалтерскиот систем. Казните се предвидени со измени на Законот за едношалтерски систем.
Фала богу за веб речници! Не само што ме спасуваат да не листам страни и да не лутам низ печатените тешки книги, туку во ист момент се и алатки за преводи од неколку јазика, лексикони се и сето тоа се случува во реално време.
