Донациите можат да се уплатат во Фондот на солидарност на Црвениот крст на Република Македонија на жиро сметка: 300000001327966, даночен број 4030984271620 АД Комерцијална банка со назнака за настраданото население во Јапонија, како и да се донираат 100 денари со повик на телефонските броеви: 070 143-400, 075 143-400 и 077 143-400.
Меѓу операторите и сервисот за групно купување, Колектива, понуди помош со донации од по 30 денари за Јапонија. Веќе има 303 корисници кои донирале.
Дополнително многу македонски корисници го закачија постерот, слика погоре, како слика на својот аватар на друштвените мрежи како знак за поддршка на Јапонија.
Japan@mk блогот пишува дека може да се купат и други различни дизајнерски постeри со што парите ќе бидат пренасочени кон помагање на настраданите.
