Page Speed на Google се користи за да ги опримизираат веб страниците на кои работат. Досега оваа алатка ја имаше само како екстензија за Firefox, а отсега може да ја инсталираат и Chrome корисниците. Секако, Google за овие корисници нудат една подобрена верзија, која е достапна на 40 јазици.
Контроверзната група на интернет активисти Anonymous со DDoS напади ги сруши египетските владини сајтови порачувајќи му на претседателот Мубарак дека треба да си оди и испраќајќи порака кон египѓаните дека „тие [anonymous] се со нив“.
Објавена е новата верзија, 1.6, на популарниот Joomla, систем за менаџирање на сајтови, која би требало да даде поголема контрола на дизајнерите и корисниците на сајтови. Јoomla е еден од поедноставните за користење CMS-и кој е симнат над 22 милиони пати.
Drupal ја објави верзија 7 на својот бесплатен и слободен софтвер за менаџирање на содржина на веб сајтови (CMS). Изработен во PHP и дистрибуиран преку GNU GPL лиценцата sофтверот зсе користи од 1% од сите сајтови на Вебот, од лични блогови до Белата куќа, data.gov.uk и други релевантни организации.
(ова е гостински текст на Oгнен Плавевски, кој веќе подолго време се занимава со дизајн. Повеќе за Огнен на неговиот LinkedIn профил) Овие денови имав задоволство да пазарам за нов автомобил. Иако новиот автомобил кој го купив беше по моите стандари, онлајн потрагата по него дефинитивно не задоволи кај дел од дистрибутерите. Скоро сите брендови кои ги побарав беа до некој степен застапени со веб сајт, но имање веб сајт не значи и информирање на потрошувачите за понудата и цените на автомобилите. Веб сајтовите се разликуваа по технологии од обични HTML страни, до по џиџе флеш страните (и морам да признаам по нефункционални), од неажурирани, до редовно одржувани, и до оние кои ги имаа ради реда.
Facebook стартуваше веб страна за објаснување на „инстант персонализацијата“ на други веб сајтови преку друштвената мрежа, најверојатно да објасни како личните Facebook информации завршуваат на надворешни сајтови.
Microsoft најави дека новиот Internet Explorer 9 ќе има заштита против следење на корисничката активност на веб сајтовите. Заштитата, која ќе се појави со новиот IE9, ќе им овозможи на корисниците да одлучат кои сајтови и сервиси da пристапат до нивните информации.
<Надополнето 09.12.10>Сајтот на Mastercard повторно функционира после скоро 24 часа. <надополување>Сајтот на MasterCard е под DDoS напади од активистичка хакерска група која сака да ја одмазди Wikileaks, сајтот кој објави куп доверливи дипломатски документи.
Контроверзниот сајт Wikileaks го изгуби својот .org домен кој беше изгасен од американскиот интернет провајдер, беше тргнат од серверите на Amazon, се повлече и PayPal преку кој одеа донациите за сајтот, а сега и Швајцарската пошта ја изгаси финансиската сметка на основачот на Wikileaks, Џулијан Асанж.
На регионалниот натпревар за веб сајтови Web Fest најголемата награда ја доби MTV.rs според изборот на стручното жири , додека Pouke.org ја доби Гранд при наградата од публиката.
Rockmelt е нов и е доста интересен прелистувач. Се што сакате од друштвените мрежи, пред се Facebook, го имате на еден клик од вас, пријателите од лево, фидовите од десно, сурфањето на интернет пред вас... Прелистувачот е во затворена бета, но секој корисник кога ќе добие пристап добива неколку покани кои ги праќа кон другите корисници. (tnx Митко за поканата)
Google тестира опција на страната со резултатите што ќе ви ја прикаже веб страната пред да кликнете на линкот. Доволно е само поставување на глувчето врз линкот и ќе ви се прикаже како изгледа сајтот. Интересно не се прикажуваат рекламите на сајтот.
Web Fest 2010, со темата “Се е на Web”, е првиот регионален интернет фестивал кој е посветен на изборот на најдобриот регионален web сајт или web проект, како и на промоцијата и унапредувањето на користењето на глобалната електронска мрежа на овие простори и ќе биде одржан од 16 септември до 18 ноември.
Eдна третина од интернет корисниците мислат дека скоро секој веб сајт претставува некаква опасност, покажува анкетата на германската безбедносна фирма Avira.
Магазинот Time објави листа од 50 најдобри веб сајтови, во која нема рангирање, туку сајтовите се подредени низ неколку категории. Можеби листата е малку ориентирана кон САД посебно категоријата за спорт, сепак Time е американски магазин. Но... и покрој тоа листата е одлична од аспект да се видат модерните веб страни, содржината и услугите кои тие ги нудат, како и нивното се поголемо влијание ширум светот, како на пример TED.com и Wikileaks.com кои се најдоа меѓу најдобрите во категоријата за најдобри сајтови за вести.
За обичниот корисник HTML5 не значат многу, но за дизајнерите тоа е друга приказна, вели Даниел Брзанов кој твитна дека неговиот личен сајт е можеби првиот македонски HTML5 сајт.
Пазете се ве прислушуваат! Или можеби не, како би знаеле дали ви ги некој следи вашите комуникации или дигатално собира информации за вас? Кого ќе прашате и кому ќе му се обратите? Ова е една од неколкуте интересни поенти искажани на дискусијата за „Приватност во Македонија“ организирана од фондацијата Метаморфозис пред се за отварање дебата за измените на Законот за електронски комуникации.
Kajgana.com, Kupi.se, T-mobile.mk, biznis24.com.mk, telegraf.mk се победници на првите македонски Веб награди 2010 организирани од Media Solutions и под покровителство на претседателот на Македонија, Ѓорге Иванов.
Дизајнот секако дека е важен за еден сајт, но уште поважна е функционалноста и содржината на тој веб сајт. SixRevisions објави интересна листа на 10 супер популарни сајтови кои имаат едноставен дизајн.
Дали мислите дека сте добар веб дизајнер? Имате вештини? Тогаш покажете го вашето дело и дозволете другите да ве оценат! Со цел да ги промовира дизајнерите од Македонија, IT.com.mk во соработка со Mk Host стартува натпреварување за најдобар и најинтересен веб дизајн.
