One ги објави сите апликации кои ќе учествуваат на Android предизвикот. Има вкупно 64 пријавени апликации и сите нив, заедно со авторите ќе можете да ги погледнете тука. Доколку имате Android телефон симнете си ги и тестирајте ги.
На почеток цените ќе бидат исти како и кај другите оператори, потоа ќе ги намалиме согласно иновациите што ќе ги воведеме, вели Ханс ван Хелден, претседателот на холандската World Teleconnect International која ќе биде нов оператор во Македонија, кој ќе работи виртуелно, користејќи ги мрежите на другите три оператори.
Squаrе, мал коцкест читач на кредитни картички за мобилни телефони со кој преку апликација се извршува наплата, официјално излезе од бета пред една година, и веќе успева да процесира милиони долари од мобилни трансакции секоја недела, пишува TechCrunch.
Инспирирани од iDos, апликација-емулатор со која можат да се играат прастарите аркадни Dos игри на iPhone, момците од Pikigeek направија водич како да се инсталира од 1992-ра Windows 3.1 на модерните мобилни уреди.
Инстант пребарувањето на Google, кога пребарувачот ви дава резултати додека го куцате терминот, сега е достапно и за мобилните верзии, односно за Apple уредите и мобилните телефони што работат на Google-oвиот Android оперативен систем.
„Мобилните ни станаа нашите персонални компјутери, секогаш со нас и секогаш спремни за да се блогира нешто со нив.“ вели Исак Кејет од Wordpress во блог пост кој го слави 1 милионитиот мобилен корисник од сите платформи.
Според развивачкиот тим на Android, сега има над 100.000 апликации за Google-овата мобилна платформа. Популарноста на Android продолжува да расте благодарение на отвореноста, софтверот е со отворен код па многу производители го преферираат Android за своите мобилни уреди. Досегашните верзии на платформата ги преферираа мобилни телефони, но се претпоставува дека најновата 3.0 Gingerbread верзија на Android ќе биде приспособена за таблет компјутерите. Појавувањето на Android таблет компјутери сигурно ќе значи и повеќе апликации.
Gingerbread е името на се уште не објавената 3.0 верзија на Android мобилната платформа. Google не даде официјална изјава, туку ова се потврди со видео „Ние готвевме нешто...“ во кое се гледа поставувањето на Gingerbread man статуетката на кампусто на Google. (Ако се чудите на името и статуетката, Gingerbread е колаче од ѓумбир, вакви колачиња во форма на човече се традиционално нешто во САД)
Time.mk ги редизајнираше групите, и категоријата „Технологија“ се најде во „Живот“ заедно со другите спорадични теми, забава, музика, здравје итн. Ова не е случајно или грешка, групите се составени според изворите или според темите, но е комплетно погрешно. Ситниот, за некои неприметлив детал, промената на категории на Time.mk ја отсликува целокупно состојбата на развојот и разбирањето на технологијата во Македонија.
Во изработка е македонска тастатура за Android, односно екстензија за AnySoftKeyboard апликацијата. AnySoftKeyboard е избрана бидејќи има разни опции за подесување, опции кои други македонски android тастатури ги немаат, на пример, вибрација, звук при пишување, менување на QWERTY во ЉЊЕРТС со брз покрет, речник на зборови...
Intel и Nokia отворија лабораторија за истражување на 3Д мобилен интерфејс со виртуелна реалност. Во лабораторијата ќе бидат истражувачи од двете компании кои ќе работата на МееGo мобилниот оперативен систем на Intel и Nokia.
EpicWin е iPhone апликација со креативна идеја секојдневните обврски да станат забавна и друштвена игра во која добивате поени за секоја завршена работа, да добивате поени и подароци.
Facebook за Android доби подобрена верзија во која пораките и нотификациите се различни копчиња, а додадени се настаните и барање за пријателство.
Reseach In Motion ги претстави новиот Blackberry телефон Torch и Blackberry OS 6, новата надоградба на оперативниот систем.
Google ги стартува визуелни мобилни реклами со локација за Android и iPhone. Доколку кликнете на рекламите се отвора мапа која покажува каде се наоѓа бизнисот и на мапата има два избора: дирекции до бизнисот или повик кон бизнисот. Google ќе наплаќа само доколку некој кликне за дирекции или се јави кон бизнисот.
Vip Android предизвикот е натпревар за креирање Android апликации. Сите девелопери од Македонија се поканети да учествуваат во натпреварот, а најдобрата апликација ќе добие 500.000 денари и HTC Desire мобилен телефон. Второто место ќе добие 150.000 денари и HTC Legend, а сите одобрени апликации од Android Store ќе добијат HTC Tattoo.
Nexus Оne e првиот телефон на Google со кој гигантот директно навлезе на пазарот на мобилни телефони. Благодарение на фактот дека телефонот е брендиран со логото на Google, Nexus One инстантно го доби вниманието на голем број медиуми и интернет корисници. Паметниот телефон е изработен од тајванскиот производител HTC и очекувано доаѓа со мобилниот оперативен […]
Nokia престави 3 модели на мобилни телефони кои се со опции фокусирани на друштвените мрежи и споделувањето.
Ако пред само година-две беше реткост да се забележат паметни телефони (smartphones) кај македонските корисници и се чувствуваше степен на ексклузивност кога некој имаше iPhone или последен модел на Nokia или BlackBerry, денеска сликата на македонскиот пазар е сосема различна. Благодарение на достапноста на уредите и се по-„смарт“ корисници, овој вид на телефони се во многу џебови и очигледно според сите очекувања и самата побарувачка бројката само ќе расне и понатаму со забрзано темпо.
Истражување на GetJar, продавница за апликации, пазарот за овој вид софтвер ќе достигне 17.5 милијарди долари до 2012 година, а бројот на симнати апликации ќе достигне до 50 милијарди што е огромена бројка, 7 пати повеќе, од 7 милијарди симнати апликации во 2009 година.
