ИТ.мк: Користеност на мобилни платформи

во Веб, ИТ.МК, Мобилни

Тешко е да се дојде до конкретен метод за да се измери прецизно бројката на паметни уреди во Македонија (via @VipMK), но сепак успеавме делумно да ја добиеме почетната слика за каква е состојбата во Македонија и каква е пенетрацијата на мобилните телефони.

Од неколку .мк сајтови и портали добивме извештај за колкав број луѓе пристапиле до сајтовите преку своите мобилни телефони и од кои платформи и мобилни оперативни системи го направиле тоа. Побаравме од сајтовите да ни испратат експортиран PDF фајл директно од Google Analytics со цел да избегнеме било какви непроверени бројки и ги ограничивме на периодот на првиот квартал од 2010 година, односно од 1-ви јануари до 7-ми април.

Податоците до кои дојдовме може да ги погледнете во следнава графа:

Од графата јасно се гледа дека и покрај тоа што е скап и обврзан со договор, iPhone-от на Apple доминира на македонскиот пазар со 50% пазарен удел од главна причина што скоро сите кои го поседуваат имаат интернет пакет вклучен во своите договори. Интересно е да се забележи и дека голем број македонски интернет корисници пристапуваат до сајтовите преку поновите верзии на iPod, односно 4%, со што вкупниот удел на Apple изнесува 54%.

Втора најкористена мобилна платформа очекувано е Symbian, C++ оперативниот систем купен во 2008 од страна на Nokia, кој во светот важи за најпопуларен мобилен оперативен систем со удел од 46.9%, додека кај нас е присутен со 26%.

Оперативниот систем на Google, Android, кој во светот забрзано го доживува својот моментум, засега на пазарот е присутен со скромни 8%. Но слободно можеме да очекуваме бројката да се промени во наредниов период, воглавно заради се поголемата популарност на Android, зголемената достапност и нормално зголемениот број на апликации.

Што се однесува до останатите мобилни оперативни системи, Windows преку сегашните свои верзии јасно го губи својот статус, додека бројката на BlackBerry е мала веројатно заради исклучиво бизнис намената и таргетот кој го има овој мобилен уред, и верувам дека таа група на луѓе ретко ги посетува порталите од кои се земени овие статистики.

Сепак, ова е само едно почетно истражување и е далеку од соврешно. Идеи и предлози за идните вакви анализи и истражувања се добредојдени.

Благодарност до сајтовите кои учествуваа во ова истражување:
Time.mk
IdiVidi.com.mk
Kajgana.com
365.com.mk
Komunikacii.net
NotForMen.mk
– IT.com.mk (нормално) :)

Надополнето: Истражувањето во бројки (посети): iPhone – 28.628, Symbian – 15.118, Android – 4.426, Sony – 3.343, iPod – 2.353, BlackBerry – 1.056, Windows – 949, Samsung – 1.043, LG – 500, Nokia – 45.

Добивај известувања
Извести ме за
guest
37 Коментари
Најнови
Најстари Со највеќе гласови
Inline Feedbacks
View all comments
memory
10 years ago

Well this kind of information is basically worth looking for, excellent info for readers and surely shows excellent writing. Its cool to have these types of posts about to keep the data flow. Assisting these who really take pleasure in this, terrific function! Thanks once again for taking the time to put this online. I unquestionably liked every portion of it.

DoCi
DoCi
11 years ago

iPhone 50%? Најсмешната работа што ја имам видено годинава. Просто не ми се верува! :)))

djbj
djbj
11 years ago

iPhone пред Symbian???? За малку да поверував :) Ова може да е копирано од Америка, во Македонија колку и да имаме печалбари кои биле на брод или чувале деца и баби по Америка не можеле да довлечкаат доволно iPhone-и а ни продажбата не е нешто сјајна во Македонија, а Android e само залепено од некаде. ИТ воопшто не сте објективни а уште помалку реални. Сепак мора од нешто да се живе нели? Поздрав за добриот обид – ако ништо друго барем добро се насмеав – ми го продолживте животот.

@ViktrArs
11 years ago
Reply to  djbj

Ok… имаш листа на сајтови побарај им ги истите информации и спореди ги. Ако ги добиеш истите бројки тогаш значи дека не си објективен? :)

Filip Anakievski
11 years ago

Тука само се споменува анализи на Вип оператор.Треба да ги имате резултатите од другите мобилни оператори и да биде заедничка анализа.

@ViktrArs
11 years ago

Анализата на ВИП е референце дека е тешко да се направи комплетна анализа. Во ова наше истражување се зедоа мобилните посети од некокуте сајтови наведени погоре. Ниту еден оператор не учествуваше.

Спасе
Спасе
11 years ago

Јас друго прашање би поставил… кој побогу би ги посетил ИТ, Кајгана, 365… преку мобилен?
Прво, сајтовите не се оптимизирани за преглед од мобилен телефон, второ е што едно лоадирање на било кој од овие портали троши трансфер од ~2 мегабајти, и трето и најважно, проблематиката која горе-долу сите портали ја обработувате, не е некоја да рече човек "леле едвај чекам да отворам 365 и преку 3G конекција да направам 10 мегабајти трансфер на едно видео".
Инаку, се согласувам со делот дека ова е далеку од совршено истражување. Повеќе изгледа на совршен маркетинг на T-Home/T-Mobile.

@ViktrArs
11 years ago
Reply to  Спасе

Со сета почит Спасе, да скролнеше подолу ќе видиш дека ја промвираме мобилната верзија на IT.com.mk, оптимизирана верзија за мобилен која ја имаме од самиот почеток и на стариот дизајн.

Спасе
Спасе
11 years ago
Reply to  @ViktrArs

Читај Спасе:
"…ги ограничивме на периодот на првиот квартал од 2010 година, односно од 1-ви јануари до 7-ми април." Промовирај ти колку сакаш сега веќе, зборев за времето кое е покриено со "истражувањево".
Периодот за кој е "анализава", ни ИТ беше оптимизиран за мобилни, ни бутур.
Поентата ми е, сајтовите кои сте ги одбрале да ги анализирате, не се посетувани воопшто од мобилни. Не дека луѓето немаат мобилни или не сакаат да сурфаат од мобилен, туку дека јас кога сакам да прочитам нешто од ИТ сферата (или за цицките на некоја српска певаљка на 365, сеедно) го правам тоа од десктопот, а не од мобилен.
Да резимираме, во периодот кој е покриен со анализава, ниту еден од сајтовите кои се искористени, немале верзија на мобилен на сајтовите.

@arsovski
11 years ago
Reply to  Спасе

Спасе,

И старата верзија на IT.com.mk имаше мобилна верзија… Повели:http://it.com.mk/forum/showthread.php?t=7811

а дури и немобилните можат да се користат кај паметните телефони..

Спасе
Спасе
11 years ago
Reply to  @arsovski

Неважно, останува мојата поента: проблематиката која горе-долу сите портали ја обработувате, не е некоја да рече човек "леле едвај чекам да отворам 365 и преку 3G конекција да направам 10 мегабајти трансфер на едно видео".

dasaf
dasaf
11 years ago

Вон-контекст, а во врска со кометирањето: одбрав да добивам известувања за нови коментари на меил, ама ко шо гледам има нови коментари, а инбоксот празен… Треба и вие нешто да чепнете или до IntenseDebate е?

@ViktrArs
11 years ago
Reply to  dasaf

cek da probam i jas . tnx za zabeleskata

@Mitko239
11 years ago

Интересна работа, ако тргнам од себе мислам дека никогаш не сум ги посетил овие сајтови од мобилен освен IT.MK затоа што ме интересира областа која што ја покриваат и посебно затоа што имаат мобилна верзија на сајтот што е многу згодно за сурфање од мобилен.

Но, истражувањево дава неколку интересни индикации како на пример дека iPhone корисниците ги интересира повеќе "lifestyle" тип на портали па можеби затоа iPhone има најголем удел во ова истражување. На пример, доколку би имале повеќе "специјализирани" портали од разни области верувам дека сликата би била поинаква.

Во секој случај интересно е да се види дека Android за брзо време е на трето место и не би ме изненадило доколку во некое наредно истражување биде еден од првите два благодарение на одличните HTC модели.

Но најбитно од се, е како што кажа @dasaf , да се сруши митот дека мобилен интернет е нешто екстремно скапо и недостапно. Surf on ;)

Georgi
Georgi
11 years ago

Aj ja po moja logika :)

Od site lugje vo Ohrid i Skopje ovie 2 meseci imam videno mnogu telefoni , a i smartphones :) Da kazam deka najvise imaat Symbian i Windows platformi.

Za ovie dva meseci samo kaj 2ca imam primeteno iphone :)

:D Malce glupa mi e logikata

@ViktrArs
11 years ago
Reply to  Georgi

хаха воопшто не е глупа Ѓорѓи, бидејќи Symbian и Windows телефоните се пораспространети и поефтини. Пример smartphone од 10 илјади со Symbian за разлика од 30.000 IPhone.

Но… види погоре што вели Дамјан дека секој iPhone корисник има вклучен интернет сообраќај во сметката, додека останатите корисници не мора да го користат интернетот на својот телефон. Тоа е една можна веројатност.

Но… веднаш под него и @dasaf има одлична поента. Ако корисниците се опуштат и почнат да користат мобилен интернет тогаш iPhonе-от ќе го изгуби првото место по користење, бидејќи има повеќе Symbian или Windows или Android телефони.

Дамјан
Дамјан
11 years ago

Податоците си се тие, но тоа што е грешно и ги збунува сите е насловот – "Користеност на мобилни платформи" тоа е погрешно.

Тоа што се гледа од податоците е дека iPhone корисниците *највеќе сурфаат* … иако тоа „посети“ исто ми е недифинирано.

Интересен е и односот 1 према 6, android/iphone. Дали стварно android-и има 6тина од iPhone-и? iPhone е прилично долго време присутен на нашиов пазар, а android тек оваа година има посериозен настап тука. Но пак, веројатно дека тие што се early adopters на android повеќе сурфаат од многу повеќето iPhone корисници.

Во секој случај, податоците се едно – нивното толкување најчесто се греши :)

riki
riki
11 years ago
Reply to  Дамјан

Apsolutno pogresni podatoci, ne se ni priblizno tocni, od 100 korisnici na telefoni so operativen sistem 70 se Nokia a iPhone samo 3-5, ako istrazuvanjevo ne vi e naracano togas imate seriozen problem so informaciite koi gi imate.

Vasko
Vasko
11 years ago

Ova e samo eden nacin na gledanje na rabotite dobieni po konkreten nacin na analitika. Ne znaci deka ne postojat i drugi (poprecizni/razlicni) nacini. Nieden statisticki nacin ne mora da znaci nisto. Poveketo iPhone korisnici gi trosat svoite internet minuti, samo zatoa sto odnapred gi platile. 98% od Symbian korisnicite (a koi vo pravo si Stojce se najmnogu) surfaat samo koga se vo zort i na strogo odredeni, za niv potrebni portali, zatoa sto toa cini dodaten trosok ili onaj mal procent sto imaat WiFi i go koristat na nekoj Hot-Spot uz kafe. Najdobra statistika mislam deka bi dobile koga bi im se obratile na Facebook oficijalno pa da pobarate od niv izvod za toa kolku luge i preku koj OS najveke im pristapile lol

@arsovski
11 years ago

Нормално е iPhone да е користен во толкава мера на македонскиот пазар, секој кој има iPhone бидејќи е на договор има и вклучен интернет пакет кој го користи. Тоа е реалната математика.

Има голем број корисници кои не го користат својот smartphone за интернет бидејќи им се скапи пакетите, а оние со iPhone сите се обврзани со договор.

Сликата е до негде реална…

@dasaf
11 years ago
Reply to  @arsovski

да не го пишеше овој коментар, јас ќе го напишев :)
немам смартфон, но многу често сурфам (нокиа/опера) без никаков пакет, па воопшто не е страшна сумата која ја плаќам за интернет. практично дури и многу поефтино од смс.
ко корисниците да имаат фарјвол околу својот телефон кој им вика „скапо е интернет на мобилен“. да се опуштат сите малку, ќе се изменат бројките….

Filip
Filip
11 years ago

licno mislam deka voopsto ne e tocna anketava. 54% Apple?!?! I wish!
Anketava bi bila daleku po uspesna dokolku Operatorite Mobilni ja napravat!

se soglasuvam deka Symbian e vodecki OS ne samo vo MK tuku i evropa cela, jas koristam WM 6.5!

pozdrav!
Filip

Stojce
Stojce
11 years ago

Jas tvrdam deka istrazuvanjeto ne e tocno.

Ne e mozno Iphone da imaa ucestvo so 50% vo celata slikata. I da stanuva zbor za kineski Iphone i vo toj slucaj istrazuvanjevo ne moze da se zeme kako korektno.

Mislam deka Symbian e vodecki operativen sistem pomegu korisnicite na mobilni vo Mk.

@arsovski
11 years ago
Reply to  Stojce

Имате докази дека се работи за кинеска копија?

Samoilbt
Samoilbt
11 years ago

Се е убаво показателите не се лоши овие се само некои почетни показатели казува дека i phone има најмногу мозеби има ама од сите корисници сто имаат 80% се кинеските модели на I phone кои не се ни близу до оргиналот со фунциите ,,,,,,,,, Мене повеке ми личи како оваа анкета да е нарачана од T-home ……….

@arsovski
11 years ago
Reply to  Samoilbt

Анкетата не е нарачана од никого. Ако била нарачана, ќе го пишува тоа.

Ivan
Ivan
11 years ago

За жал, сеуште е мала количината на содржини прилагодени за мобилни уреди

Kiro Velkovski
11 years ago

А каков е односот со обичните браузери? 100 спрема 1?

@ViktrArs
11 years ago
Reply to  Kiro Velkovski

Од сајтовите ги добивме само бројките за пристап на сајтот од мобилен, но не и вкупниот број на посети. Што се однесува до IT.com.mk…. 0.26% oд вкупните посети

Damir Emin
11 years ago

Прилично погрешно истражување и ме чуди што воопшто е објавено.

@arsovski
11 years ago
Reply to  Damir Emin

Дамир, во која смисла погрешно? Дали можеш да го аргументираш тоа?
Ова истражување е само една почетна точка, далеку е од совршено.

Damir Emin
11 years ago
Reply to  @arsovski

Во смисла дека, преку веб статистики не можат да се добијат точни бројки, уште помалку кај нас во МК каде мобилниот интернет е користен од малкумина. Според податоците, секој втор телефон би бил iPhone? Јас би се зачудил доколку вистинската бројка надминува 1%.

Можеби подобра почетна точка би била анкета, нешто слично како таа на форумотhttp://0.mk/e8b6.

@arsovski
11 years ago
Reply to  Damir Emin

Ова е практично истражување… како всушност се користи во пракса мобилниот интернет кај нас, односно преку кои платформи највише се пребарува. Јас лично повеќе сакам такви истражувања отколку анкети каде што секој може да се изјасни како сака, а во реалноста не е така. Во секој случај во право си до некаде… ќе се обидеме во идните истражувања да извршиме подетални увиди, нормално доколку ги имаме потребните информации… поздрав

@zuberot
11 years ago

Колкава е вкупната бројка, ова се само %.

@arsovski
11 years ago
Reply to  @zuberot

Додадено. :)

Riki
Riki
11 years ago
Reply to  @zuberot

Pogolema glupost nemam videno iPhone 50% hahahahahahahahaha

trackback

[…] This post was mentioned on Twitter by itcommk, Mitko Cabevski. Mitko Cabevski said: RT @itcommk: ИТ.мк: Користеност на мобилни платформи http://bit.ly/aRrfNV […]

ит кариера

Netcetera

iOS Engineer

АЛОЗИС КОМУНИКЕЈШНС Д.О.О.Рим, Р.Италија - Подружница Скопје Р.Македонија

Senior Full Stack Java Developer

види ги сите огласи на kariera.it.mk