Новиот iOS за iPhone, iPad и iPod touch можете да го симнете преку iTunes, откако ќе го конектирате вашиот уред. Има новини во AirPlay, воводувањето на Personal Hotspot, iTunes споделување и забрзување на Safari.
Во исчекување на iPad 2, чие претставување ќе се случи денес, Digitimes, повикувајќи се на извори од дистрибутерската мрежа, објави интересна информација дека Apple планира да дистрибуира од 6 до 6.5 милиони iPad таблет компјутери во првиот квартал од 2011-та година.
Иако можеби насловот звучи драматично, или дури и катаклизмично, сепак не може да се каже дека не е реален и e претеран. За да видиме зошто, ќе направиме една ретроспектива на минатото, преглед на сегашноста и анализа на иднината според параметрите кои сега ни се достапни и трендовите кои денес се поставуваат.
The Daily ќе излегува секој ден, ќе биде само во дигитална форма и само за таблетот на Apple, iPad. Овој весник нема да биде бесплатен, и секој кој ќе сака наутро да добие копија на својот iPad ќе мора да плати за секое издание.
Android 3.0, или попознат како Honeycomb, е оперативен систем комплетно наменет за таблет компјутерите. Со Honeycomb, најавен за наскоро, без официјален датум, ќе стартува плејада на Android таблет компјутери од најразновидни произведувачи. Ова ќе го промени досегашниот пазар на таблет компјутери каде во моментов кралот е Apple со над 15 милиони продадени iPad-и, во исчекување наскоро да се појави и iPad 2 со две камери, USB и SD порт...
LastPass е одличен и безбеден менаџер за лозинки кој не само што ви ги чува сите лозинки од сите сервиси, туку и автоматски ве логира. Куцањето лозинки може да не е проблем за десктоп компјутерите, но за мобилните може да биде проблем.
Аpple само што најави дека стигна до неверојатната бројка од 10 милијади симнати апликации од App Store, продавницата за апликации стартувана во јуни 2008 година.
Зборувајќи за конкуренцијата во пазарот на таблет компјутерите, Тим Кук, COO на Apple кој ќе ја води компанијата додека Стив Џобс e на боледување, објасни дека конкуренцијата може да се подели во две кошни: Windows-базираните таблет компјутери кои се „тешки, скапи, со слаба батерија“ и Android таблет компјутерите кои се само поголеми паметни телефони, што, според него, е „бизарен“ модел.
Аpple ги искористи празниците и се уште несоодветната конкуренција за да генерира рекорден 26.7 милијарди долари приход во првото фискално тромесечје, заклучно со 25 декември, од кои 6 милијарди се профит, генерирани од продажбите на Mac, iPhone и iPad. Ова е 78% зголемен приход споредено со ланската година.
Apple ја објави iOS 4.3 бета верзијата за развивачи и со тоа откри неколку интересни новина за оперативниот систем за iPad, iPhone 3GS и 4, и iPad трета и четврта генерација.
Google планира дигитален киоск за Android корисниците, пред се тие со таблет компјутери, да можат да си купуваат и читаат дигитални верзии од големите и популарни магазини и весници, конкурирајќи му на Apple кој го има iPad и Amazon со Кindle, пренесува Wall Street Journal.
IT.com.mk ви посакува Среќни празници и Среќна нова 2011 година, во која не очекуваат уште неверојатни ИТ уреди и неверојатни ИТ сервиси кои ќе направат неверојатна ИТ револуција. Само погледнете се што се случи во 2010-та и ќе стане јасно дека информатичко-комуникациската технологија е во постојано движење напред рекреирајќи го навикнатото секојдневие во нешто ново и интересно.
Skype овозможи видео повици на Apple-овите iOS уреди со новата 3.0 верзија на апликацијата. За разлика од Apple-овото Face Time кое е видео повици меѓу iOS уреди, Skype овозможува видео комуникација меѓу iOS уредите и декстоп компјутери што е одлична опција за сите корисници да бидат во контакт. Повиците можат да се остварат преку Wi-Fi и 3G, а видеото поддржува портрет и пејсаж (landscape) гледање.
Познатиот по своите виртуелни ликови музички бенд Gorillaz објави нов албум The Fall чии 15 песни се направени со iPad апликации и неколку инструменти. Песните се направени за околу 30-тина дена, за време на американската турнеја на Gorillaz, вели вокалот и креатор на бендот, Дејмон Албарн.
Time магазинот објави листа на најдобри уреди на 2010 година. На првото место е iPad-от кој беше една од причините и за Financial Times да го прогласи Стив Џобс за визионер на годината. Потоа следува Samsung Galaxy S, трет е Мacbook Air.
За повеќето од нас уништен iPhone е штета. Штета дека убаво дизајнираниот вреден уред има скршено стакло, или проблем со софтверот. Но, за други, пукањето со Heckler & Koch револвер во iPhone 4 е уметност која ја демонстрира нашата приврзаност за овие нови и модерни технолошки уреди.
Стив Џобс е прогласен за визионер на годината, за личност која го издигна Apple на врвот на светот со своите визионерски продукти, од влијателниот Financial Times.
Google ги објави најпопуларните и најбарани термини и теми во тек на 2010 година. Меѓу „најжешките“ пребарувања се Светското првенство во Јужна Африка, контроверзниот Chatroulette сервис, поп ѕвездата Џастин Бибер, Apple-овиот iPad, земјотресот во Хаити... и уште неколку термини и теми кои го покажуваат глобалниот интерес за нештата и популарните настани кои се случија во тек на годината.
На 23 години ја стартува Apple од гаражата на своите родители и станува милионер. На 30 останува без работа, надвор од својата компанија. Денес, Стив Џобс е еден од генијалците кои комплетно го променија светот со своите ИТ идеи. Како директор на Apple, г. Џобс го претстави Mac персоналниот компјутер, го претстави уникатниот Apple дизајн, го промени начинот како конзумираме музика претставувајќи го iPod, смени како ги користиме мобилните телефони со iPhone, го претстави iPad моделот за идните таблет компјутери. Стив Џобс едноставно е генијален визионер.
