Единствената пречка Android таблет компјутерите да му конкурираат на iPad до сега беше токму соодветен, приспособен оперативен систем. А знаејќи како Android за паметни телефони за само две години дојде до врвот благодарение на разновидната понуда и отвореност, може слободно да претпоставиме дека оваа Android инвазија, a потоа и превземање на тронот, ќе се случи и кај таблет компјутерите.
Со Honeycomb развивачите на апликации ќе имаат API алатки кои ќе помогнат да се оптимизираат апликациите за таблет искуство. Една од истакнатите новини кај Honeycomb е можност на домашниот екран да се постават видџети, додатоци, пример, за инстант Gmail или други апликации. Honeycomb има и подобра поддршка за мулти-допир, нов систем за 3D рендеринг и поддршка за dual-core процесори. Има и подобра видео апликација, со која видеото може веднаш да се закачи на YouTube.
На истото претставување, видео може да видете подолу, Google претстави и веб базиранa верзија на продавницата за апликации, Android Мarket.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
