За цела 2011-та Apple планира да се продадат до 40 милиони iPаd-и, што е доста импресивна бројка земајќи в предвид дека првиот iPad продаде вкупно 15 милиони парчиња во 2010-та година.
Второ интересно нешто што не треба да се занемари за продажбата на iPad е тоа што оваа година ќе се претстават над 30 различни таблет компјутери со различни платформи и различни производители, и секако различни цени, кои можат да му станат сериозна конкуренција на Apple-овиот iPad. Знаејќи го ова, оптимистичката бројка од 40 милиони продадени iPad-и останува импресивна.
Во бројот на дистрибуцијата е вклучен и новиот iPad 2 кој ќе биде објавен за некој час и кој ќе ги има потребните две камери, предна и задна, новиотThunderbolt порт за брз пренос на податоци и уште неколку новини со кои Apple планира да остане на врвот на пазарот на таблет компјутерите. Во бројката од 6 милиони продадени iPad-и во првата четвртина се вклучени околу 300.000 до 400.000 iPad 2 уреди.
