Новиот сервис за споделување фотографии на Twitter ќе ги има сличните можности како познатите TwitPic и Yfrog, ќе може да се закачуваат фотографии, ќе има скратувач на линкови и ќе може да се споделуваат.
Друштвената мрежа стартуваше опција да може да се тагираат фан страните во фотографиите исто како што се тагираат пријателите со цел „да се споделат побогати приказни со пријателите за работите со кои се има интеракција во реалниот свет, како бизниси, брендови, познати личности и музичари“
WVIL (Wireless Viewfinder Interchangeable Lens) е интересен концепт, идеја на дизајн компанијата Artefact. Идејата е да се искористат можностите на паметниот телефон за едитирање и споделување на фотографии и да му се додаде објектив кој ќе го контролира зумирањето и фокусирањето. Всушност објективот може безжично да се управува преку уредот, што овозможува да се сликате самите себе додека го контролирате објективот преку екранот на допир.
(ова е превземен текст од List.mk, блог за веб и графички дизајн, фотографија, инспирација, креативност... Го реобјавуваме текстот бидејќи ја поддржуваме идејата да се претстави .мк креативноста, како на фотографите така и на List.mk. Автор на текстот е Благој Капсаров.) Мала галерија од вредни фотографии што може да ги најдете низ галериите на deviantArt.com каде што инспирацијата е наметната сама по себе.
Bing на насловната има слика од св. Јован Канео црквата на Охридското езеро. Ова е втора слика, по сликата од дебарското езеро Шпиље, која се појавува на прелистувачот на Microsoft.
Друштвената мрежа за споделување фотографии Flickr ја претстави официјалната апликација за Windows Phone 7 телефоните и Windows 7 таблет компјутерите.
Претходно се бараше прецизно уредување на сликите за да се хакнат петте фотографии со цел да се добие интересен и креативен Facebook профил, сега тоа може да го направите на поедноставен начин со апликацијата на Schweppes или Profile-Maker.
Кога Facebook ги стартуваше новите профили нагласи дека под краткото, воведно инфо ќе има неколку најново тагирани фотографии бидејќи „ништо не го објаснува човекот како фотографиите“.
Facebook ги редизајнираше профилите. Новиот изглед ги преместува табовите во лев страничен бар, а на нивно место сега се воведни кратки информации за личноста зад профилот, односно кратко инфо со локација, образование, работа, линк од веб страна, врска и уште по некој детаљ.
Меѓу разните Aviary алатки сега ќе најдете и едноставен за користење HTML5 едитор на фотографии, наречен Feather што „ќе им дозволи на корисниците од надворешни веб сајтови да директно поправат и средат своја фотографија без воопшто да го напуштаат својот сајт.“
Група германски Google фанови оставија порака „Google е кул“ и ги гаѓаа со јајца неколку куќи во Есен бидејќи се замаглени на Street View, пренесува Deutsche Welle.
Европската веб библиотека ги надмина очекувањата и за 2010 година наместо 10 милиони, сега има над 14 милиони парчиња културно наследство од разните европски земји. Europeana, која стартуваше во 2008 година , содржи дигитализирани книги, мапи, фотографии, слики, музејски објекти, филмски и музички клипчиња кои ја покажуваат културната разновидност на земјите членки. Пример, најнови додадени […]
Иако имате опција delete за бришење на сликите од вашиот Facebook профил, сепак тие остануваат на серверите на Facebook и по 16 месеци, пишува Ars Technica објавувајќи како доказ слики избришани од пред година ипол, а кои сепак можат да се најдат на серверите на Facebook.
Сликатата погоре од Колеџот Вудвардс од Ванкувер е 5 милијардитата фотографија закачена на Flickr. „Јас сум г. 5 милијарди, и вие не можете да направите ништо околу тоа.“ вели корисникот Арон Јео кој ја закачи оваа сега славна фотографија која го означува забрзаниот раст на Flickr. Сервисот стигна до 4 милијарди лани во октомври, а пред тоа, до 2 милијарди фотографии стигна во ноември 2007 година. Flickr стартуваше во 2004 година.
На Bing.com, интернет пребарувачот на Microsoft, се појави фотографија од дебарското езеро Шпиље. Bing на своите слики вметнува и мали пакети информации за местото на сликата за да го популаризира и демонстрира својот интернет пребарувач, да даде идеја што да се бара со цел да го привлече корисникот. Но... во овој случај покрај пребарувачот, и Mакедонија ќе ќари интерес од оваа промоција.
Истражувајќи кои фотографии им се допаѓаат на луѓето, OkCupid дојде до интересен податок - iPhone корисниците имаат двојно пати повеќе секс од корисниците на Android, што според друштвената мрежа за состаноци е „статистички податок дека корисниците на iPhone не се само подебувани од Apple.“
Новиот дизајн прикажува поголеми слики и има подобрена интеракција за полесно прелистување, откривање и комуницирање меѓу членовите на сајтот за фотографии. Во редизајнирањето придонесоа 800.000 корисници , вели Flickr.
Фото клубот Козјак од Куманово вели дека е првиот фото клуб во Македонија кој стрима изложба во живо на интернет. Стримање во живо на културните случувања е одличен начин на една галерија, фото клуб, музичари или театар да допрат до ентузијастите и љубителите на уметноста кои не можат да присуствуваат на самиот настан.
Facebook ќе го направи полесно тагирањето на вашите пријатели на фотографиите. Новата „препознавање на лица“ опција ги одбележува лицата на фотографиите со што вие само додавате име.
Google овозможи да си ставите своја слика како позадина на почетната страна на Google.com. Персонализацијата е доста ефикасна. Ставете си слика од маче, женска, автомобил, Ѓоко Танески, вие во кафана... :) со своја лична позадина Google дефинитивно изгледа поинтересно.
