Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
За кратко време во Македонија се најавија два сервисa за групно купување, Grouper и Kolektiva кои планираат во текот на јануари да ја стартуваат е-трговијата нудејќи големи попусти и соработувајќи со разни локални бизниси.
Mozilla Firefox е најкористениот веб прелистувач во Европа, со над 38 отсто од пазарот, надминувајќи го за прв пат Internet Explorer, прелистувачот на Microsoft, кој има 37 отсто, според статистиката на StatCounter.
Со оглед на тоа дека многупати се повторува истото прашање, во врска со колку се царинските стапки за внесување на електронска (и друг вид на) роба во Македонија, решив да ги поставам тарифните информации достапни од страната на Царината, во еден едноставен формат, вели Krale на форумот постирајќи го релевантниот и скратен дел за компјутерска опрема од 960-те страни на царинскиот водич.
Вредноста на Facebook се проценува на неверојатни 50 милијарда долари по нова инвестиција од 500 милиони долари, пишува New York Times. Друштвената мрежа сега вреди повеќе од eBay и Yahoo, веднаш зад Аmazon и Google.
Има најава дека AMD ги враќa FX процесорите кои овојпат ќе ја имаат новата Bulldozer архитектура, што може да ги направи конкурентни на Intel-oвите процесори. Како и секогаш, веста привлече доста интересни дискусија од хардвер ентузијастите на форумот.
Хакерската заедница направи многу, но предизвиците се сé поголеми, потребно е поголемо и пошироко ангажирање. Вака би го парафразирал Роп Гронгеп – хакер-ветеран и еден од основачите на легендарниот XS4ALL – во еден твит, како сиже на неговиот говор на отворањето на овогодинешниот, дваесет и седми по ред Chaos Communication Congress. Има одредена почит кога […]
<Надополнето 03.01.11>Wikipedia, онлајн енциклопедијата која за 15 дена полни 10 години, успеа за најкратко време до сега да ги собере донациите од вкупно 16 милиони долари кои ќе дозволат онлајн енциклопедијата да продолжи да функционира без потреба од други извори на пари, пред се реклами.
BBC на македонски објави интересен текст за како 10 отсто од учесници на анкета рекле дека ќе ја слават Нова година на Facebook. Десет отсто од 800.000 корисници значи дека ќе биде добра журка!
Европската комисија ги одреди техничките спецификации за универзален мобилен полнач на батерии за сите мобилни уреди кои ќе се продаваат во Европа почнувајќи од првите месеци на 2011 година. Оваа барање беше поддржано од 14 компании меѓу кои се Apple, Motorola, Nokia, RIM, Samsung, Sony Ericsson, Alcatel...
Geinimi е нов софистициран тројанец кој се појавил први во Кина, и кој може да превземе доста лични информациии и истите да ги пренесе на далечински сервери, вели компанијата за мобилен безбедност Lookout.
Facebook стана најпосетуваниот сајт во САД, надминувајќи го Google, се вели во истражувањето на Experian Hitwise. Скоро 8.93% од сите посети во САД од јануари до ноември 2010-та припаѓаат на Facebook, наспроти 7.19% посети за Google.
Skype овозможи видео повици на Apple-овите iOS уреди со новата 3.0 верзија на апликацијата. За разлика од Apple-овото Face Time кое е видео повици меѓу iOS уреди, Skype овозможува видео комуникација меѓу iOS уредите и декстоп компјутери што е одлична опција за сите корисници да бидат во контакт. Повиците можат да се остварат преку Wi-Fi и 3G, а видеото поддржува портрет и пејсаж (landscape) гледање.
Факт е дека Call of Duty серијалот е популарна игра. Ги сруши рекордите во продажбата, а стана и најпиратираната игра симната над 4 милиони пати на битторент сајтовите. Black Ops го превзема тронoт од најпиратираната Modern Warfare 2 во 2009-та, што е претходното продолжение на Call of Duty.
Милиони корисници беа оставени на цедило откако популарниот VoIP сервис Skype се сруши и не беше достапен скоро 24 часа. Сега Skype излезе со објаснување велејќи дека проблемот настанал поради грешка во Windows верзијата по што следувале неколку последователни проблеми, за на крај да се сруши.
Tor мрежата, која нуди oнлајн анонимност, е симнат над 36 милиони пати во 2010-та година, и дневно се користи од 150 до 300.000 корисници.
Група истражувачи од Институтот за креативни технологии при Универзитетот од Јужна Калифорнија го хакна Kinect за да може да ги користат движењата на телото за да играат World of Warcraft.
Најверојатно е дека на Android пазарот на апликации за брзо време ќе има 200.000 мобилни апликации, според неофицијалната статистика на AndroLib. Тоа што е неверојатно е што само пред два месеци за Android имаше само 100.000 апликации, на Android му требаше две години да стигне до таа бројка. Сега за само два месеци таа бројка се дуплираше.
„Најдобро. Откритие. Воопшто“. Вака еден корисник го искоментирал видеото во кое се прикажува роботско мини фрижидерче кое исфрла пиво со помош на iPhone апликација и камера која одредува каде фрижидерот да стрела со пивото.
МixAR е интересна iPhone апликација со која може да се едитира проширената реалност, односно секој корисник може да си прави свои виртуелни 3Д модели и да ги отсликува на други површини користејќи маркери. МixAR се уште не е готова, моментално е ставена на Kickstarter, сајт каде што корисниците донираат пари за разни проекти, но е доста интересна и практична идеја.
Министерство за внатрешни работи најави креаирање на нов центар за одбрана од се почестите сајбер напади, посебно од Кина, следејќи ги примерите на НАТО, Британија и САД, пренесува Deutsche Welle.
