Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
HTC велејќи дека ги послуша корисниците, најави дека ќе ги отклучи bootloader-ите на своите идни телефони што ќе овозможи на корисниците да го заменат фабрички-инсталираниот оперативен систем и да си инсталираат своја модифицирана и персонализирана Android верзија без страв дека ќе си ја поништат гаранцијата.
Fatal1ty_ на форумот објави одличен водич за overclock на Intel-овите процесори. Overclock е процес за зголемување на работната фрекфенција на процесорот, графичката и други компјутерски компоненти, со цел да му се зголемат перформансите кои им се зададени фабрички. Ова е ризичен процес, хардверот лесно може да се оштети, и затоа е потребно знаење.
Луѓето во просек проаѓаат по 3 часа дневно на Facebook, но, секако, 2 часа и 55 минути од тоа време се трудат да ги сфатат опциите за приватност, му се смее Google на Facebook на College Humor дружба меѓу сите друштвени мрежи: Twitter, Foursquare, Reddit, Friendster, LinkedIn... и секако MySpace кој го извлекува подебелиот крај. Секако се работи за шега, анимирано видеo од хумористичниот, сатиричен и секогаш забавен College Humor.
Една од најпомпезно најавуваните игри во времето на своето излегување Age of Conan реши да го промени начинот на претплата. Почнувајќи од ова лето насловот кој беше најавуван како можен „убиец на World of Warcraft” ќе се префрли од месечна претлата на freemium модел. Ова судејќи по досегашните искуства на другите игри кој се префрлиле на овој модел најверојатно ќе значи поделба на играчите на бесплатни и премиум со тоа што на бесплатните играчи ќе им бидат ограничени некој напредни опции.
3Д технологогијата полека почна да се доближува од кината до нашите домови. Моzilla, NVIDIA и YouTube најавија партнерство чија цел ќе биде да се овозможи прикажување на 3Д HTML 5 видеа. Се разбира овие видеа засега ќе можат да се гледаат само на Firefox 4 и ќе им бидат достапни само на оние машини кои имаат NVIDIA 3D Vision хардвер.
PayPal поднесе тужба само ден откако Google го претстави својот мобилен „паричник“, велејќи дека Google им ги украл тајните за мобилното плаќање. Ова се однесува на Осама Бедиер, поранешен извршен директор во PayPal кој сега работи во Google на мобилно плаќање. Тој е обвинето од PayPal дека споделил доверливи информации, заедно со Стафани Тиленус, уште една екс-PayPal директорка која го прекршила договорот кој го направила при напуштањето со PayPаl да не врабутањува луѓе од таа компанија.
„Паричникот“ на Google е NFC технологија со која може да се плаќа преку мобилен телефон преку апликација. Google Wallet за корисниците може да послужи како лесен начин за плаќање и следење на своите сметки, додека за бизнисите може да биде полесен начин за споделување на купони или разни попусти со корисниците.
Creator Cooliris претстави интересна 3Д реклама за iPad промовирајќи го новите документарци на американскиот Weather Channel. Рекламата благодарение на подвижноста на таблетот овозможува да се гледа сликата од неколку агли, односно да се менува перспективата што е фискирана кај 2Д фотографиите. Подолу е демо од рекламната платформа која подобро ќе го објасни концептот.
Facebook можеби ќе соработува со европскиот сервис за стримање Spotify да стартуваат музичи сервис првин во европските земји каде е достапен Spotify, па во САД, а потоа и ширум светот, пренесува Forbes повикувајќи се на извори блиску до договорот.
<Надополнето>: Skype се врати во нормала постепено за многу корисници. За другите кои се уште не можат да се логираат и од Skype го нудат решението коe го предложивме порано, односно да се избрише shared.xml фајлот. Нема многу објаснувања зошто е тоа потребно, но важно е што функционира.
Сајтот на Министерството за правда за кратко време беше недостапен. Од pravda.gov.mk кој сега функционира велат дека се работело за технички проблем кој е поправен. Но, по друштвените мрежи се појавува информација од информатичар кој тврди дека тој им го срушил сајтот бидејќи е гневен на начинот како се вработуваат политички кадри, а не професионалци.
Само Данска, Естонија и Британија направиле мали чекори да ги испочитуваат Директивата за е-приватност, вели портпаролот на Европската комисија за Дигиталната Агенда, Џонатан Тод.
Twitter ќе почне да праќа имејл нотификации за сите ретвитови, спомнувања, фаворизирање на вашите твитови и продукти и надоградби на сервисот, покрај досегашниве имејл пораки кога некој ви праќа директна порака (DM) или доколку некој започне да ве следи.
Ushahidi поради својата одлична можност за мапирање на итни настани со помош на сите инволвирани во истите беше изгласан како пионир на технологијата за 2010, а самата платформа се покажа неверојатно корисна во бројни примери ширум светот за следење на изборите и помагање при незгоди и природни катастрофи.
Минатата недела започна снимањето на нестрпливо очекуваното продолжение на Batman, The Dark Knight Rises, а со тоа и уште една одлична вирална маркетинг кампања. Доколку се упатите на официјалниот веб сајт TheDarkKnightRises.com, се' што ќе најдете е црн екран пропратен со мистериозни неразбирливи скандирања. Еден од многуте лојални фанови на овој серијал се досетил графички да го прикаже ова аудио, добивајќи ги зборовите #TheFireRises.
За само три години од постоењето Apple App Store забележа пола милион одобрени апликации! Ова не е официјална бројка од Apple и не се однесува на сите достапни апликации, туку е статистика за сите одоборени апликација од 148Apps, блог кој ги следи случувањата со iOS.
Mango со своите новини го освежува Windows Phone во надеж дека ќе стане сериозен конкурент на Apple iPhone и Google Android телефоните. Microsoft веќе ги објави софтверските алатки за програмерите да креираат апликации, а самата надоградба ќе се појави на есен.
Disrupt NYC 2011 e конференција на влијателниот ИТ блог ТechCrunch каде покрај интервјуа со влијателни ИТ луѓе од стартап сцената, има и „бојно поле“ за стартапите, односно се претставуваат новите сервиси и веб алатки.
Новата надоградба на Windows Phone - Mango - ќе има над 500 нови опции, им рече директорот на Microsoft, Стив Балмер, на јапонските програмери, ветувајќи дека повеќе информации ќе се појават на Mango настан во Њу Јорк.
Каде ги фрлате старите компјутери, старите мобилни, нефункционалните лаптопи, монитори, модеми, принтери, заедно со другите електрични уреди како шпорети и фрижидери?
