Познатиот по своите виртуелни ликови музички бенд Gorillaz објави нов албум The Fall чии 15 песни се направени со iPad апликации и неколку инструменти. Песните се направени за околу 30-тина дена, за време на американската турнеја на Gorillaz, вели вокалот и креатор на бендот, Дејмон Албарн.
Интересен податок е дека Дирекцијата за заштита на личните податоци има директен контакт со службеник од Facebook посветен за проблеми со граѓаните и корисници на мрежата. Ова е потребно бидејќи скоро секој ден во последниве шест месеци Дирекцијата добива поплаки заради мрежата, но не сите се конкретни барања за превземање нешто, вели Елена Стојановска од ДЗЛП.
За повеќето од нас уништен iPhone е штета. Штета дека убаво дизајнираниот вреден уред има скршено стакло, или проблем со софтверот. Но, за други, пукањето со Heckler & Koch револвер во iPhone 4 е уметност која ја демонстрира нашата приврзаност за овие нови и модерни технолошки уреди.
Следниот месец, во јануари, во Македонија официјално ќе стартува Колектива, веб сајт кој секој ден нуди групни попусти од разни локални продавници, ресторани, бутици, кина... веќе има околу 60 .мк бизниси кои се заинтересирани да ги понудат своите услуги преку сервисот, вели Ванчо Костурски, кој го води Колектива.мк. На почеток ќе биде само во Скопје, а потоа ќе се додадат и другите градови.
На не-толку-официјален #tweetup или собир на твитерџии во Кафе Ли во Скопје, се прогласија неколкуте победници во неколкуте категории на 140.mk Twitter наградите. Сите победници добија симболични награди, кои беа донирани од неколку компании, а „Оскарот“ беше во форма на варено јајце со налепница која ја означуваше категоријата во која победиле.
<Надополнето>Skype конечно функционира за сите после 20 часа недостапност. Барем за некои корисници. Милиони други се уште имаат проблем да се логираат на сервисот, често по логирањето Skype се гаси по некоја минутка. За тие пак што ќе се логираат, џабе! бидејќи ни ги нема поголемиот дел од контактите.
Американската Федерална комисија за комуникација воведе „основни правила со кои се зачувува отвореноста на Интернетот како платформа за иновација, инвестиција, конкуренција и слобода на говор.“. Правилата за нет-неутралност ќе треба да ги неутрализираат опасностите како финансиските интереси на интернет провајдерите кои лесно можат да блокираат или „деградираат“ одредени сервиси со цел да ги промовираат своите инвестиции.
Во Скопје сте, ви треба ефтин превоз, автобус, но не знаете каде оди „5-ката“ или каде се чека за „19-ката“. Тоа е честа појава за студентите од прва година, или луѓе од друга град дојдени во Скопје заради работа, посета или прошетка. Но сега не треба да се грижите бидејќи се претставија две интересни и корисни Android апликации кои ги прикажуваат сите автобуски линии, време на пристигнување на автобусот и нивните рути, користејќи мапи.
Американската амбасада во Мадрид во изминативе неколку години вршела притисок врз шпанските власти и интернет оператори да се превземат мерки за контрола на пиратеријата. САД се заканувале на Шпанија дека ќе ја стават на „црната листа“ на земјите со голема пиратерија, доколку не се превземат мерки во борба против пиратеријата, пишува шпанскиот весник El Pais.
Facebook стартуваше веб страна за објаснување на „инстант персонализацијата“ на други веб сајтови преку друштвената мрежа, најверојатно да објасни како личните Facebook информации завршуваат на надворешни сајтови.
Foursquare за iPhone апликацијата сега има опција за додавање фотографии и коментирање. Двете опции, заедно со страната за историја за сите места на кои корисникот бил, се опции кои сега ќе можат да го направат поатрактивен сервисот за локација, кој од неодамна има над 5 милиони корисници.
Патоказ, Virtuelno SK и MyBudget се Android апликациите кои ги освоија првите три места на One предизвикот. Сите три апликации добија интересна парична награда, а креаторот на првонаградената Патоказ, Јосип Јосифовски, ќе патува во Лондон во посета на седиштето на произведувачот на мобилни HTC.
<Надополнето>Немирот на Бит-пазар беше бидејќи полициската единица „Алфи“ тепале 15-годишен препродавач на цигари кој се обидел да избега кога „алфите“ вршеле контрола. Откако младиот препродавач бил пуштен од станицата во Автокоманда по два часа, револтираните граѓани ги тргнаа импровизираните блокади со контејнери од булеварот „Цветан Димов“. </надополнување>
Facebook на својот блог го тестира новиот систем за коментирање. Ако отидете на, пример, блог постот за препознавање на лице при тагирање, најдолу ќе го приметите новиот систем за коментирање. Отвореното тестирање сугерира дека набргу ќе биде и имплеменитерано на корисничките профили и фан страните.
Додека македонските медиуми се критикувани за неспособноста да се впуштат во Веб новинарството, англискиoт Guardian стартува нов веб сајт, центар за сурови податоци, каде новинарите и сите корисници ќе можат да се впуштат во истражување и анализа на податоците за да ги дознаат фактите. „Фактите се свети“, вели Guardian. „Наша работа е да овозможиме клучните […]
Случајно, некои Facebook корисници добија пристап до нови прототип опции и сервиси на друштвената мрежа. По четириесетина минути од објавување на новите опции Facebook го изгаси сајтот, ја врати првобитната верзиjа и се извини за изгасеното време. Но, четириесетина минути се доволно време за да се кликне „print screen" и да се дознае за новите фан страни, интерфејсот за фотографии и за опцијата „Мемории“ за прегледување на севкупните активности на корисникот од приклучување на мрежата.
iPhone апликацијата Word Lens на QuestVisual e неверојатна апликација која преведува принтан текст во реално време користејќи ја камерата на телефонот за „оптичко препознавање знаци“. „Word Lens e речник – еволуиран. Ги прегледува зборовите за вас и ви ги прикажува во контекст. Можете да го користите Word Lens на вашите патувања да преведете менија, улични […]
Содржината на македонскиот веб сè уште е на нивото што Европа го имаше пред 10-15 години, се вели во истражувањето за онлајн медумите и онлајн новинарството на Македонскиот институт за медиуми (МИМ).
Веб играта Mафиа.мк не случајно го избра името „БалКанКан“ за својата нова сезона, бидејќи играта истовремено стартува и во Бугарија и наскоро во Србија.
Новите „сугестии за тагирање“ на Facebook која ќе стартува во наредниве месеци автоматски ќе им предложува на корисниците кого да означат на фотографијата користејќи технологија за препознавање на лице.
