Guardian стартува сајт за статистичко и истражувачко новинарство

во Веб, Свет

Додека македонските медиуми се критикувани за неспособноста да се впуштат во Веб новинарството, англискиoт Guardian стартува нов веб сајт, центар за сурови податоци, каде новинарите и сите корисници ќе можат да се впуштат во истражување и анализа на податоците за да ги дознаат фактите. „Фактите се свети“, вели Guardian. „Наша работа е да овозможиме клучните податоци да бидат пристапни и лесни за разбирање.“, пишува Guardian цитирајќи го понатаму таткото на Вебот, Тим Бернерс-Ли кој вели:

„Новинарството ќе биде прегледување на податоците и опремувајќи се со алатки за да се анализираат и да се одбере тоа што е интересно. И да се стави во перспектива, да им се помогне на луѓето да можат да видат каде сето тоа се вклопува и што се случува со државата.“

Овој новинарски пристап што го овозможува Вебот, калсично новинарство кое се повикува и линка до сировите податоци, неодамна беше дефинирано како „научно новинарство“ од основачот на Wikileaks, Џулијан Асанж, кој во свој текст „Не го убивајте гласникот за откривање на неубавата вистина“ во австралиски весник напиша:

„Научното новинарство ви дозволува да ја прочитате целата приказна, и тогаш да кликнете онлајн да ги видите оригиналните документи на кои е базирана приказната. Така ќе може да си одлучите самите: дали приказната е вистинита? Дали новинарскиот извештај е точен?“

Wikileaks и Guardian соработуваа при објавувањето на доверливите документи од ирачката и авганистанската војна, како и објавување на купот доверливи дипломатски документи.

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments
Elena
Elena
11 years ago

Auuu, odlicno! Steta samo kaj nas sto nema nikogas ova da se napravi zatoa sto nema izvori vo rabotata na nasite novinari, tekstovi se pravat so pishi prepishi eden od drug. Za zal.