Новиот систем овозможува да одговорите на коментар коментар. Наместо да се редат коментар врз коментар, сега коментарите се подредуваат под првиот, зависно од кому му се одговара.
Има и корисничко гласање за коментар. Ако кликнете на зелената стрелка за нагоре, тоа значи му давате глас на коментарот, што значи го искачувате нагоре како најрелевантен коментар/одговор на првиот. Со тоа автоматски му ставате Like. Доколку кликнете на црвената стрелка, повторно му давате глас, но овојпат е негативен, за да се спушти надолу на листата, „да се скрие“ како невалиден.
Друго интересно нешто е што има опција „Post on my Profile“, за постирање на коментарот на мојот ѕид со вести, евентуално со тоа поканувајќи ги и моите Facebook пријатели да коментираат на тој пост или да го видат.
Го немам видено овој систем претходно никаде на мрежата, но претпоставката е дека ако Facebook ги тестира отворено коментарите за сите корисници на својот блог, тогаш големи се шансите наскоро да ги користиме и на профилите.
