Пред скоро една година Министерството за информатичко општество стартуваше едукативна тв емисија за Еdubuntu, оперативниот систем на кој работат училишните компјутер од проектот „Компјутер за секое дете“.
App World 2.0 пазарот за Blackberry апликации сега доби своја онлајн верзија со што ќе се овозможи симнување апликации од интернет на компјутер, а потоа нивно префрлање на мобилен. Со оваа можност Blackberry App World наликува на Apple-овиот iTunes, ако се изостави разликата во бројот на апликации, Blackberry има над 10.000 апликации, за iOs има скоро 300.000. Интересно, Google најави дека и тие работат на слична веб верзија на Android продавницата за декстоп.
Програмата е слична на Skype, Yahoo Messenger, MSN, но со дополнителни опции, вака е опишан Macedonia Live месенџерот кој е пуштен во употреба летово од страна на Teleks.com.mk.
Според развивачкиот тим на Android, сега има над 100.000 апликации за Google-овата мобилна платформа. Популарноста на Android продолжува да расте благодарение на отвореноста, софтверот е со отворен код па многу производители го преферираат Android за своите мобилни уреди. Досегашните верзии на платформата ги преферираа мобилни телефони, но се претпоставува дека најновата 3.0 Gingerbread верзија на Android ќе биде приспособена за таблет компјутерите. Појавувањето на Android таблет компјутери сигурно ќе значи и повеќе апликации.
Астронаутот на НАСА, Даглас Вилок ја доби „NASA Explorer“ значката на Foursquare откако се чекираше на Foursquare од 354 километри над Земјата додека патуваше со брзина од 28.000 километри на час. Значките се еден вид игра на Foursquare, собирањето значки носи и награди, што ги поттикнуваат корисниците да го користат сервисот. Ако ја покаже значката астронаутот Вилок ќе добие бесплатен сладолед за аустронаути. :)
Gingerbread е името на се уште не објавената 3.0 верзија на Android мобилната платформа. Google не даде официјална изјава, туку ова се потврди со видео „Ние готвевме нешто...“ во кое се гледа поставувањето на Gingerbread man статуетката на кампусто на Google. (Ако се чудите на името и статуетката, Gingerbread е колаче од ѓумбир, вакви колачиња во форма на човече се традиционално нешто во САД)
Facebook се одлучи да ги енкриптира (шифрира) корисничките идентификациони броеви (UID). Ова следи по неодамнешното откритие дека Facebook апликациите ги споделува корисничките ID броеви со маркетинг агенции и компании кои „копаат“ интернет информации и покрај тоа што таквото извлекување од податоци е забрането на Facebook.
Со цел да се истакне CV-то да се препознае меѓу другите, ко-креаторот на Symbian, Дејвид Вуд, заедно со CWJobs.co.uk и тим од инженери и дизајнери го направи првото CV (резиме) користејќи виртуелна компјутерски-генерирана 3D визуелизација. Камерата и апликацијата го препознаваат „дигиталниот слој“ на резимето и го прикажуваат во проширената (аугментирана) реалност на компјутерот.
Мicrosoft на 15 ноември ќе го стартува веб базираниот Games for Windows Marketplace, односно пазар преку прелистувач за игри каде корисниците ќе можат легално да си купат игри.
Прелистувачот т.е. идната единаеста верзија на Opera покрај Unite, userJS и Widgets, ќе има eкстензии со кои корисникот ќе може да си го персонализира прелистувачот. Екстензиите се налик на додатоците за Mozilla и ектензиите на Chrome.
Кога Mac ќе се спои со iPad, вака Стив Џобс го најави новиот ултра тенок ноутбук MacBook Air на вчерашниот Аpple настан со име „Назад кон Mac-oт“. Името на настанот е сосема соодветно земајќи в обзир дека се најавија неколку Mac новитети.
Facebook се информира за секоја ваша посета на еден од милионите сајтови кои користат Facebook Connect и има историја да предава лични податоци на трети странки, вели инжинерот на Google, Брајан Кениш.
Google објави можност за лесно додавање на слики и диаграми во веб базираниот Google Docs. Сега можете да додавате слики со повлечи-и-спушти функција, наспроти досегашните закачувања преку хард диск, URL или преку Google Image Search.
За само два дена од објавувањето, видео трејлерот на World of Warcraft: Cataclysm е погледнат над 2 милиони пати. Сепак може да се очекува видеото да стане уште поголем хит бидејќи масовната онлајн игра World of Warcraft има над 12 милиони играчи ширум светот.
Многу сервиси, IM месинџери, четови, друштвени мрежи, нивни мобилни верзии... немаат македонска подршка па често комуницираме користејќи латиница. Често комуницираме и со странци кои не го зборуваат македонскиот јазик па е потребно да го напишеме нашето име, име на улицата итн. на латиница. Но... често се забележува дека различни луѓе различно ја користат латиницата, некој пишува zosto, друг zashto, трет baknez4e...
FluffyApp (Windows верзија на CloudApp за Mac) е апликација со која можете да закачувате слики, URL, фајлови на Интернет, во облакот. При инсталирање FluffyApp се појавува мало облаче во system tray (кај часовникот, долу десно) во кое можете да додавате нешта само со повлечи-и-спушти. Интересно е што можете едноставно да грабнете URL или слика и да ги вметнете во облачето и тие ќе бидат закачени во вашиот „онлајн фолдер“.
На 23 години ја стартува Apple од гаражата на своите родители и станува милионер. На 30 останува без работа, надвор од својата компанија. Денес, Стив Џобс е еден од генијалците кои комплетно го променија светот со своите ИТ идеи. Како директор на Apple, г. Џобс го претстави Mac персоналниот компјутер, го претстави уникатниот Apple дизајн, го промени начинот како конзумираме музика претставувајќи го iPod, смени како ги користиме мобилните телефони со iPhone, го претстави iPad моделот за идните таблет компјутери. Стив Џобс едноставно е генијален визионер.
Лик Геисбулер и неговиот син од Бруклин лансираа iPhone и HD камера во вселената, поточно 30 километри во стратосферата. Нивната мисија беше да ја снимат „темнината над Земјата“ со HD видео камера. За таа цел тие наполнија атмосферски балон со хелиум и на него закачија кутија за iPhone-от и камерата која го сними целиот пат до горе и назад. Во стратосферата поради недостиг од атмосферски притисок балонот евентуално пука, паѓа назад, при што се отвара падобран, и слетува успешно 30 километри оддалечен од местото на лансирање по што е лоциран благодарение на GPS технологијата на iPhone-от.
На форумот хардверските дискусии се едни од најинтересните. Освен што објаснуваат за разните технологии, вредноста им е што споредуваат разни хардвер продукти кои можат да се најдат во македонските продавници. И на крај споделуваат корисничко искуство, кој која технологија ја пробал, која е подобра, која вреди за тие пари...
