Контроверзните интернет активисти и хакери Anonymous објавија 10.000 имејл пораки од иранското Министерство за надворешни работи. Објавените имејлови од таканаречената „Операцијa Иран“ содржат листи од одобрени и одбиени визи и пасоши, покрај други дописки.
Кога прв пат го откривме Stuxnet се однесуваше како лабораториски црв кој не сака да јаде сирење, вели германскиот консултант за контролни сигурносни системи, Ралф Лангер, објаснувајќи ја функционалноста на компјутерскиот „црв“ Stuxnet, целата негова софистицираност и неговата намена во својот TED говор. Злонамерниот софтвер е доста софистициран, напаѓа само машини со одредена конфигурација, и […]
Иран против Америка? Или пак само способен и искусен хакер кој си има свои причини? Украдените дигитални сигурносни сертификати кои се користат за онлајн трансакции во сопственост на Google, Microsoft, Skype и Yahoo, иранскиот хакер вели дека успеал да ги пробие сам, наоѓајќи слабост во системот, негирајќи ја поврзаноста со иранската влада.
„Ирачкиот воен дневник“ на Wikileaks содржи над 391.832 доверливи документи кои ги опишуваат американските операции во Ирак детално опишувајќи ги жртвите, настаните, битките... Ова е втор ваков извештај од Wikileaks по објавувањето на „Авганистанскиот воен дневник“ кој содржеше над 90.000 доверливи документи од американската војска.
Безбедносни експерти детектирале малициозен софтвер Stuxnet, прв до сега кој ја напаѓа физичката иранска инфраструктура, како електричните станици, водоводите и индустриски згради. Експертите велат дека вирусот е толку комплексен што ресурсите потребно за негово креирање доаѓаат од национални институции, пишува BBC. „Фактот дека гледаме толку многу инфекции во Иран одошто на други места во светот […]
Непознати луѓе кои го снимија со мобилен убиството на Неда Солтан за време на иранските протести се наградени со американска награда за новинарство.
На годишнината на Иранската револуција од 11 фебруари 1979 година, иранските интернет корисници забележаа масовно блокирање на Gmail, како и прекини на интернет и СМС конекциите. Иранската влада се плаши од дополнителни протести за време на овој празник и ги блокира веб сервисите бидејќи за време на ланските претседателски избори се покажаа како корисна алатка за организирање на протестите и за информирање на светот за настаните во земјата.
Twitter објави листа на топ трендовите за 2009 година. Интересно, Мајкл Џексон не е најтвитаниот, како што е најпребаруваниот кај интеренет пребарувачите. На Twitter најпопуларна и највлијателна тема се протестите во Иран, каде Twitter одигра огромна улога, пред се како медиум. И обратно, иранските протести одиграа огромна улога во популарноста на друштвената мрежа.
Griffith универзитетот од Австралија го воведе креативното пишување твитови како задолжителен предмет за своите студенти по новинарство. Студентите го користат Twitter како „вежба за рефлектирање на себе“ вели Жаки Едварт, предавач на универзитетот. „Твитовите на некои студенти не се толку суштински како што сакаме да бидат. Но не знам дали ако напишат есеј, ќе биде подобро“ вели г-ѓа. Едварт за Sydney Morning Herald.
Моќта на технологијата, како блоговите, значи дека светот не е веќе воден од елитата, рече британскиот премиер Гордон Браун во својот говор на TED Global конференцијата. Појавувањето на г-дин. Браун на конференцијата беше изненадувачки бидејќи на ТЕD, кратко од Тechnology, Entertainment, Design зборуваат врвни мислители, иноватори и научници, секој експерт во своето научно поле. Можеби и Гордон Браун како експерт во политика, а не како политичар?
Протестите во Иран продолжуваат. Иако се прогласени како нелегални од Ајатолах Али Кхаменеи, врховниот лидер на Иран, сепак активистите повторно излегоа на улиците и се судрија со полицијата. Има и жртви... видеото снимено со мобилен за иранската девојка Неда Солтан во моментите на умирање откако беше застрелана, е еден од најбараните термини преку друштвените мрежи. Интернетот стана алатка преку која светот дознава за деталите од протестите, додека владата на Иран се обидува да го блокира.
(© http://www.flickr.com/photos/mousavi1388/) Незадоволни од повторното избирање на Махмуд Ахмадинеџад како претседател на Иран, веќе два дена низ улиците на Техеран, активисти и приврзаници на Мир-Хосеин Мусафи, против-кандидатот на претседателот Ахмадинеџад, се судрија со полицијата. Според активистите резултатите од изборите се наместени за да победи досегашниот претседател Ахмадинеџад кој во својата кампања ја искористи „Yes, you can“ паролата на Барак Обама, претседателот на САД.
