Најнови хардвер вести, рецензии, споредби и совети за компјутери, лаптопи, компоненти, периферија и уреди. Следете релевантни хардвер трендови, тестови и препораки од IT.mk.
Во исчекување на iPad 2, чие претставување ќе се случи денес, Digitimes, повикувајќи се на извори од дистрибутерската мрежа, објави интересна информација дека Apple планира да дистрибуира од 6 до 6.5 милиони iPad таблет компјутери во првиот квартал од 2011-та година.
Tobii и Lenovo го открија прототипот на првиот лаптоп компјутер кој може да се контролира со очите на овогодинешниот CeBIT.
<Надополнето 01.03.11>Договорот беше најавен ланскиот август, а сега Intel и официјално ја комплетираше аквизицијата на безбедносната фирма McAfee.
Првите комплетни компјутерски системи со милиметарска димензии беа презентирани на ISSCC во Сан Франциско. Универзитетот од Мичиген ги презентираше овие системи во вид на имплант кој го мониторира очниот притисок кај пациентите со глукома, и компактно радио за безжични сензорски мрежи.
Apple ја претстави новата линија на 13, 15 и 17-инчните MacBook Pro лаптопи кои сега имаат побрз Sandy Bridge процесор и се првите компјутери кои ги имаат новиот Intel Thunterbolt портовите за побрз пренос на податоци.
Microsotf Research и групата Applied Sciences на Microsoft ги презентраа претходно тајните прототипи и неверојатни концепти на овогодишниов TechForum.
Аpple испрати покани до медиумите за да присуствуваат на специјален настан на 2-ри март да видат „на што ќе биде посветена 2011-та“. Според сликата од поканата јасно е дека Apple ќе го претстави iPad 2, нивниот втор таблет компјутер.
Nvidia го претстави првиот quad-core чип за мобилни уреди кој е развиен од проектот Kal-El.
HTC го претстави 7-инчниот таблет Flyer, кој го промовира како уред за „сериозен гејминг каде и да отидете“. Таблетот ќе работи на Android 2.3 оперативниот систем, не е новата Honeycomb верзија наменета за таблети што може да биде проблем во поглед на конкуренцијата. Flyer го има и со HTC Sense интерфејсот, познат на многумина бидејќи се користи на куп разни HTC уреди.
Watson е суперкомпјутер на IBM кој ги победи човечките наптреварувачи на квизот Jeopardy!. Watson е така дизајниран да може да одговара на прашања кои се поставени на природен јазик. Тоа е многу важно поради многу причини, од кои можеби поважната е дека тоа што нас, луѓето, не одвојува вистински од животинското царство и не прави навистина луѓе е нашето лингвистичко знаење. Од настанувањето на компјутерите, целта од секогаш беше да се создаде софтвер кој разбира и може да комуницира на природен човечки јазик.
Dell има во планови во текот на 2011 и 2012-та година да објави неколку паметни телефони и таблет компјутери, од кои некои ќе работат на Android Ice Cream и Windows 8, открива Engadget повикувајќи се на доверлив Dell документ со зацртан стратешко производство.
Валентин е ден на заљубените нели, со тоа и ден за давање подароци на својата подобра половина. По повод празникот It.com.mk се прошета низ ГТЦ и низ веб во потрага по интересни гик уреди со цел да ви инспирираме идеја за подароци.
Hewlett-Packard лансираа нов екран на допир кој може да се наведне до 60 степени, и со тоа може да се користи за најразлични намени. HP TouchSmart 610 consumer PC и HP TouchSmart 9300 Elite Business PC можат да се наведнат до скоро легната позиција овозможувајќи креативно користење, вели HP.
Ѓокица на форум објави интересна, забавна и детална рецензија на своите нови Sennheiser HD 485 слушалки. За многумина се само слушалки, но неговата рецензија е поглед на како секој хардвер ентузијаст гледа на уредите, и како треба да се гледа на хардвер - детално, прецизно, со цел да се извади максимумот од, во овој случај, слушалките.
Sony го претстави NGP, следната генерација на портабилни уреди, продолжение на PSP 2 уредите. Се очекува NGP да се појави на пазарот до крај на 2011, и најверојатно тогаш ќе му се открие и цената. NGP ќе треба да биде сериозен конкурент на и конкурент на Nintendo 3DS кој ќе се претстави во март. Споредено со нивните претходници, Sony PSP претставен уште во 2004-та, продаде 64 милиони парчиња до денес, додека конкурентот Nintendo DS, исто претставен во 2004-та продаде двојно повеќе од тоа.
Се чини дека Kinect на Microsoft, уредот кој ги следи движењата на тело кое служи како контролор, не е врзан само за видео игрите, туку има доста поинтересни примени доколку се искористи (читај: хакне) правилно.
Зборувајќи за конкуренцијата во пазарот на таблет компјутерите, Тим Кук, COO на Apple кој ќе ја води компанијата додека Стив Џобс e на боледување, објасни дека конкуренцијата може да се подели во две кошни: Windows-базираните таблет компјутери кои се „тешки, скапи, со слаба батерија“ и Android таблет компјутерите кои се само поголеми паметни телефони, што, според него, е „бизарен“ модел.
Apple има интересна визија за како технологијата треба да се развива, изјави експертот за Apple патенти Џек Пурчер за блогот Mashable кои претставија некои интересни идеи на Стив Џобс и Apple, на кои во во 2010-та им беа одобрени вкупно 563 патенти .
Дизајнерот Елиот Вудс го хакна Kinect, новиот гејминг уред на Microsoft, и користејќи ја неговата камаре и видео проектор успеа да направи визуелна симулација на огнена топка, проширувајќи ја реалноста.
Која е најдобрата продавница за хардвер, најдобра според квалитетот на робата, цената и според сервисот и услугата? Форумџиите стартуваа интересна анкета која прерасна во дискусија за продавниците споделувајќи го своето корисничко искуство.
