Тема на презентерот Крег Мундие е промената која се случува во начинот на кој ги користиме компјутерите. Нивната цел е збогатување на човечкото искуство, правејќи синтеза на нашите дигитални и физички животи. Како први знаци дека оваа нивна идеја станува реалност се Kinect за Xbox 360, интересното Avatar Kinect и Microsoft Surface.
Главната вест на овој настан сепак е објавувањето на веста за Kinect за Windows Software Development Kit кој ќе излезе оваа пролет и кој ќе им овозможи на програмерите да пронајдат нови креативни начини да го искористат Kinect контролерот за Windows компјутерите, како и за Xbox 360. Програмерите нема да можат да заработуваат од апликациите направени со овие алатки, комерцијална верзија би требало да следи понатаму. Погледнете го видеото за да видите што можете да креирате со овие алатки.
Одамна компјутерите не се веќе сметачки машини. Денеска се повеќе и повеќе добиваат нова сетилна димензија. Погледнете што има да каже Крег на оваа тема, заедно со снимки од проектите на кои работат во моментов во Microsoft Research.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
