Најнови написи, вести, анализи, рецензии и практични совети за Друштвени мрежи. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Google тестира подруштвени вести, додаде „Споделено од“ текстот покрај секоја вест. На прв поглед оваа информација заедно со бројот на „сличните написи“ ви ја кажува популарноста на веста, често и важноста на тие вести.
Повеќето апликациите на Facebook ги споделуваат корисничките ID броеви, давајќи пристап до имиња на корисниците и на нивните пријатели на околу 25 маркетинг агенции и компании кои работат со податоци, од кои некои работат со креирање профил на интернет корисници следејќи ги нивните онлајн навики, открива Wall Street Journal.
Skype конечно ја објави 5.0 верзијата за Windows за симнување. Големата новина е секако можноста за видео чет со 10 луѓе, што го прави Skype еден вид бизнис алатка за конференциски видео разговори. Видео повиците во моментот се бесплатни бидејќи „сакаме да се осигураме дека имаме заинтересирани корисници и дека квалитетот е доволно добра за да наплаќаме за услугата“ вели директорот за продукти на Skype, Мајк Бартлет.
Bing.com сега како резултати од пребарувања ќе покажува „Like" информации од Facebook Instant Personalization. Ова значи дека кога корисникот, кој е претходно логиран на Facebook, ќе пребарува на Bing покрај стандардните резултати ќе се појавуваат и лицата на неговите пријатели кои кликнале Like на тој линк. Најдобар пример е пребарување на филм, музика или слика. Кога ќе пребарувате некој филм интересен за вас ќе видите и на кој од вашите пријатели му се допаднал тој филм, како на сликата погоре.
Facebook тестира промени на коментарите кои ќе опфатат корисничка мрежа, гласање на коментарите и подкоментари, пишува AllFacebook објавувајќи скриншот од промените.
Oк, ве чувме гласно и јасно дека не ви се допаѓа новото лого, пишува производителот на облека Gap на својот Facebook профил велејќи дека ќе го вратат своето препознатливо сино и 20 години старо лого.
Релативно силен земјотрес се почувствува во Скопје и Куманово околу 22:24-5 минути, први потврдија друштвените мрежи, Facebook и Twitter уште еднаш покажувајќи ја својата способност брзо да пренесат и потврдат информации.
Facebook претстави нови групи, т.е. сега корисниците ќе можат да си креираат група со одредени пријатели во која ќе споделуваат одредени информации, слики и постови. Ова е еден вид организирање на стотината пријатели, пример, една група со колегите од работа, една со фамилијата... можете да се приклучите на вкупно 300 групи.
За овој наш вмрежен свет, вели Јане Ѓорѓиоски a.к.a. Рибаро за своето ново „Мојата друштвена мрежа“ видео.
"Луѓето се тие кои ги поседуваат и треба да ги контролираат сите информации кои ги внесуваат во Facebook, па така 'Download Your Information' ќе им овозможи на луѓето да ги експортираат податоците и да си ги имаат на едно место" објасни основачот на најголемата друштвена мрежа, Марк Зукерберг, на вчерашната прес конференција каде што беа најавени неколку нови проекти, меѓу кои и опцијата наречена Download Your Information која овозможува на лесен начин да ги експортирате сите ваши пораки, слики, видеа, и постови во .zip фајл.
(oваa рецензија на #newtwitter e дело на Даниел Јанев. Даниел е графички дизајнер, фриленсер, фотографи и лого нинџа... повеќе за неговата работа ќе најдете на неговиот сајт и на неговиот блог dezen.mk, а него ќе го најдете на Facebook и Twitter)
Сервисот за микро-блогирање во 140 карактери ги стартуваше Promoted Accounts, односно својата нова маркетинг шема. „Промовираните профили“ се исти како што пишавме претходно, работат така што се појавуваат во Who to Follow листата за сугестии. Целта е компаниите и сите заинтересирани да допрат до повеќе Twitter корисници и со тоа да имаат поголем број следбеници кои ќе ги читаат промотивните твитови. Промовираните профили нема да се појават ако никој од вашите следбеници и луѓето што ги следите не го следат тој профил.
BBC објави интересен текст „Зошто компаниите мора да го следат секој ваш чекор на Facebook, YouTube, Twitter“, во кој пишува за денешнава моќ на потрошувачот и како денеска компаниите не можат да си дозволат да бидат дрски, да ги игнорираат корисниците и со тоа да привлечат негативна репутација.
Друштвената мрежа за бизнис професионалци и споделување контакти објави дека сега има над 10 милиони корисници, што, според XING, е најголемиот раст на компанијата во последните 15 месеци.
Facebook ќе дозволи закачување слики со висока резолуција, односно корисниците ќе можат да објават слика со 2048 пиксели резолуција, наместо досегашните 720. Мрежата исто така ќе дозволи и закачување слики со висока резолуција, како и ќе се воведе мулти-тагирање за тагирање на лица на повеќе слики.
Facebook и Skype наскоро ќе најават партнерство што ќе вклучува интеграција на Facebook Connect во Skype, што ќе им понуди на корисниците да си праќаат SMS и да вртат телефонски повици, како и ќе има опција за видео чет со Facebook пријателите. Facebook интеграцијата ќе се појави со oбјавување на Skype 5.0 во наредниве недели, пишува AllThingsDigital.
Facebook наскоро ќе ве информира со кого го споделувате статусот, опција која ќе го замени малата икона на катанче која е за одредување на степенот на приватноста, пишува InsideFacebook.
Друштвената мрежа за бизнис контакти LinkedIn објави неколку новости за компаниските профили. Овие профили првпат беа објавени во април и овозможија компаниите да имаат свој сопствен профил со можност корисниците да ги следат информациите од таа компании. Сега по успешниот старт - се креираа 1 милион компаниски профили - LinkedIn воведува неколку нови опции.
Twitter стартува нова, трета маркетинг понуда Promoted Accounts. Компаниите кои ќе сакаат да се рекламираат ќе можат да си купат место на листата за сугестии who to follow со што ќе си добие можност да го зголеми бројот на следбеници на својот Twitter профил, пишува All Things Digital. Promoted Accounts се уште не е официјално објавена и со тоа нема информаци за цената на оваа услуга.
Најверојатно Facebook ќе додаде опција администраторите на фан страни да пријават спамери и да банираат корисници кои претеруваат во постовите на фан страната, пренесува AllFacebook. Ова е одлична новост за администраторите на фан страни кои ќе можат мирно да спијат без да мислат дали спамерите ќе ја натрупаат страната со куп непотребни постови.
